الفرق بين ام الولد و ام البنت وقت المدرسة [الأرشيف]

مي محمد

02-09-2023, 08:03 PM

الفرق بين اللي عندها بنت أو ولد وهما نازلين المدرسة الصبح
البنت:
- اعمليلي 11 ضفيرة يا ماما
- ليه يا حبيبتي ما كفاية 7
- اصل كبريتاچ صاحبتي كانت عاملة 10 امبارح وانا عايزة ابقى اكتر منها
- حااااضر .. لا طبعا لازم تفوزي على كبريتاچ في مسابقة الضفاير
- طيب انا هلبس الشورت النهاردة
- لا يا روحي ماينفعش ده للنادي
- لا يا ماما البنات بيلبسوه في حصة ال pe عادي
- انتي متأكدة
- ايوة
- اللهم طولك يا روح عايزين نخلص
- طيب فين الساعة الحمرا
- مالها الزرقا ؟!
- زهقت منها
- يا حبيبتي لما ترجعي من المدرسة هبقى ادورلك عليها علشان الباص وصل
- انا زعلانة منك يا ماما انتي مش مهتمة بيا
- انا اسفة يا حبيبتي سامحيني انا اصلا أم فاشلة وماتربتش
الولد:
- قوم يا حبيبي الباص وصل كويس انك نايم بهدوم المدرسة خد شنطتك اهى وابقى خلى المس تطسلك وشك بشوية ماية لما توصلوا
- صباح الفل على احسن ام في الدنيا
- حبيب قلبى