(نشرة اخبار زمااان ) احكى يا شهرزاد !!

[أنثى متمرده]

http://www.dawshagya.org/vb/storeimg/img_1380445107_780.gif

http://files2.fatakat.com/2012/3/13317368701841.gif


احكى يا شهرزاد

http://www.assawsana.com/portal/image/imgid150222.jpg

سااالخيير على كل ال عبق موضوعى انهارده باسم احكى يا شهرزاد
وحكايتنا هنا مش هتكون اى حكايات دى حكايات من الزمن اللى فااات
مش هتلاقو هنا لا شهريار والا مسرور ابو سيف اللى بيقطع رقبة البنات
لكن هتكون معايا نشرة اخبار زمااااان
شخصيات كتيييير اوى تعرفوهم كلكم حق المعرفه
وهنتكلم عن كل شى سياسيين فنانيين شعراء
بس ياا ترى هنبدا حكايتنا باايه
http://files2.fatakat.com/2012/3/13317447701090.gif
انتظرونى مع حكايات شهرزوده وتمرد
معانا مش هتقدر تبربششش بعنيك
ارجو التثبيت ويبقى كتر خيركم

:strong:

[أنثى متمرده]

الأحد، 22 فبراير 2015

نشرة أخبار زمان

http://1.bp.blogspot.com/-F_qQVzDT3oA/VOoZ_WHfieI/AAAAAAAAu40/ZOsr-hKdMDo/s1600/ds6669999999.JPG


الليلة دى رغى شهرزاد ونم على الناس
ونشرة اخبار من بتاعت زمان
تأتيكم برعاية شهرزاد والحكمة القديمة الرائعة
" ستأتى أيام يكون فيها التأمل فى الماضى
عملاً لاجل المستقبل "
هنقول الخبر ويتبعه سؤال للمشاهدين
1 ديسمبر 1941

"علمنا ان المصريين الذين كانوا مقيمين فى فرنسا
غير المحتلة قد غادروها جميعا
وانهم الآن فى طريقهم الى مصر "

انتهى الخبر والسؤال هو :


عزيزى المشاهد اذا حذفنا كلمة من الخبر
وحطينا مكانها كلمة اخرى
فهيبقى ولا كأن فات فوق ال60 سنة ولا حاجة
فما هى هذه الكلمة ؟
محدش جاوب .. ماشاء الله كله
بيلعب ف الموبايل وبيكلم الحتة بتاعته ومحدش مركز
مااااااااااشى
الاجابة شيل فرنسا وحط ليبيا مكانها
لأ برافو فيه ناس مركزة :)

http://2.bp.blogspot.com/-ASoqsBAjmrg/VOmU_JBGtnI/AAAAAAAAu0Q/nOYEcpAgX0Y/s1600/969569_542930152425539_1035382379_n.jpg

يونيو 1948

" شوهد منذ أيام فى حديقة الازبكية بالقاهرة
ثعلب يجوب أركانها وقد تنبه له بعض زوار الحديقة
والقائمين بالأمر فكمنوا له واصطادوه يوم السبت الماضى
بعد ان قضى بالرصاص
وقد ارسلت حديقة الحيوانات فى طلب جثته لتحنيطها
.ومما يذكر بهذه المناسبة ان هذا الثعلب
يسكن بالحديقة منذ 12 عاما "
وانتهى الخبر على هنا

http://2.bp.blogspot.com/-yduOgAIPtT4/VOmVDUQuPXI/AAAAAAAAu0Y/PENKyxrJO2Q/s1600/tumblr_me7u1zaPLP1rgjbcvo1_500.jpg

انتهى الخبر والسؤال هو

متوسط عمر التعالب بيقولوا انه حوالى 15 سنة
يعنى الجدع قاعد ف الجونينة كافى خيره شره
لحد ما كان قرب يودع
قتلتوه ليه يا كفرة ... ؟!!!
دا اولا
ثانيا
مزعلكوش ف شبابه الراجل والقائمين بالامر
كانوا عارفينه وسابوه فإيه اللى جد بعد 12 سنة يعنى ؟
ثالثا
ليه مفكرتوش تصطادوه وتحطوه ف قفص
ويتفرج عليه البشر بدل ما يروح جنينة الحيوانات
متحنط ... ليه ليييييه ليييييه؟؟؟
#بصوت_ميدو
وسؤال اخير
أذكر ما هو وجه الشبه بين مسئولين زمان
ومسئولين دلوقتى ... غير غلظة القلب ؟
الاجابة هى : الغباااااااء
وليه يصطادوه اصلا ؟!! الناس واخده فكره عنه
انه كائن شرس وخطر , وهو مش كده خالص
غباء .. ف سنه دا المفروض يكون مش قادر
يقوم من مطرحه ومش مصدر خطر اساسا
غالبا دا السبب انه ابتدى يبان للعيان
العقليه الشعبيه المصريه بتخلط دايما بين الثعلب
وبين الذئب , بيفتكروا الاتنين واحد ,
علشان كده لاحظت ان البسطاء بيخافوا منه جدا
هو مش خطر عموما , ولا وهو كبير ولا وهو صغير
, وبيتجنب البشر تماما
23 ابريل 1939

"كتبت بعض شركات الأسلحة الامريكية
التى تشرف عليها الحكومة هناك الى الحكومة المصرية
تعرض عليها ان تورد للجيش المصرى
الأسلحة اللازمة له
والتى لا يتسع وقت المصانع البريطانية لتوريدها اليه
بسبب برنامج التسلح البريطانى "
الخبر انتهى والسؤال هو

ودلوقتى بعد 75 سنة اختر مما يلى
ما هى نسبة مساهمة شركات الأسلحة الأمريكية
ف تسليح الجيش المصرى ... هل هى :
- 100 %
- 100 %
- 100 %

1 فبراير 1931

" وافق دولة وزير الداخلية نهائيا على
مشروع الحاق حملة الليسانس بوظائف البوليس
بعد تدريبهم على الاعمال العسكرية "
انتهى الخبر والسؤال هو

علل لما يعتبر وزير الداخلية دا فاشل وقوى كمان ؟
- عشان مخدش بتوع الأعدادية
- عشان مخدش اللى معاهم ابتدائية
- عشان مخدش خريجى الكى جى تو
- عشان مسموش محمد ابراهيم
- كل ما سبق

http://4.bp.blogspot.com/-zjMJfJENF1A/VOmXOSimr1I/AAAAAAAAu0o/Vnih4A09zpw/s1600/coin43copy.jpghttp://3.bp.blogspot.com/-P-KosZC7v3g/VOmXU31LoHI/AAAAAAAAu04/-4tGDPUFrRo/s1600/coin43copy2.jpg


31 اكتوبر 1932

" تلقت وزارة المالية اخيرا من دار الضرب بلندن
300 قطعة ذهبية من ذات الخمسة جنيهات
وهذه القطعة مزينة بصورة حضرة الجلالة مولانا الملك
وتباع القطعة بمبلغ 740 قرش "

http://3.bp.blogspot.com/-iLSqQKJZ6II/VOmhaP4gayI/AAAAAAAAu1I/iTZjAvo8KXA/s1600/f4547cc1eb9522390d88ae3af05f839f.jpg


انتهى الخبروالسؤال ينقسم الى أ و ب
أ) كما قال محمد صبحى ف الجوكر
انا راضية ذمتكو
دى صور تحطوها على علب أطفاااااال
أطفال ف عمر البراءة والصبا !!

http://1.bp.blogspot.com/-vKp6BO7Rhvs/VOmhcGTYpbI/AAAAAAAAu1Q/7KD0f_06nl4/s1600/fouad.jpg
ب) ثم اشمعنى 7 جنيه واربعين قرش
مش وخمسين مثلااااا
ثم دول دهب دهب بجد ولا بيسرحوا بينا ... ؟
والنبي طعم كده وواكل وشبعان
دهب عيار 24 صافى , حتى نهاية الثلاثينيات
, كان سعر الجنيه الدهب أقل من تسعين قرش
, يعنى الجنيه الورقى قيمته أعلى من نظيره الذهب

[❞اوركيد♡]

جداول الألق تنسابُ ب إنسيابك
وتزداد نورًا كثيفًا بك
عبقكِ مختلفٌ ي جميلة
وتحيةٌ عُظمى لجمآل آنتقآئك

[أنثى متمرده]

http://3.bp.blogspot.com/-sYOtIYmcapU/VOmjGV2eD_I/AAAAAAAAu1c/0ihU_0P8Pz0/s1600/2bfebdd814e0b19300b894c7d1ae6dad.jpg

7 يونيه 1931
اسوان
" اتصل برجال الاختصاص
ان صمويل فلتؤوس افندى
معاون محطة الجعافرة يشتغل بالسياسة لحزب معين
فصدر الأمر بفصله من وظيفته "
والسؤال اللى مش محتاج اجابة ...
طبعا فلتؤوس افندى اكيد اخوان #معروفة
غالبا كان وفدي و الله اعلم
يونيو 1930
" عثر بوليس الجمالية على المدعو عبداللطيف محمد
وهو رجل لا صناعة له منتحرا بمنزله بالمبيضة
وتبين انه انتحر لضيق ذات يده "
انتهى الخبر والسؤال بقى
ليه انتحر عبداللطيف ف منزله مش ف حتة تانية ؟
- عشان خاف حد يمنعه
- عشان الجوع اصابه بالهزالمقدرش يخرج
- عشان مكنش فيه اياميها اعلانات ع الطرق

الخبر الجاى
مسخررررررررررررررة

http://1.bp.blogspot.com/-LaD7ktpkWv0/VOmkAR8GKII/AAAAAAAAu18/vY90dMo8qJo/s1600/7158950.jpg

6 مايو 1940
" اصدر معالى اللواء محمد صالح حرب باشا
وزير الدفاع الوطنى قرار يقضى بحظر الزواج
على ضباط الجيش الذين هم فى رتبة الملازم الثانى
والمفهوم ان الغرض من هذا القرار عدم ارهاق الظباط
حتى يتفرغوا فى مستهل حياتهم العسكرية
للقيام بالأعمال الملقاة عليهم
فلا تشغلهم عنها أعباء المسئولية العائلية بعد الزواج
ومما يذكر ان معالى الوزير يدرس الآن مشروع
يرمى الى الزام الملازمين الثانيين
الاقامة فى ثكناتهم على ان يستثنى الظباط
الذين يرخص لهم قائد الوحدة بالاقامة خارج الثكنات
لأسباب خاصة "
وانتهى الخبر والأسئلة هى
1) الملازمين التانيين كانوا مزعلين وزير الدفاع قوى
كدا ف ايه .. الراجل بيكدرهم بيكدرهم يعنى
#الصول_ثميح_بيكدرنى
2) الاخ اللى صاغ الخبر ملقاش جملة تانية غير
(عدم ارهاق الضباط) دى
ايه قصدكم ان الجواز اللى هوه نص الدين مرهق
ووحش
انتوا هتكفروا بقى ؟!
3) وزير الدفاع دا رقِم وخبيث وابليس يقوله يا عمى
قالك منعت الجواز اه
بس العيال لو خرجت اجازة هتنيحرف وتنبسط برضو
ففكر يطلع القرار يحبسهم ف الثكنات
يا ليهوى ع السواد ... !
4) ما تشوفولنا الدفعة اللى اتحبست دى
اساميهم ايه يا عيال
اكيد منهم ناس اتعقدت
وبعدين طلعت عقدها علينا لما اترقوا ف الرتب وكدا
اه مش بعيد والله
الكتمه وحشه بتكمكم وتلم حشرات #معروفه
انا بحثت و دورت.. جيمى و السادات
و عبحكيم اتخرجوا سنة ٣٨ و ٣٩
لأ هما بيتكلموا عن ملازم تانى
متهيألى كانوا عدو الرتبة دى .. عموما كلهم عاااااااهات
لأ.. ما الرتبة بتقعد ٣ سنين عشان يترقى للرتبة اللى بعدها
يعنى شكلهم هم اللى عليهم العين و النية
http://1.bp.blogspot.com/-uZgaRw4yRRQ/VOmkaU8v4uI/AAAAAAAAu2U/oEob5xwfwYk/s1600/474412_403301016388454_2076130500_o.jpg
http://3.bp.blogspot.com/-k8JwmGexP3Y/VOmkZvRya7I/AAAAAAAAu2M/CihCcRQCxvo/s1600/558251_419903574728198_948619540_n.jpg

ابريل 1931
"المنطاد جراف زبلن الالمانى الذى طاف فى نزهة جوية
من فلسطين عائدا الى مصر
اجرة المنطاد 97 جنيه دهاب واياب من المانيا الى مصر
و27 جنيه ونصف ذهاب واياب من مصر الى فلسطين "

http://1.bp.blogspot.com/-ai9l0FplkVI/VOmkbwZjmcI/AAAAAAAAu2c/pIG3ikVyCco/s1600/%D8%AC%D8%B1%D8%A7%D9%81-%D8%B2%D8%A8%D9%84%D9%86-%D9%81%D9%8A-%D9%85%D8%B7%D8%A7%D8%B1-%D8%A3%D9%84%D9%85%D8%A7%D8%B8%D8%A9-%D9%8A%D8%AD_17_3_2010_41_32.jpg
انتهى الخبر والسؤال هو
ليه 97 جنية ومش 95 أو 100 وخلصنا
وانا عاوزة اعرف دلوقتى الرحلة لفلسطين بـ 27 ونص
اشمعنى النص يعنى اللى مزعلهم كدا !!!
http://1.bp.blogspot.com/-48aTz8by-F4/VOmk4EExc6I/AAAAAAAAu20/1FoUqnn_sPk/s1600/3743990804_3a7574a3c2.jpg

انتهى الخبر والسؤال هو ..
كام ليلة متتعوضش زى دى عاشها هذا المبنى الجميل
العريق اللى ملوش زى
وكيف تجرأ الاوغاد انهم يسيبوه يتحرق ... !
انا كده عرفت هو ولع ليه !!!
http://3.bp.blogspot.com/-UZgfK4a41q4/VOmldR9FJDI/AAAAAAAAu3E/hd_hEWGAPQw/s1600/Hussein__sirry_Pash2.jpg

مارس 1931
"علمنا ان حضرة صاحب العزة حسين سرى بك
وكيل وزارة الأشغال يتفاوض مع شركة الغاز
لتخفيض اسعار النور نظرا لهبوط اسعار جميع الحاجيات
ولا شك فى ان الشركة وان كان يقوم نظامها على الأحتكار
الا ان مراعاة الحالة العامة من النقط الهامة
المقررة فى العقد المبرم بين الشركة وبين الحكومة "
وانتهى الخبر والسؤال هو
ممكن حد يخترعلنا آلة الزمن
ويروح يجيب الراجل السكرة دا من زمانه
الا شكله قلبه حونين وطيب
دا بيقولك تخفيض اسعار
ومراعاة وحاجات خيال علمى كدا .. !

[أنثى متمرده]

http://2.bp.blogspot.com/-3atVj0M17Dk/VUVcixvvtQI/AAAAAAAAwio/TtbKTLlgn48/s1600/nariman_photo2.jpg


شوية ناس وصور
وسمعنى غنوة
دور يا زمن وخدنا ف دايرتك



http://1.bp.blogspot.com/-CTwIwTOFJ24/VUVQdjebbQI/AAAAAAAAweg/Nd2Pgg7gLK0/s1600/-jj%3Bikio'.JPG
أحمد عرابي
( 1 ابريل 1841 - 21 سبتمبر 1911)


http://4.bp.blogspot.com/-jxhY9OoedOs/VUVQfNICM-I/AAAAAAAAweo/tsuiq3tJVM0/s1600/saaaaaad%2Bzghlolllll.JPG



سعد باشا زغلول
(.... يوليو 1859م - 23 أغسطس 1927م )


http://1.bp.blogspot.com/-s5WcZVyE-jw/VUVQuKPMTnI/AAAAAAAAwe4/Hdu3iBtPmwo/s1600/Gamal_Abdelllllllll%2B_Nasser(2).JPG

جمال عبد الناصر
(15 يناير 1918 - 28 سبتمبر 1970)


http://4.bp.blogspot.com/-7it0RCrKM8o/VUVQwAW8AKI/AAAAAAAAwfA/T-Dn7pwgA2M/s1600/hussseeeen%2Bkamellll.JPG




السلطان حسين كامل
( 21 نوفمبر 1853 - أكتوبر 1917 )


http://2.bp.blogspot.com/-Y_m-PTV32vk/VUVQzrnoOPI/AAAAAAAAwfI/-VvXWNmEBLU/s1600/queen%2Bfaridaaa(2).JPG


الملكه فريده
(5 سبتمبر1921 - 16 اكتوبر 1988)




http://3.bp.blogspot.com/-WEBITqA1KoM/VUVRTRQJ2MI/AAAAAAAAwfg/A84r589X-qg/s1600/anwarrrrr%2Bsadaaaat(2).JPG


محمد أنور السادات
(25 ديسمبر 1918م - 6 أكتوبر 1981م)

http://1.bp.blogspot.com/-_Y_MLT6zLSM/VUVRYiaQc2I/AAAAAAAAwfw/GDI1tH6l7nE/s1600/kingggg%2Bfuaaaab%2B(2).JPG


الملك فؤاد الأول
( 26 مارس 1868 - 28 أبريل 1936 )



http://4.bp.blogspot.com/-56M6XHsmiEk/VUVSAwlxInI/AAAAAAAAwgE/TsCmkpFP-WQ/s1600/mohamed%2Bnageeeeeb(2).JPG


محمد نجيب
( 19 فبراير 1901 - 28 أغسطس 1984 )


http://2.bp.blogspot.com/-zB556UkON-w/VUVSF3VfrTI/AAAAAAAAwgU/8-lJEu0SH_8/s1600/khedive-abbas-hilmi-iiiiiiiiiiiiiiiiiiiiii(2).JPG


عباس حلمي الثاني
( 14 يوليو 1874 - 19 ديسمبر 1944 )


http://4.bp.blogspot.com/-aMH_49P6GRo/VUVSIe5huOI/AAAAAAAAwgc/dIqsnhfg0BA/s1600/%D8%A7%D9%84%D8%A7%D9%85%D9%8A%D8%B1%2B%D9%85%D8%A D%D9%85%D8%AF%2B%D8%B9%D9%84%D9%89%2B%D8%AA%D9%88% D9%81%D9%8A%D9%8A%D9%8A%D9%8A%D9%82.JPG


الأمير محمد علي باشا توفيق
(1875 ـ 1954)
صاحب قصر المنيل
ومرة هنحكى حكايته
وحكاية القصر ان شاء الله


http://1.bp.blogspot.com/-VhS0TjKybO0/VUVSm1NvOEI/AAAAAAAAwgk/65DCfseKvJs/s1600/%D8%B9%D8%A8%D8%A8%D8%A8%D8%A8%D8%A8%D8%A8%D8%A8%D 8%A7%D8%B3%2B%D8%AD%D9%84%D9%8A%D9%85.JPG





( 13 مارس 1902 - 4 مايو 1991 )



http://1.bp.blogspot.com/-EMt_zsiQ8aY/VUVTONherxI/AAAAAAAAwhM/1khA7uiEjhI/s1600/queen%2Bnarimaaan(2).JPG



الملكة ناريمان
(31 أكتوبر 1933 - 16 فبراير 2005 )


http://4.bp.blogspot.com/-od8uSJ1d0FE/VUVTVLLmggI/AAAAAAAAwhc/wXOXmJ5BPyY/s1600/twfikkkkk.JPG




الخديوي محمد توفيق
( 15 نوفمبر 1852 - 7 يناير 1892)


http://4.bp.blogspot.com/-KfueHa0UPRg/VUVTWaTr97I/AAAAAAAAwhk/-PVDL2OQjNQ/s1600/ismaeeeeeeeel(2).JPG



الخديوي إسماعيل
( 31 ديسمبر 1830 - 2 مارس 1895)
حبيبى دائما الجدع دا
قلوب ودباديب وبسابيس وكدا




http://2.bp.blogspot.com/-7201LuX4c_c/VUVaziSU0KI/AAAAAAAAwh0/02vAv-LyJGU/s1600/242992.jpg





الأربع قمرات بقى
حفيدات الخديوى اسماعيل
وبنات الملك فؤاد الاول
واخوات الملك فاروق الأول .. هااااى هىء


http://4.bp.blogspot.com/-tDREiQMv7Gs/VUVa-ducM8I/AAAAAAAAwh8/XF06YgydLPw/s1600/princess%2Bfawziaaaaaa(2).JPG

الأميرة فوزية
كانت امبراطورة ايران ف وقت ما
(5 نوفمبر 1921 - 2 يوليو 2013)

http://4.bp.blogspot.com/-EIhtWzGKMg8/VUVa_jCOg1I/AAAAAAAAwiE/d9i9hKluMus/s1600/princess%2Bfayzaaaa(2).JPG

الاميرة فايزة
او بحسب شهادة الميلاد .. فائزة
(8 نوفمبر 1923 - 9 يوليو 1994 )



http://2.bp.blogspot.com/-2MejkUATtRM/VUVbAGY1VGI/AAAAAAAAwiI/Y0igPpGFe_Y/s1600/princess%2Bfaykaaaaaaaaaa(2).JPG

الاميرة فايقة
أو برضو ف شهادة الميلاد ... فائقة
( 8 يونيو 1926 - 1983)

http://1.bp.blogspot.com/-LKKTA4UYZYs/VUVbBFk83vI/AAAAAAAAwiU/b1uv1Sv0Knw/s1600/princess%2Bfawziaaaaa.JPG



الأميرة فتحية
اللى مات مقتولة وكانت اصغر اخواتها
( 17 ديسمبر 1930 - 6 ديسمبر 1976 )

واخيرا الختام مسك .. سبته للاخر
عشان كان راجل عظيم ومحترم
مش زى الأشكال الضالة
اللى بيعملولها دلوقتى هاشتاجات تأييد
ع المُحن والسهتنة



http://1.bp.blogspot.com/-IAV0fsjnKBw/VUVbCFqUHFI/AAAAAAAAwiY/MZMrRDTclIA/s1600/saaaaad%2Bshazliiiiii(2).JPG

الفريق سعد الشاذلي
(1 أبريل 1922 - 10 فبراير 2011 )
و كانت جنازته ف يوم من أجمل الأيام
اللى الواحد عاشها ف العمر
#الله_يرحمه

[أنثى متمرده]

http://1.bp.blogspot.com/-oh2po_v2P1E/VOmmRU3SZzI/AAAAAAAAu3U/RDwPdpjSARQ/s1600/Rawlinson.jpghttp://2.bp.blogspot.com/-5BKRUedavlE/VOmmS9I5GnI/AAAAAAAAu3c/x2F1vWXainM/s1600/SirJohnNortonGriffiths.jpg

27 سبتمبر 1930
الاسكندرية
" انتحر السير جون نورتون جريفث
المقاول الانجليزى الكبير
الذى تعاقد مع الحكومة المصرية
على القيام بعملية تعلية خزان اسوان
وتوقف العمل فيه بعد هذه الواقعة
وكان السير جون نورتون جريفث نازلا
فى فندق سان استيفانو (الغرفة رقم 99)
وفى الساعة السادسة من صباح اليوم
خرج من غرفته للاستحمام فى البحر
وقد ذهب الى حمام الكازينو
وهناك استخدم فلوكة صغيرة واخذ يسير مبتعدا
عن الشاطىء حتى اجتاز ميلا كاملا
ولما صارعلى هذا البعد تناول مسدسا كان معه
واطلقه على صدره فقتل فى الحال
وكان بعض الاشخاص قد لاحظوا توغله فى البحر
وكان بين المشاهدين شرطى اسمه عبدالله
فلما وقع الحادث ظهر سبب هذا التوغل
وقد انطلق عمال الانقاذ الى موقع الحادث
وعادوا بالسير جريفث جثة هامدة
وقد ترك السير جون نورتون جريفث الذى مات منتحرا
فى مصر ثروة تقدر ب 5392 جنيها
ولم يترك أى منقولات"
http://1.bp.blogspot.com/-8yO4KXlqL8Q/VOmmU3HgktI/AAAAAAAAu3k/K_yDLRMNCa8/s1600/%D9%81%D9%86%D8%AF%D9%82%2B%D8%B3%D8%A7%D9%86%2B%D 8%B3%D8%AA%D9%8A%D9%81%D8%A7%D9%86%D9%88%2B%D8%B2% D9%85%D8%A7%D9%86.jpg

انتهى الخبر والسؤال هو
الراجل دا انتحر ليه ؟
ناس بيقولوا انه كان ماسك عملية تعلية الخزان
ورأس المال اكتر من 3 مليون جنيه
وكان بيشتكى من المهندسين المصريين
وعاوز يفلفص من العملية بعد ما عك الدنيا
ودا سبب انتحاره .. لكن اللى يعرفوه من زمان
قالوا عليه مغامر وخاض عمليات كتير ف الحرب وبراها
وانه سمسار حروب ومقتنص فرص اللى هوه
فتحليلك ايه يا شهرزاد وانتى تحت البطانية كدا
اقولكم الصراحة
مقدرش أظلم حد
بس شكله عبدالله الشرطى اللى كتبوا اسمه ف الخبر
هوه اللى قتله الداخلية طول عمرها بلطجية .. !
دا تحليلى ف القضية الصراحة
وبمناسبة الانتحار بقى .. خبر تانى اهو
http://3.bp.blogspot.com/-JDLLegtzKMc/VOmmr5jr-cI/AAAAAAAAu3s/0VmNJ4IRRu4/s1600/Ali_ebrahim_basha.jpg
30 ديسمبر 1929
عين الدكتور على ابراهيم عميدا لكلية الطب
ووكيلا للجامعة ويعد بذلك اول عميدا مصريا
يشغل هذا المنصب
وكان يشغل منصب العمادة الدكتور مادن الذى انتحر
فى ابريل الماضى "
انتهى الخبر والسؤالين هما ...
1) الاجانب كانت بتنتحر عندنا ليه عيبة ف حقنا
ف وشنا الحكاية دى
2) كان لازم يعنى ينتحرلكم الأجنبى
عشان تمسكوها لواحد مصرى .. يا اوغاد ؟
26 مايو 1941
" اعلان : فيلا بحديقة 813 متر ش عكاشة بالجيزة
الثمن أساسى 1400
والبيع جبرى ضد روبيرت بيانكردى بالمحكمة المختلطة "
انتهى الخبر والسؤال هو ..
اذكر ما اذا كان شارع عكاشة دا بيبص ع النيل
ولا ف شارع جانبى ؟
ثم اذكر سعر المتر دلوقتى يسوى كام ف الحتة دى
وقولنا
لا مش على النيل دلوقتي تقريبا 35000 الف
ﻻ شارع عكاشة شارع جانبى المفروض إﻻ لو ساعتها
كان مكمل للنيل مثلا D:
16 سبتمبر 1921
" كان مراد بك قنصل مصر فى باريس
يتلقى دروس فى مدرسة الغزل والنسيج العليا
فى ميلهون لمدة عامين
وقد نجح فى الحصول على لقب مهندس فى صناعة النسيج

وحصل على الدبلوم الأول فى الغزل والدبلوم الاول فى النسيج
وقد نشرت نشرة تلامذة هذه المدرسة القدماء
صورة مراد بك ونص الخطاب الذى القاه بأسم الطلبة
ردا على خطاب رئيس مجلس ادارة المدرسة
ونوه فيه بنبوغ مراد كامل بك
وقال انه مع بلوغ سن الخمسين
فقد تلقى دروس هذه المدرسة بنجاح وكان طالبا نابغا
عظيم الذكاء والنشاط "
انتهى الخبر والسؤال هو :
اذكر بالتحديد كم الفراغ اللى كان عايش فيه
قناصلة مصر ف الخارج لدرجة انهم يدرسوا نسيج
واذكر ايضا نوع الجاتوه الذى احتوى عليه البوفيه
ف حفلة المضرسة

http://2.bp.blogspot.com/-pKlxAm4p4Ug/VOmTIYbzDmI/AAAAAAAAuzU/eqWazEX4Ce8/s1600/758_001.jpg

1 فبراير 1931
" وصل مستر هوارد كارتر قادما من الأقصر
وقد ذكر لمندوبنا انه انتهى من حزم التوابيت الأربعة
التى كانت فى مقبرة توت عنخ امون
وارسالها للمتحف ولم يعد فى المقبرة الآن شىء
غير انه لا تزال فى المعمل بالأقصر عدة اشياء متخلفة
تقتضى علاجا
وحلها ثانوى

http://3.bp.blogspot.com/-J0z1-r3YK7o/VOmTU8Zj5iI/AAAAAAAAuzc/6fLijDJ8BXg/s1600/SCVIEW240788.jpg

ولكن بينها كرسى جميل الصنع
وسيعود مستر كارتر الى الأقصر غدا
لمعالجة تلك المخلفات وارسالها الى المتحف المصرى
.. وقد ذكر لنا انه لم يقرر شيئا فى صدد ما يعمله
بعد ان ينتهى من عمله "

http://4.bp.blogspot.com/-r2-AR1MfeD4/VOmTZeLs-uI/AAAAAAAAuzk/b8EzoLRQxVA/s1600/Howard_Carter_1_lg.jpg


انتهى الخبر والسؤال هو
أذكر ماذا يا ترى لو الحاج كارتر عايش الآن
وشاف اللى حصل لدقن توت
كان هــ .. ؟
- يلطم
- يتجنن
- يقطع شرايينه
- كل ما سبق
كل ما سبق بعد ما يولع فى اللى امل كدا
وفى وزير الاثار وفى المتحف وكل البلد
عشان سابت دا يحصل
اخر خبر بقى عشان المرارة
http://4.bp.blogspot.com/-7huokdCQc4w/VOn9Cjl9r1I/AAAAAAAAu4k/8gRii_1LcvA/s1600/SCVIEW127874.jpg

28 سبتمبر 1930
" عجوز معمر يدعى احمد مصطفى عمره 137 سنة
خدم فى الجيش المصرى بوظيفة ترزى
من عهد محمد على باشا الكبير
الى عهد جلالة الملك فؤاد الاول ثم اعتزل المهنة
و يعيش الآن فى مدينة شربين ولا يزال مالكا لقواه العقلية
وقد تزوج من 7 نساء لا تزال احداهن تعيش معه
وهو يرجو ان يعيش 30 سنة اخرى "
انتهى الخبر والسؤال هو
علل لماذا يريد عم احماااا ان يعيش 30 سنة كمان :
- عشان لسه صغار وملحقش يشوف الدنيا
- عشان يحصل الملك فاروق ويكمل المجموعة
- عشان يشلنا ويجيبلنا الفال

[إلين]

آنتقاء مُكلل بِ الجمال
بِ آنتظار تألق آخر
لكِ كل السعادة يِ نقاء ..

[امير بكلمتى]

،/
جَلبَ ممُيَّز جِدَاً
وإنتقِاءَ رآِئعْ تِسَلّمْ الأيَادِيْ
ولآحُرمِناْ مِنْ جَزيلِ عَطّائك..:21::5ajle (79):

[رهينة الماضي]

سلمت اناملك ع الطرح والجلب المميزhttps://www.3b8-y.com/vb/images/smilies/100 (6).gif
لاعدمنا جـديك الرآقي https://www.3b8-y.com/vb/images/smilies/100 (6).gif

[مرافئ الذكريات]

طرح جميـــــل بارك الله فيك
يعطيك العافية يا الغلا
ودام التألق ... ودام عطاء نبضك
كل الشكر لهذا المجهود...!!
ودي وتقديري لك

[عيونك دنيتي]

تسلم آيدينك على روؤوعة طرحك آلمميز
آلله يعطيك آلف عآفية وً عسسآكِ علىـآلقوة
في آنتظآر روآئع جديدك آلقآدم
دمت بسسعآدهـ...*
https://lh4.googleusercontent.com/-IqGStEBua0o/T6x-ztNBrII/AAAAAAAESUg/jrelvtcEl58/s400/%2540love%2520diamonds%2520eventyr%2520land%2520%2 52862%2529.gif

[سواد الليل]

تسلم الايـآدي على روعه طرحك
الله يعطيك الف عافيه يـآرب
بانتظـآر جــديدك القــآدم
آحتـرآمي لك

[الشاهين]

موضوع رائع
طرحت فابدعت
دمت ودام عطائك

لك خالص التقدير والاحترام

https://www.3b8-y.com/vb/uploaded/695_31545127787.gif (https://www.3b8-y.com/vb)

[سما الموج]

طرح تراثي جميل ومعلومات قيمة
يعطيك العافية على هـ الانتقاء المميز
:redroseplz:

[❞ غَدقٌ نَبضِّه♪]

،/
جَلبَ ممُيَّز جِدَاً
وإنتقِاءَ رآِئعْ تِسَلّمْ الأيَادِيْ
ولآحُرمِناْ مِنْ جَزيلِ عَطّائك..https://www.3b8-y.com/vb/images/smilies/21.pnghttps://www.3b8-y.com/vb/images/smilies/5ajle (79).gif

[ابتسامة الزهر]

تسلم الأيادي على روعة طرحك
الله يعطيك الف عافيه
بانتظـآر جــديدك القــآدم
آحتـرآمي لـ شخصك الكريم

[أنثى متمرده]

ثاء، 30 ديسمبر 2014

السح الدح امبو الاوحد طالع لأبوه


http://1.bp.blogspot.com/-zRk_yf9lQVU/VKKFD2Znk4I/AAAAAAAAuxU/PK3JD9_sCgI/s1600/635192259490571991-orientalist-study.jpg (http://1.bp.blogspot.com/-zRk_yf9lQVU/VKKFD2Znk4I/AAAAAAAAuxU/PK3JD9_sCgI/s1600/635192259490571991-orientalist-study.jpg)

حكاية النهاردة تأتيكم برعاية الحاج أحمد عدوية
لإثبات صحة نظريته القائلة بأنه


http://2.bp.blogspot.com/-OmcvO6V915E/VKJllU7PV_I/AAAAAAAAuu0/ht_fByrlcgA/s1600/aasdimboof.jpg (http://2.bp.blogspot.com/-OmcvO6V915E/VKJllU7PV_I/AAAAAAAAuu0/ht_fByrlcgA/s1600/aasdimboof.jpg)


السح الدح أمبو والواد طالع لأبوه
وبيقولك يا سيدى انه ف احدى الأزمنة
الى مش بعيدة قوى
بعت الأخ المعز لدين الله الفاطمى
بقائد جيوشه جوهر الصقلى عشان يدخل مصر
حلو
حلو طبعا لأنه دخل بأقل أراقة لدماء الشعب
واستعمل الحيلة والسياسة والترغيب والجو اللطيف دا كله
وقعد لحد ما بنى القاهرة
وبعت لسيده ييجى يفتتحها ويقص الشريط
قوم المعز جه من المغرب على راس موكب فخيم
فيه كل اهله الاحياء منهم والاموات
آيون جاب معاه رفات اجداداه
وقالك انا أصلى ناوى ألبد هنا مش ماشى تانى
وقعد المعز شوية ووطد دعايم حكمه
ثم ساب الجمل بما حمل لأبنه من بعده .. العزيز بالله
العزيز ف ليلة زرقا خلفلنا الحاكم بامر الله
فورث بعده عشان حظنا النيلة
ثم اتأمرت عليه اخته الكبيرة ست الملك
بمساعدة رجل من الجيش وبعض الحاشية
وانقتل الحاكم بامر الله
فمسك من بعده ابنه .. الظاهر لأعزاز دين الله
وقعد حضرته .. الظاهر يعنى بتاع خمآشر سنة ف الحكم
ومات وورثها من بعده ابنه الأكبر
اللى عرف ف التاريخ بـ .. المستنصر بالله
ولنا ... هنا ... وقفة
الا شهروزة دايما تحب تحكى الحكاية دى
رغم ما فيها من مآسى وقرف
لكن لازم تنحكى ونقول ونعيد ونزيد فيها
لأن الحاج المستنصر اوائل عهده كانت فُلة
الفاطميين كانت فلوسهم كتير وخيرهم بالهبل
والبلد كانت عايشة ف رخاء فعلا
وكتابات الرحالة اللى زاروا مصر ف هذا الوقت
بتؤكد هذا وبشدة
منهم الأخ ناصر خسرو وغيره
اللى شافوا مصر وكتب عنها حاجات مذهل
ة وكلها عجب العجب عن الغنى والثراء والترف والدلع
هاحييييييح
آه أيام القرش ساغ تتشترى التلاتين بيضة
وعشر ترطال لحمة وتدفع أجر الشقة
وطمعت ف الباقى طفشت وكدا ...
المهم انه فيما عدا لطشات الساسة والحكام العرر
زى الحاكم بأمر الله مثلا
كانت الدنيا ماشية والشعب عايش
والمذهب الشيعى يكاد يكون لفئات بعينها
ومحدش متضرر ف دينه ومعاشه
وكله تمام الى إن ابتدت العصبيات تزيد
والصراعات تكتروالطمع يقوى
فئات الجند ف الجيش الفاطمى كانت موزعة
ما بين عدة اجناس الأتراك والمغاربة والسوادن
قوم الست الحاجة نينة ام المستنصر بالله
كانت سوادنية فحبت تستقوى بأهلها وعشيرتها
عشان الولا مستنصر يبقاله عزوة وحرس حديدى
ينفعه وقت اللزوم
والعدد زاد وطبعا الكلام دا معجبش الأتراك والمغاربة
وكل فريق دخل ف حرب تكسير عضام ومراكز قوى
وكله قعد يلعب رست مع بعضه
ومحدش كسب
لحد ما ايه ؟

[أنثى متمرده]

النيل نقص ف سنة م السنين
وكانت دى القشة التى قصمت ظهر المستنصر
واجبرته على مواجهة الضعف اللى كان فيه لأنه تبع نقصان النيل
القحط والجدب ولو على كدا .. الطبيعة الواحد يقدر يحاول يقاوم
غضبها لكن المشكلة كانت ف تدخلات البشر وحقارتهم
لما استغلوا المحنة دى عشان يركبوا السلطة الفصايل المتناحرة
ف الجيش الفاطمى استغلت الفرصة وكل فريق ابتدى يوسخ
ف الأفعال لأقصى درجة اللى عرف يقطع طريق بضايع عمل
واللى عرف يسرق قدروالخناقات ما بينهم وصلت لأدنى درجة
لدرجة عملت انفلات خلى شيوح المنصر والعصابات وقطاع
الطرق يتحكموا ف المواصلات بين الأقاليم
ويعدوا اللى على شوقهم وبس وينهبوا البضايع حتى بتاعت الدولة
وكمان هيدخل منهم ناس على قصور الخليفة ينهبوها
وترافق مع ذلك .. القحط والجدب يعنى المجاعة وفقر الحال
والجوع اللى وصل البشر انهم ياكلوا القطط والكلاب
بعد موت الدواب ونفوق السمك والطير وبعد شوية لما الكلاب
والقطط خلصت والامن انهار تماما والسلطة عجزت عن أى فعل
فالناس بقت تاكل بعضها أيوه تحولنا الى زومبى

http://2.bp.blogspot.com/-5itjvUzocHw/VKJnwIGhytI/AAAAAAAAuvA/aVNk0ohpY8c/s1600/ScreenHunter_02%2BNov.%2B21%2B08.24.gif

الجوعى بقوا يعملوا خطاطيف ويصطادوا بيها المارة ف الطرقات
ويشووهم وياكلوهم وكان اغلب الضحايا ستات واطفال
وضعاف البنية من الرجال والخليفة يبعت احد عماله عشان يحل
مشكلة ف مكان ما فيتلموا عليه يوقعوه من على بغلته
فيجرى ينجو بعمره فيمسكوا البغلة ياكلوها ف لحظتها
فيبعت الراجل حراس يقبضوا على المشاغبين ويصلبوهم
فتانى يوم الناس تلاقى هياكلهم العظمية مطرح ما اتعلقت
واجسادهم متشفية ومتاكلة .. !
#الجوع_كافر_وابن _حرام
الناس كانت بتئن من الأسى والتوحش والصراعات وكمان
من ضعف الخليفة وعجزه الراجل من غًلبه باع دهب وتحف قصره
وحليات قبور ابائه واجداده .. !
وكان عشاه بيجيله صدقة ابن تغرى بردى بيقول لما حد راح يزروه
"فوجدوه وقد ذهب سائر ما كان بعهده من أبهة الخلافة
حتى جلس على حصير "
الملخص .. البلد انهارت وف خلال كام سنة كدا بيقولوا
بتوع 7 سنين عجاف المستنصر قال جاااااااااااااى
وقرر يشوفله حل أى حل للمصيبة دى اللى عرفت ف التاريخ
بإسم .. الشدة المستنصرية تعمل ايه يا منص
تعمل ايه يا منص وبس تاهت ولاقاتها كان عنده والى ف الشام ..
مسك دمشق مدة وبعدين تولى عكا وأظهر براعة وحسن تدبير
المستنصر متعرفوش مين اللى شار عليه الشورة دى
وقاله هات الراجل دا يلحقك ويلحق الدنيا وقد كان

المستنصر بعت لهذا الوالى وقاله تعالى الحقنى شوف اللى جرالى
وامسكها واعدل المايلة والى عكا قاله عينى لكن بشروط
اولها تدينى صلاحيات تامة المستنصر محسبهاش كتير
ضربوا الخليفة على عينه قال مصر خربانة خربانة تعالى يا بنى وانا موافق
الجدع مكدبش خبر وحّضر حاله ومحتاله وحضر حالاااا
مين اللى جه يا شهروزة ؟ الأخ بدر الدين الجمالى والى عكا
كان أرمنى الأصل ومملوك لجمال بن عمار والى دمشق الأسبق
ومن هنا جه لقبه لأنه انتسب لجمال سيده السابق
وعرف من يومها بالجمالى ولقبوه بابو النجم
وسموه بدر عشان كان زى القمر وحليوة ... أرمنى بقى
:)
الحاج بدر اترقى ف المناصب لحد ما تولى دمشق بعد مولاه جمال
ثم عكا وبين كرامة ف شغله وشعبيته ف الشام
المستنصر بعتله يحضر الى مصر ليكون المنقذ والحبل اللى يتشعلق
فيه عشان يخرج من بير الخراب وبدر الجمالى اشترط تطلق ايده
ف السلطة وفعلا أول ما وصل عمل حاجة
زى مذبحة القلعة بتاعت المماليك كدا لم رؤوس الطوايف ف
الجيش الفاطمى على اختلافهم وعملهم ولايم ورا بعضها
قوم ايه ؟
اللى يحضر يا دوب يسلم ويقعد ع السفرة يروحوا جازرينه ودابحينه
وبعدين يقولوا اللى بعده الاول التانى التااالت
لحد ما خلصوا عليهم جميعا تانى حاجة واهم حاجة .. بعد الخطوة دى
كانت حل الجيش تماما الجمالى فهم انه مش هيقدر يسيطر عليهم
حلهم بعد ما قبض ع المشاغبين وحد يسالنى ؟
اومال حارب بمين يا شوشو ؟؟
اقولكم مهو جاب معاه من الشام اهله وعشيرته ورجالته اللى أغلبهم
كان من الارمن والجند المرتزقة الموالين له وكدا كان عددهم الظاهر
محترم ومهيب لأنهم عملوا قلق لجند الجيش الفاطمى وفلوله
والغلبة كانت للجمالى اللى بعد فرض الامن ابتدى يلم الزومبى
ويقتل اللى مفيش فيهم رجا ويقطع روس ويحبس روس بموافقة الخليفة
«وقد قلدك أمير المؤمنين جميع جوامع تدبيره وناط بك النظر في كل
ما وراء سريره»
ويجيب بدر رجالته ويمسكهم المناصب ومحدش قدر يفتح بوقه
المقريزى بيحكى عن الحكومة وقتها بأنها كانت" دولة أرمن "
وش كداوداس الجمالى بنزين وعمل اصلاحات ف كل المستويات
وساب الأرض للمزراعين 3 سنين لحد ما اتعافوا واتعافت
وعمل ابواب القاهرة ... الخ
وتوطد نفوذه لأبعد حد ولقبه بعض المؤرخين بـ "سيد مصر"
وبقى هوه الخليفة الفعلى الرسمى فهمى نظمى بينما المستنصر الخليفة
الشكلى وأنّص ساكت وقابل احنا كنا فين وبقينا فين
كان قاعد ع الحصيرة رجعله سرير ملكه ولو بالمنظر وبس حتى
أى حاجة ... رضا ومشينا على هذا الحال وكله شغال
بدر كان عنده عيال بقى واكتبلى يا بنى ع اليافطة الآتى
الحاج بدر الجمالى وولده لأ مكنتش يافطة واحدة دول يافطتين
لأن الجمالى استعان بأتنين من ولاده وهنسمع اسمهم الأشهر والاكثر
تواترا الأفضل ... والاوحد الافضل الظاهر كان العاقل والرزين
ودراع ابوه اليمين وايديه ورجليه وهوه اللى هيخلفه بعدين ..
ويورث الوزارة قدام اما الاوحد بقى فدا حكاية
على رأى وردة .. غريبة ومش غريبة دنيا وفيها العجايب
الواد يختشى ابوه قاله روح اسكنكرية الماريا واحكمها
حلو؟
لحد دلوقتشى حلو الاوحد افندى واللى اخد لقب مظفر الدولة
شد الرحال على الثغر وقعد هناك والظاهر الجو عجبه والبحر والدنيا
وكمان السلطة دورت دماغه أتلم عليه ف وقتها كام نفر من عشيرته واصحابه
اللى كانوا ف الشام تحديدا نفرين اسمهم جمال الدولة وأخوه
علم الدولة ولاد بحلم الجمالى مين ؟ بحلم الجمالى دا مفيش كلام كتير
عنه بس الظاهر انه كان من رجالة جمال بن عمار وبدر الدين الجمالى
لما كان هناك ف الشام الظاهر كان بينهم ضدديات وحصل بينهم عركة
وبدر قتل بحلم الجمالى والعيال ولاده شالوا ف نفسوياتهم وكتم
والحد ما جاتلهم الفرصة اللى هيا ايه يا شهر ؟؟؟
قالك اول ما عرفوا
بتولى الاوحد بن أمير الجيوش لاسكندرية قالولك بس يا معلم قشطة
احنا نروحله و نلعب ف دماغه ونوزه على ابوه .. يخلعه !!
حد ف آخر توتير هيعلى صوته ويقولى بتهرجى يا شوشو ..
يخلع مين لهى سايبة ولا سهلة كدا ؟
أقولكم آه ممكن
اصلكم متعرفوش اسكنكرية اقولكم انا
اسكندرية لحد الفتح العربى لمصر كانت هيا العاصمة وقلب أم الدنيا
اهلها كانلهم شكل تانى وجو تانى ودماغه تانية بعد كدا الفسطاط
بقت العاصمة اسكندرية تحولت الى ثغر يتحصن لحمايته من غزو الأعداء
لكن فضلت منعزلة عن الفسطاط والعسكروالقطائع والقاهرة عواصم
مصر المتتابعة لدرجة انه الخلفاء كانوا بيعينولها والى مخصوص
مختلف عن والى مصر .. يبقى مسئول عن خراجها وتحصينها وامورها
وكل حاجة كأنها مكان منفصل وولاية مختلفة عن الاخرون
اسكندرية بقى:))
وبسبب كدا اسكندرية فضلت سنية الهوى وبشدة
وكانت أى انقلابات او خروج على السلطة بتكونلها منها نصيب
والمتمردين يتحصنوا فيها كانلها طبيعة خاصة
المهمممممممممم
الواد الاوحد هيتلم على رفاق السوء
ويتخنوها ف دماغه ويدوها والزن يشتغل ابوك كبر
اخوك الافضل فرخة بكشك عنده انتا اولى تورثها
انقلب عليه جوزك بيحب .. هيتجوز عليكى .. هنتشرد ف الشوارع

[أنثى متمرده]

حد هيقولى أكيد مسمعش كلامهم يا تمرد
شاعقول يقف قصاد ابوه وكدا !
يؤسفنىىىىى أقولكم لأ محصلش الواد دماغه زقزقت فعلا
ومشى وراهم ..!والاخبار وصلت لبدر الدين الجمالى ف القاهرة
والحق يا حاج ابنك بيعلن العصيان عليك وبيقول هيستقل باسكندرية
عنك والحق بقى قبل مالموضوع يوسع !
الشاهد ان بدر اتصرف بحكنة وروية وبعت احد اخلص رجاله
واسمه ابو الفرج إبن المعزى للواد الحاج ابو الفرج سافر وقابل الأوحد
وقاله بابا زعلان منك ومتسمعش كلام العيال الوحشة دى وارجع
لعقلك وروح بوس ايد الحاج ليغضب عليك الاوحد شكرله
ومشاه قفاه يقمر عيش يازين ما خلفتى يا زينب
بس والموضوع كبر .. بدر أب برضو وعاوز يلم المنظر
راح باعت الأفضل .. الأخ الأكبر لأخوه الاوحد
عل وعسى يعرف يقنعه ويرده عما ينتوى
قوم اييييه ؟
طبق الأصل العلقة الاولانية لا قلم زايد ولا قلم ناقص
الأوحد رفض كل توسلات اخوه وان اللى بيحصل بيدمر سمعة
العيلة ومستقبلها السياسى...الخ
وبرضو مشاه قفاه يقمر عيش وقاله اسكندرية دى تاعتى اناااااااااااا
ومحدش له دعوة حتى بابا ... هه
احتمال يكون طلعله لسانه عشان يغيظه كمان مش بعيدة
بس ورجع الأفضل لبابا يقوله الواد أوحد مش عاوز يسيب
اسكندرية واللى انتا شايفه اعمله يا حاج
الحاج بدر هل بت ما يسكت !لأ طشبعن
وبيقولك بقى ان الجمالى حضر جيش معتبرحاجة كدا تخوف أجعص
جعيص وراح بنفسه على راس الطلعة دى
وسافر بجنده وحاصروا اسكندرية قد ايه ؟؟
شهرين بحالهم يا ثااااامح ليه كدا ؟
فيه ناس بتقول ان بدر كان عاوز يدى فرصة للأوحد
يراجع نفسه لكن ناس تانية بتقول اهل اسكندرية السبب !
ازاى ؟
أصلهم تربسوا ووقفوا ف صف الاوحد محدش قالنا هل وقفتهم سببها
حبهم للاوحد ولا كيدا ف الجمالى ولا هيا محض نحررة دم اسكندرانى
ولا ايه ؟
http://2.bp.blogspot.com/--A3sckzYIsM/VKJuU55bo7I/AAAAAAAAuvY/BES5wYwh0ew/s1600/%D8%A7%D9%86%D9%87%D8%A7%2B%D8%AA%D9%82%D8%AA%D8%B 1%D8%A8%2B%D8%AA%D9%82%D8%AA%D8%B1%D8%A8%2B%D8%AA% D9%82%D8%AA%D8%B1%D8%A8.jpg

بس الشاهد انهم استقتلوا للدفاع عن المدينة كعادتهم يعنى قصاد
أى هجمة عليهم وطلعوا ترابنتين الجمالى لحد ما منع الأكل والمية
والاوحد قال انا عيل وبعت يتصالح مع ابوه وبس أمر الاوحد
بفتح أبواب المدينة ودخل أمير الجيوش
سى بدر الجمالى على حصانه منتصرا ف هذه المعركة
واشترط خروج الاوحد منها فوراااااااا وخلاص يا خويا انتصرت
واتهببت واتنيلت وعملت اللى عاوزه انزلك البحر شوية وكل
اكلة سمك حلوة واقعد شيش ع الكورنيش
وخد شايك وقهوتك وشهيص وبعدين استذو وسمعنا جمال خطوتك
ومع السلامة والقلب داعيلك هل بدر الجمالى هيعمل كدا ؟
عيب عليكو انا معوداكو ع الاخلاق تشى برضك ..؟
اومال الخسة والوضاعة نوديها فين مش لازم نشوف منها شوية ؟؟
بيقولك بدر قرر يقعد ف اسكندرية شوية
يصيف ويروق ويصلح ما افسده ابنه ف المدينة
لكنننننننن
سيادته هيقرر يعاقب اهل الثغر ليه ؟
عشان بالضبط اللى قاله بعد ما لم أعيان اسكندرية
وشيوخها وقالهم نصا" أنتم ساعدتم إبنى لمخالفة السلطان
وحسنتم له ذلك وقتلتم رجال السلطان وجنوده
وخسرتموه الأموال"
نعم يا روح طنط !
قوم ايه عقابا ليكم ع اللى عملتوه
هتلموا من بعضشيكم بتاع 120 ألف دينار غرامة عشان تحرموا تعملوا
عليا ثورة تانى أه ... هنلم هشان عاوزين نشترى
#شكّارة_بالكهربا
http://3.bp.blogspot.com/-HxuQAfvF4tU/VKJuFv-KeDI/AAAAAAAAuvQ/CqC-A3fZUQY/s1600/my_calligraphy_00_by_hefne.jpg

طب انتا معرفتش تربى ابنك وخرج عن طوعك وانقلب عليك
احنا ذنبنا ايه ف الليلة دى انا مش فاهمة .. ؟!
الناس كانت بتدافع عن المدينة بتاعتها يعنى المطلوب منهم ايه لما
يدخل عليهم العسكر بتوعك يشنقونا ونسكتلهم مثلا .. ؟!
قصره .. المزغود فرض الغرامة دى والناس لمت من بعضيها عشان
يسدوا بوقه وبعدين بيحكوا ان سعادته قعد يتمشى ف ارجاء المدينة
يشوف حجم الخساير وكدا طبعا كان فيه خراب واهمال وبلد متحاصر
بقاله مدة وجه يوم الجمعة وعاوز حضرته يصلى بالناس
عشان يبروز انتصاره على ابنه قوم ايه ؟
اسكندرية طلع انها بعد الفتح الأسلامى مكنش فيها
غير مسجدين كبار .. وبس
1) الجامع الغربى
وبناه عمرو بن العاص واتعرف باسمه لفترة

2) الجامع الشرقى
والأتنين كانوا ف حالة بائسة خصوصا الجامع الشرقى اللى كان ف
منطقة العطارين قوم بدر الجمالى بعد ما لم الفلوس
راح مجدد بيها المسجد :)))
حد هيقولى
طب مهو راجل حلو اهو يا شهروزة ..؟
اقولكم
ابضنننننن
مهو لم الفلوس وعمل جامع جديد وسماه باسمه عشان يخلد نفسه
ويفكر الاسكندارنية بانتصاره ومش ببلاش ولله وللوطن يعنى
والمسجد دا فضل هوه المتدلع والاول ف كل حاجة
يصلى فيه الحكام والوزراء والاكابر لما ينزلوا الثغر لحد ما انتهى
عهد الفاطميين ولما صلاح الدين الأيوبى مسك
قرر يحول الدفة من عنده لحتة تانية #الكيد_بقى
قالك عشان نقضى على أى نفوذ وذكرى للفاطميين
والمذهب الشيعى ف كل حتة عشان ربنا والاسلام بس على مين يا
حدوقة دا صراع سياسى بحت اسكندرية كانت سنية من يومها يا عم !
http://2.bp.blogspot.com/-0rT0XzOr-6k/VKJv0VOulwI/AAAAAAAAuv8/S9VHsVSIKFc/s1600/the%2BAttarine%2BMosque%2Blooking%2Bnorthwards%2Ba cross%2BCanopic%2BWay%2C%2Bdrawn%2Bc.1798%2C.jpg

القصد .. المسجد صمد لعوادى الزمن والقرف
وايام المماليك الزرقا ثم ايام العثمانلية السودةلحد ما جت الحملة الفرنسية
ورسمته ف كتاب وصف مصركان بيتعرف بأسم مسجد الجيوشى
وبعدين بقى ينعرف من ايام الايوبيين بمسجد العطارين
و بيقولوا كان فيه 4 مآذن على جوانبه الأربعة
لكن كله اتهد ومفضلش غير واحدة بس وبعد رحيل الفرنساوية
ومجى محمد على ونسله من ابناء واحفاد المسجد كان اتهدم خالص
قوم ف عهد الخديوى عباس حلمى التانى تم اعادة بنائه
http://3.bp.blogspot.com/-IOIL2BbMI2w/VKJ1R7Y6xzI/AAAAAAAAuws/DX2B4LdAKfU/s1600/2014-635401665085235448-523.jpg

واعيدت عمارة المسجد من اول وجديد ف نفس مطرحه القديم
بالمللى لكن شكله كان اختلف عن القديم تماما
http://1.bp.blogspot.com/-sPiGoTdc0TQ/VKJ2EydViDI/AAAAAAAAuxE/FRTi4efS9NQ/s1600/attarine19th.jpg

ومفضلشى من ريحة بدر الدين الجمالى ف الحتة دى
غير اليافطة وبس اللى انكتب عليها الآتى:
" بسم الله الرحمن الرحيم .. إنما يعمر مساجد الله من آمن بالله واليوم
الآخر وأقام الصلاة وآتى الزكاة ولم يخشى إلا الله
أمر بإنشائه السيد الأجل أمير الجيوش سيف الإسلام ناصر الإمام
كافل قضاة المسلمين وهادي دعاة المؤمنين أبو النجم بدر المستنصري
عند حلول ركابه الإسكندرية ومشاهدة هذا الجامع خراباً فرأى بحسن
ولائه ودينه تجديده زلفى إلى الله تعالى وذلك في ربيع سنة سبع وسبعين وأربعمائة "!!!
حتى ف المساجد النفاق بلغ الآفاق #ولاد الهرمة
المهم ... بعد كل هذا نرجع للأوحد اللى انقلب على بابا بدر
بعد ما ابوه ما غوروه على القاهرة ماذا فعل به يا ترى ؟!!
الشاهد انه سابه .. كوسة بقى ابن الوزير وامير الجيوش
حد يقدر يحاسبه تبقى عيبة انما لو كان م الثوار ولا الاخوان
كان زمانه اتعلق على باب زويلة طبعا
القصد
بدر الجمالى ساب الاوحد يتلهى ف أى مصيبة وغاب عنه شوية ومفيش
شهوروجاتله اخبار ان دلوعة بابا ملموم على شوية صيع تانين
غير الاولانين !
نسينا نقول ان الجمالى لما دخل اسكنكرية قتل ولاد بحلم الجمالى غريمه
القديم قالك عشان ابوهم وحشهم نوديهم يتونسوا بيه وكدهون
قوم ربنا يشاء يبعتله عيال تانين اسمهم شجاع الدولة وصاف المكينى
صاحب بابل ومرهف الدولة .. مين دول يا شهروزة ؟
ولا أعرف والله بس واضح
انهم كانوا مهاويس سلطة واستغلوا طمع الاوحد فحبوا يغامروا معاه
قوم الخبر وصل بدر والراجل الصراحة جاب اخره وقبض عليهم
وشنقهم كلهم طب والاوحد ؟
بيقولوا انه مقدرش يقتله معاهم ... حنية الاب بقى
قام سجنه ف دار وربطه بسلسلة ف اخرها كورة حديد !
ايه شغل مجلة ميكى دا !!!
http://3.bp.blogspot.com/-JnkqvtYypyk/VKJweMZHzVI/AAAAAAAAuwE/TdWuICdqTdI/s1600/B6DjsHmCAAExwKK.JPG

بس والواد اتحبس وقعد يكلم ف الكورة الحديد دى ويشكيلها همه
قد ايه يا شوشو ؟؟
تمآشر شهر سنة ونص بحالهم يا ثاااامح ولسبب غير معلوم ومحدش
عرفه لحد دلوقتشى اذ فجأتن كدا بدر الدين الجمالى قرصته عقربة
واتلبش وقام على الاوحد وحديد وبعيد ليعمل معاه الدنيئة
وبيقولوا انه أمر الحراس بمنع الاكل والمية عنه لأيام
ثم ف ليلة دخل عليه الحارس ف محبسه وراح خانقه بشويش بشويش
الا دا ابن امير الجيوش برضك ميصحش ومات ابن ابوه عشان الحاج
يستريح منه ومن قرفه ومؤامراته اللى واضح انها كانت لا تنتهى
حد يقولى تحليك ايه يا شهر ف الحكاية دى
اقولكم :))
تقريبا كدا يستهيألى ان اخوه الافضل له ضلع ف الحكاية دى
وتلاقيه زق الأب على الاخ عشان يفضاله الساحة
وفعلا دا اللى حصل بعدين
اه
بعد موت بدر الدين الجمالى مسك الملك الأفضل أبو القاسم شاهنشاه
ابن الملك أمير الجيوش بدر الجمالي الارمني وعاصر المستنصر بالله
ثم كانله دور كبير ف خلافة ابن المستنصرواخدان الحكم من نزار
الأولى بالخلافة بعد ابوه
وعمل شغلانة وهيصة كدا وعاصر الحفيد .. الآمر باحكام الله
اللى استنى لما كبر ف السن وسيطر وراح متفق مع ناس قاتلوله ...
الوزير الأفضل عشان يخلص من سيطرته على كل حاجة
وآه اتقتل ف النهاية برضولكن المهم انه كان واكلها والعة 27 سنة
وبعد موته مسكها ابنه كمان .. احمد بن الأفضل !
وحاجة مسخرة لا تحدث كثيرا بس لما تحصل .. يبقى انتا اكيد اكيد
ف مصروتوتة توتة خلصت الحدوتة وتفضل الملاحظات بتاعت
كل مرة
1)اهل اسكندرية جدعان من زمان
عندهم قزحة كدا وميحبوش حد يحكلهم على مناخيرهم
وبغض النظر عن مين معاه السلطة ولا نيلة ولا ايه الحكاية
اول ما تولع محدش بيتخيل رد فعلهم وعملوها كتير مع أى حد يدخل
عليهم وشايل سلاح من زماااان ولحد ثورة يناير
أذكر انهم كانوا تقريبا أول محافظة الداخلية تختفى منها
وعلى أخر نهار يوم جمعة الغضب
مكنش فيه حد بدبورة وكاب يستجرى يظهر !

2)حلو قوى الخيار وفاقوس دا
يعنى انتا معرفتش تربى عيالك يا حاج بدرومحبتش تعاقب ابنك
قوم جاى تتشطر ع الناس العادية والمواطنين اللى ملهمش ضهر .. !
http://1.bp.blogspot.com/-KxPq1cMZZz8/VKJyUVNZELI/AAAAAAAAuwQ/IV1zUKOAO78/s1600/tumblrmjpq.gif

3)بدر الدين الجمالى اللى اتسمت على اسمه الجمالية قتل ابنه
عادى مش اول نفر عملها غيره كتير واشهرهم السلطان المملوكى
المؤيد شيخ اللى قتل ابنه ابراهيم وعملها الحافظ لدين الله ..
الخليفة الفاطمى اللى قتل ابنه حسن اللى برضو حاول يعمل عليه انقلاب
وكان عاوز يمسكها ومكتفاش بلجنة سياسات وقاله سيب العرش
واحكم انا وكدا هيا السلطة وشهوتها اللى متعرفش ابن ولا أب
ولا روابط ... مهما حاولوا يحافظوا عليها
برضو الطمع غلاب والسياسة فعلا على رأى عم جاهين ..
مهلكة
4) فيه ناس بتشبه السيسى بالجمالى
قالك اصله جه ينكذ البلد ويلحقها وبتاع
طب يا حيلتها انتا وهوه الجمالى انقذها عشان يورثها
هوه وابنه وحفيده وداس على أى حد يقف قصاده حتى ابنه الاوحد
ولما مسكها الأبن التانى .. الأفضل ثم الحفيدكانت عزبة ووسية
واكلوها الحرامية وفضلت ف عهد الوزراء تسوس وتخوخ
لحد ما سقطت دولة الفاطميين ف النهاية بسبب كل هذا ...
فأزيكم بقى ؟
http://4.bp.blogspot.com/-kYAE9L2xyG0/VKJzAvjaw6I/AAAAAAAAuwY/7mIhu-x6Opo/s1600/1-1.jpg

5) بخصوص مسجد العطارين
الجمالى لما لم الغرامة لمها من اهل اسكندرية
مسلمين واقباط يعنى ايه يا شهر ؟؟
يعنى حضرتك أى حد مسيحى معدى جنب الجامع
تقوله انتا ليك فيه زى ما لينا بالضبط
ودافع فيه زى ما دفعنا وزى ما ليه ف كل حاجة ف البلد دى بالنص
ولا هما بالنص ف الظلم والبهدلة والموت .. وبس !
وعود على بدء عدوية قالها كلمة حكمة الوااااد طالع لأبوه
الأوحد زى بدر ... فولة وانقسمت نصين واحد عاوز السلطة
له لوحده والباقى كله طز ولو كانوا الأب ولاّ الأبن ولاّ الاخ
ولا كاين مين ما يكون

[أنثى متمرده]

، 8 سبتمبر 2012

الاميرة فتحية .. ومن الحب ما قتل


http://4.bp.blogspot.com/-4_bnOTNObsY/USXseQfarBI/AAAAAAAAZ6s/RNrRBDlFkXw/s640/3034863974_853a1ef2d9.jpg (http://4.bp.blogspot.com/-4_bnOTNObsY/USXseQfarBI/AAAAAAAAZ6s/RNrRBDlFkXw/s1600/3034863974_853a1ef2d9.jpg)
الحدوتة كالعاااااااااااادة ..
فيها دماء ورمال ورصاص
وخناقات عوائلية
والشمس مطلعتشى غير لما انتى جيتى !!!
وقصة النهاردة كمان
تعتبر الجزء التانى من سلسلة ..
يا عينى على بنات الاصول لما تبهدلهم الأيام


http://4.bp.blogspot.com/-bV4xNCqc9os/USXs5IFftLI/AAAAAAAAZ60/TzDywq-Eqt0/s400/ahmed_hamed173.jpeg (http://4.bp.blogspot.com/-bV4xNCqc9os/USXs5IFftLI/AAAAAAAAZ60/TzDywq-Eqt0/s1600/ahmed_hamed173.jpeg)



حدوتة النهاردة عن بنوتة جميلة ..
أميرة لقبا .. وشكلا .. وروحا .. وطباعا ..
وكمان برجاً ..
لأنها برج القوس ..
وبنات القوس دول ليهم طبع عج
بنات القوس حالمات رومانسيات صحيح ..
اميرات ف طبعهن صحيح ..
لكن وقت تحمل المسئولية بيبقوا زى الرجالة .. وأجدع
بيحبوا الناس والزحمة والشغل ..
وكرما جدا ف الفلوس والإهتمام ..
بس لو حد داسلهم على طرف ..
بيقلبوا ع الوش التانى ويفارقوه بلا لحظة تردد

عندهم مثاليات
وبيحافظوا جدااا على الالتزام والمبدأ ..
ولما يلاقوا اللى قصادهم بيخرقه بيسقط من نظرهم ..
وبيبعدوا ولو دا كلفهم الخسارة الكبيرة

طيبة قلبهم بيتوقعهم خصوصا ف بداية عمرهم ف ناس زبالة
وبيتسببلهم ف عقد وكلاكيع احيانا بتلازمهم طول العمر
لأن حياتهم غالبا بتتعقد
ومبترجعش زى الأول
وهن عصبيات ... بسبب الكبرياء الزفت
واعتدادهم بروحهم
والعصبية الناتجة عن الكبرياء دى
هيا اللى بتخسرهم احيانا المعارك
والمواقف اللى عاوزة توطية وانحناء للريح .. لحد ما تعدى ...


http://1.bp.blogspot.com/-iVoQBalxd3M/USXtIoP4BEI/AAAAAAAAZ7E/hAfaK6oQS2Q/s1600/2.jpg (http://1.bp.blogspot.com/-iVoQBalxd3M/USXtIoP4BEI/AAAAAAAAZ7E/hAfaK6oQS2Q/s1600/2.jpg)



المهم ان بطلة حكايتنا ..
القوسية حتى النخاع ...
لما أتولدت مكنتش تعرف انها هتكون اميرة ..
واصغر اخواتها ودلوعتهم كمان

http://3.bp.blogspot.com/-ndOPpH8ePCE/USXtBIbS3oI/AAAAAAAAZ68/KwCdAOMaBZ0/s400/5.JPG (http://3.bp.blogspot.com/-ndOPpH8ePCE/USXtBIbS3oI/AAAAAAAAZ68/KwCdAOMaBZ0/s1600/5.JPG)


والمقصودة
واللى عليها العين والنية
هيا الأميرة فتحية ..
أصغر اخوات الملك فاروق ..
وأخر بنات الملك فؤاد والملكة نازلى

http://1.bp.blogspot.com/-qmfHQlEJ32Y/USXtUhmP97I/AAAAAAAAZ7M/ZMIIYv7D0ZE/s1600/3.jpg (http://1.bp.blogspot.com/-qmfHQlEJ32Y/USXtUhmP97I/AAAAAAAAZ7M/ZMIIYv7D0ZE/s1600/3.jpg)


وزى اختها فوزية ...
عاوزاكم لو سمحتو تبصوا لصورها بتمعن ..
عشان تعرفوا ازاى الملامح الجميلة دى
بكل براءاتها بيبان عليها ... بعدين
عمايل الزمن
وفتحية كانت أصغر من فاروق بعشر سنين ..
ولما اتجوز فريدة كانت علطول ف حضنهم ومقربة منهم


http://2.bp.blogspot.com/-KCwu6huBUPY/USXtjQC_7_I/AAAAAAAAZ7U/hO_VwfjIF8M/s400/4.jpg (http://2.bp.blogspot.com/-KCwu6huBUPY/USXtjQC_7_I/AAAAAAAAZ7U/hO_VwfjIF8M/s1600/4.jpg)


وسبحان الله ف خلقه ..
اللى يتفرج ع الصور
ويشوف الناس دى كانت عايشة ازاى
وحياتها شكلها ايه ..
يتخيل انهم ف قمة السعادة وان حياتهم مفروشة ورد
وميتصورش ان الوش الملائكى دا
منتظره العذاب اكوام اكوام
ومن الهم ... صنوف وألوان
فتحية عاشت ف ظل اخواتها البنات فترة طويلة
وباعتبارها أصغر البنات
كانت ملتصقة أكتر ف تحركاتها
بأمها نازلى ...

http://1.bp.blogspot.com/-TE5Ys6EHPXo/USXumJ6MhgI/AAAAAAAAZ7g/j_KJ55_n6ek/s1600/The_official_Nazli_Sabri_birthday_picture.jpg (http://1.bp.blogspot.com/-TE5Ys6EHPXo/USXumJ6MhgI/AAAAAAAAZ7g/j_KJ55_n6ek/s1600/The_official_Nazli_Sabri_birthday_picture.jpg)
وست الحاجة نازلى دى بقى ليها حدوتة تانية خااااااالص
نبقى نحكيها على رواقة
بس ملخصها دلوقتى انها كانت ست لاسعة
وظروفها صعبة
وعندها نهم للحياة
سببه الأكبر جوزاها من الملك فؤاد
اللى كان وشه يقطع الخميرة م البيت ..
واتجوزها صغيرة وعكنن ع اللى خلفوها
وحبسها ف القصر لحد ما مات .. لذا
اول ما خدت حريتها اتبحبحت ع الآخر وبلا لجام ...
وحفلات وسهر وخروج وسفر ..
واتجوزت حسنين باشا بالطريقة اياها
اللى انحكت كتيييير ..
قصره انها كانت ست مزعجة
وكانت ام أكثر أزعاجا لأبنها فاروق
اللى كان بيحاول قدر الأمكان يلم التعابين وميزعلهاش ..
ولما عرف انها اتجوزت حسنين باشا ف السر طلب اعلان دا
رغم ان قلبه انكسر جدا

[أنثى متمرده]

http://3.bp.blogspot.com/-2UFVyHl9OnQ/USXvmfYcwkI/AAAAAAAAZ9M/rt0jAccytJw/s320/11.jpg
و رياض يستغل موهبته ف الرغى
والسهر ف الملاهى والرقص
وبقى يصاحب نازلى
والأميرات فتحية وفايقة كل ليلة لمكان شكل
ولما سابوا فرنسا وطلعوا على سويسرا
كان ف صحبتهم ..
رغما عن أنف الخارجية المصرية
اللى بعتت لفاروق تبلغه باللى حاصل
فاروق مكنش ناقص فضايح فحاول يعالج الموقف بهدوء
وبعت لوالدته يقولها ان رياض موظف ف قنصلية فرنسا
ومينفعش ننقله عشان
ونكلف الخارجية مصاريفه ..
فاللى ربى خير م اللى اشترى
والحاجة نازلى تهرشه علطول وترد عليه ..
بطل بخل وتقريط ..
وانا اللى هدقع فلوسه من فلوسى
والخارجية مع نفسها بقى !!
فى هذوها الأثناء ...
الموقف يزداد سخونة لما نازلى تعيش حياتها
وتقرر تسافر على امريكا وتختار لوس انجلوس تحديدا
عشان تبقى قرب الحياة الصاخبة


http://1.bp.blogspot.com/-jRIKza3gBIo/USXvxRsOIiI/AAAAAAAAZ9U/3efGlKuA-6A/s1600/%D8%A7%D9%84%D9%85%D9%84%D9%83%D8%A9+%D9%86%D8%A7% D8%B2%D9%84%D9%8A+%D9%88%D8%A7%D9%84%D8%A3%D9%85%D 9%8A%D8%B1%D8%A9+%D9%81%D8%AA%D8%AD%D9%8A%D8%A9+%D 9%88%D8%A7%D9%84%D8%A3%D9%85%D9%8A%D8%B1%D8%A9+%D9 %81%D8%A7%D8%A6%D9%82%D8%A9+%D9%81%D9%8A+%D8%B3%D8 %A7%D9%86+%D9%81%D8%B1%D8%A7%D9%86%D8%B3%D9%8A%D8% B3%D9%83%D9%88+%D8%B3%D9%86%D8%A9+1946+%D8%AD%D9%8 A%D8%AB+%D8%B0%D9%87%D8%A8%D8%AA+%D8%A7%D9%84%D9%8 5%D9%84%D9%83%D8%A9+%D9%84%D9%84%D8%B9%D9%84%D8%A7 %D8%AC+%D8%A5%D9%84%D8%A7+%D8%A3%D9%86+%D8%A7%D9%8 4%D8%A3%D9%85%D9%88%D8%B1+%D8%A3%D8%AE%D8%B0%D8%AA +%D9%85%D8%AC%D8%B1%D9%89+%D8%A3%D8%AE%D8%B1.jpg
وطبعاااا تاخد معاها البنات فايقة و فتحية
اللى كل واحدة فيهن تقع ف غرام شخص غير مناسب ..
بس ويل فايقة ..
كان غير ويلين فتحية


http://4.bp.blogspot.com/-2PtsWNL97qs/USXv-f8N6eI/AAAAAAAAZ9c/4S-7l5eBus4/s1600/6.jpg
الاميرة فايقة كانت بتحب فؤاد بك صادق ف مصر من سنوات
والموضوع كان سريع ومكملشى ..
بس لما اتقابلوا تانى ف ظروف مختلفة
نازلى شجعت الخطوة دى
ووافقت ع الخطوبة لما اتقدملها فؤاد صادق
رغم علمها ان دا هيجنن فاروق
ويطلع زرابينه ..
ويبدو انها كانت قاصدة الست دى ولاّ اييييه :))


http://3.bp.blogspot.com/-uj7hTm8nt9k/USXwJ4R397I/AAAAAAAAZ9k/cEMUkwhbtWQ/s1600/16--.BMP
بس جواز فايقة كان كووووم
وجواز فتحية كان كوم تانى خااااااااااااااااالص ...
والسبب كان حاجات كتير
اولها ان رياض غالى مش قد المقام
وطمعان فيهم
والاهم كمان ..
انه كان مسيحى ..
وما اعلنش اسلامه ولا فكر ينوى كدا ...
يعنى اشبه بالتحدى السافر للملك
ولسمعة عيلته كلها


http://4.bp.blogspot.com/-eaN61Hs-AEM/USXzX5QKe1I/AAAAAAAAaAE/rAzANhlWxl0/s400/HDV-524-BS_F.jpg
وابتدى فاروق يستخدم كل الحيل الممكنة لأنهاء العلاقة دى
اترجى امه ورفضت ..
عرض على رياض فلوس ..
عمل فيها شريف وحركات ..
واخير ا حرك نفوذه

[أنثى متمرده]

http://3.bp.blogspot.com/-s2fK03SKfj8/USXwRZ0-3ZI/AAAAAAAAZ9s/_c3ZI8XRea8/s1600/10.jpg


انهى خدمة رياض غالى ف الخارجية المصرية
و هدده بالتشرد ..
فنازلى صعدت الموقف وقررت تجوز البنات ..
وجوزت فايقة لفؤاد صادق اولا .. سنة 1950
وسافرت فايقة مع جوزها
تقضى شهر العسل ف جزر هاواى
وجن جنون فاروق ولم مجلس البلاط الملكى
اللى قرر بأمره يعاقب نازلى ويوجه اليها ضربات قاتلة
طلع مرسوم وقرارات نافذة
بحرمان الملكة نازلى والأميرات من ألقابهن ..
بسبب تحديهن للملك وتعريضهم للعائلة الملكة بكل سوء

وفاروق اعلن لكل اللى بيشوفه
ان الفترة اللى سافرت فيها نازلى
سحبت فيها حوالى 480 ألف جنيه
من مخصصات العائلة ..
وان رياض خد منهم حوالى 40 الف

وتويتة مستقطعة ... فلوسنا يا ولاد القديمة ...
بتتفسحوا وتخرجوا من حالة الإكتئاب بنص مليون جنيه !!!!

المهم ... نازلى يوصلها الخبر
وان حنفية الفلوس هتنقفل خالص
فتردح لفاروق ف الاعلام
وتقول انه كان عاوز يستولى على اموالها من زمان وعادى


http://4.bp.blogspot.com/-DPajtsPmf8M/USXwhbB8BTI/AAAAAAAAZ90/NhpGxUfBbjg/s1600/fathia_riad1.jpg

وترد بضربة أشد
ف مايو 1950
لما تجوز فتحية لرياض غالى
متحدية كل قرارت فاروق وفرماناته



http://3.bp.blogspot.com/-csCr27ubC28/USXwm63tu6I/AAAAAAAAZ98/Y2PBjF7tSTU/s1600/14.jpg


عاوزاكم تبصوا على وش البنية فتحية
هتلاقوها بملامح عبيييطة
وفرحانة زى العيال ..
بنت 20 سنة البريئة ...



ودا جزء من حفل الزفاف .. هنا
وتقطيع التورتة وغالى بيأكل حماته حتة منها
الهى كانت تقف ف زورها البعيدة وكنا خلصنا ...


http://1.bp.blogspot.com/-by8JPBE2zsM/USXw1heB0BI/AAAAAAAAZ-E/JipFGtVOd1k/s1600/17=.JPG

نازلى دى بوصف دقيق
مينفعش ينقال عليها غير كلمة واحدة..
ست هايفة ..
بصوا على صورها وطريقتها
هتلاقوها واحدة فاضية فعلا
ومدللة لحد الدلع المرىء



http://1.bp.blogspot.com/-wl_NzLgPJ4I/USXw890KATI/AAAAAAAAZ-M/FDfeC90ovoA/s1600/18.JPG

يعنى واحدة ف وضعها والتزاماتها ومسئولياتها وبناتها ..
اللى ف رقبتها ..
بدل ما تشوف احوالهم ..
تفسدلهم حياتهم وتستهتر ..
دا منظر دا !!!

المهم .. فاروق بلغه خبر الجواز اللى ملى الجرايد
والفضيحة كانت علنى ..
وتحدى سافر من كل الأطراف
ولازم ياخد موقف أشد ...
فيقرر يطلع فرمان تانى أشد ...
يعلن فيه بطلان جواز فتحية من غالى ...



http://3.bp.blogspot.com/-HU34VZiehMM/USXxGStpMhI/AAAAAAAAZ-U/CeUp4fyj2nU/s1600/15.jpg

وقبل ما يخلى فاروق تهديداته حقيقة ...
بعت ف محاولة اخيرة مع امه واخواته
واستجابت الاميرة فايقة
وبعتت تسترضيه وتطلب رجوعها مصر ... مع جوزها
واتمام الجواز بالشكل اللى يناسب فاروق ويرضيه ...
وصلحت امورها معاه
و فعلا رجعت مع جوزها فؤاد صادق لمصر


http://4.bp.blogspot.com/-FMSwt0jRvRs/USXxQaToBwI/AAAAAAAAZ-c/Id0x287zbow/s400/5042131.jpg

اما الغلبانة فتحية فكانت واقعة تحت تأثير جوزها
اللى كان بالنسبالها فارس احلامها
وكان متعلقة بامها اللى بتنفذلها طلباتها
وتجوزها اللى بتحبه !


http://1.bp.blogspot.com/-f4C6IpUcGaM/USXxX7pb6_I/AAAAAAAAZ-k/hb6l9LPHfRo/s320/2829956755_58dd80b4c4.jpg

ولما سألوها الصحفيين ف حفل الزفاف ..
عن رد فعل اخوها الملك تجاه هذه الزيجة ردت ..
اتمنى انى اخلف لجوزى عيال كتييير

http://1.bp.blogspot.com/-_cCGMKjGNek/USXzh3hhqCI/AAAAAAAAaAM/6eO0mrahogs/s400/HDV-525-BS_F.jpg

م الآخر .. كانت ساذجة وقليلة الخبرة
واقعة ما بين فكى ...
أم أنانية
وشخص انتهازى

وينفذ فاروق تهديداته بشكل رسمى
ويطلع قرار بمباركة مجلس البلاط ..
يعفوا فيه عن فايقة وجوزها ..
ويبطل بيه جواز فتحية من رياض .. لأنه مسيحى


http://2.bp.blogspot.com/-y1Aqn6-Bd5E/USXx1MFg1mI/AAAAAAAAZ-8/8LS15tyh0yc/s1600/19.jpg

ويصادر كل ممتلكات امه
وينزع عنها الوصاية على فتحية لأنها غير أمينة عليها
ويجردهم هما الجوز من ألقابهم الملكية


ويعيش التلاتة سوا ..
نازلى وفتحية ورياض ف أمريكا ...
وتتحدى فاروق اكتر واكتر
و بالعند فيه تقرر تبيع مجواهراتها
اللى هيا سينيهو أرث عائلى ملكى بحت
وتدى فلوسهم لغالى يتاجر بيهم ...عشان يعيشوا

ويحاول فاروق
يضغط على السلطات الأمريكية عشان تطرد غالى
وتفرق ما بينه وبين فتحية
فيقولوا ان القوانين هناك لا تسمح بكدا
وان عادى مسلمة تتجوز مسيحى !


http://4.bp.blogspot.com/-NIGlEzrkSFc/USXxncpuwhI/AAAAAAAAZ-s/uD9t_Yx7-UI/s400/189417_188346901206855_169156033125942_409329_7885 660_n.jpg


فيسكت فاروق وينقهر بقى ويبطل يحارب ..
ويسيبهم لمصيرهم ..
ويموت قبل ما يشوفهم
وهما بيعانوا بسبب عنادهم معاه ...


http://4.bp.blogspot.com/-hYXXeJEUBSk/USXz4igr9sI/AAAAAAAAaAU/pri3MDHVxYo/s1600/7954759300_12ac6430d6.jpg

ف البداية الحياة كانت لطيفة ووردية
وفتحية خلفت من غالى كل سنتين عيل
لحد ما بقى عندها 3


http://1.bp.blogspot.com/-tJusdGfhDQs/USXxv0J2goI/AAAAAAAAZ-0/Fd8Nsx6B4qU/s400/22.jpg

ولدين وبنت
وكعادة كل راجل انتهازى داخل على طمع ..
ف الأول لطيف وجميل وناعم وبيلمع زى جلد التعبان ...
لحد ما يلف حوالين الضحية
ويروح مطلع أنيابه بالسم
ويبتدى اللدغ بقى


http://4.bp.blogspot.com/-guQ3MYttgBs/USXx7tn_IvI/AAAAAAAAZ_E/4eW6i43Hp3M/s400/51IPuipUxzL._SS500_.jpg

ويبتدى يظهر على حقيقته ..
سى غالى اللى كان غاوى سهر وقمار والذى منه ..
بقى يسكر ويخسر ..
ويرجع يطلب فلوس من فتحية
ويضربها لو رفضت !!


http://4.bp.blogspot.com/-YFPj5o30cJo/USXyCXAGaRI/AAAAAAAAZ_M/1ZKakp03bRI/s1600/30.JPG

بقت بنت الأصول .. الملاك البرىء دا ينضرب ..
والست نازلى تحجّز ما بينهم منعا للإصابات ..
تخيلوا .. !!!
وفلوس نازلى اللى كانت فاضلة معاهم
ويشتغل بيها يخسرها شوية بشوية ف مغامراته المتهورة ..
وتبيع نازلى ف مجواهراتها لحد آخر حتة
عشان يعيشوا

واللى يزيد الطين بلة ..
ان رياض ياخد هيروين ..
ويتغير طبعه للأسوأ وفتحية تتبهدل معاه
وتسكت عشان خاطر الولاد ..
وتدور على شغل عشان تعرف تعيش هيا والولاد وامها

وتتنقل من مهنة للتانية ..
موظفة استقبال ف فندق لأعمال سكرتارية ف فندق تانى ..
ولحد ما بقيت تشتغل ف بار ..
تخدم الزباين ..
وسبحان المعز المذل

نسيت اقولكم ان نازلى وفتحية اعلنوا دخولهم المسيحية ..
بعد سفرهم امريكا ..
ف حالة من حالات الجنان
والعند اللى كان راكبهم وتحديا لفاروق ...

يفوت الوقت ..
وفتحية تكبر وتنضج ..
وبرج القوس اللى لما يزهق يجيب أخره ..
فترفع قضية انفصال عن غالى ف المحاكم سنة 1965


http://3.bp.blogspot.com/-tWIxZQq23j8/USXyNcmB4tI/AAAAAAAAZ_U/SQbaLNNx0io/s1600/D7ka-70245dace9.jpeg

وينفصلوا وتعيش ف بيت مع امها
وهوه بحكم المحكمة يبعد بس يفضل يطاردها
ويصمم ميطلقش
وينتهز أى فرصة عشان ترجعله .. وهيا ترفض وتنفضله

وتقرر تعيش ف هدوء قدر الامكان
مكتفية بشغلها وتربية عيالها
رائد ورفيق ورانيا ...


http://1.bp.blogspot.com/-_WlHVB8pMck/USXyUBIfCpI/AAAAAAAAZ_c/bVVl1oCw-yY/s200/2829968453_7c492d7cbc.jpg

وترفع فتحية قضية الطلاق 1973
وتقرر ترجع مصر
عشان حست ان البلد بقى مختلفة عن زمان ...
وممكن تعيش فيها من تانى بدل الغربة

وتموت حماتها
ام رياض
وكان بينهم عشرة طيبة
فتروح تعزّى غالى ..
ويطالبها بالرجوع وترفض ..
وكان ف حالة يرثى لها
والخمرة والهيروين مخّلصين عليه

تصر على عدم الرجوع اليه
وتبدأ تحضر نفسها للرجوع لمصر ..
ويبعتلها غالى
و يطلب منها تيجى تزوره
عشان يشوفها لآخر مرة قبل ما تمشى ...
وتروحله فتحية بكل سماحة نفس

ويكرر المحايلة بإنها ترجعله
وترفض فتحية بإصرار ..
فيروح مطلع مسدسه
ومفرغ ف راسها وجسمها
رصاصة ورا رصاصة ورا رصاصة
لحد ما بقوا خمسة ...

وزى حكاية المطربة ذكرى وايمن السويدى كدا
الظاهر بيفوق بعد ما يلاقيها ماتت
وبيقرر يموت نفسه لما يكتشف فعلته ..
فيروح رافع المسدس على دماغه وضارب نفسه

بس أيمن السويدى مات ..
رياض غالى ربنا أراد انه يعيش وينقذوه ..
لما رائد يستنكر تأخر مامته ويروح لبيت ابوه يشوفها
فيدخل يلاقى الأتنين ع الأرض
وغرقانين ف دمهم ...
وامه تموت ..
وأبوه لسه فيه الروح ويتصل بالبوليس والأسعاف ...
ويروح غالى ع المستشفى ..
وتروح فتحية لمثواها الأخير


http://3.bp.blogspot.com/-PvOkfjr_0uE/USXysZMberI/AAAAAAAAZ_k/FLB9YHvWNJ0/s1600/26.jpg

ويبلغوا الخبر لنازلى
اللى تمشى متسندة على دراعات احفادها
عشان تحضر جنازة بنتها



http://3.bp.blogspot.com/-pvL0xcwQ0NY/USXyzMVJN-I/AAAAAAAAZ_s/hlwFJsXuSXY/s1600/27.jpg

وتنقتل فتحية ف ديسمبر 1976
وقبل عيد ميلادها ال 46 بأيام
وتندفن ف جنازة ميحضرهاش كتير


http://2.bp.blogspot.com/-FFAhHYH3BmY/USXy9KG2phI/AAAAAAAAZ_0/6NdDglntG4E/s1600/28.JPG

وعاوزاكم تبصوا على أخر صورة ليها يا جماعة
وتشوفوا ملامح وشها ..
ازاى ركبها الهم
وشكلها بقى اكبر من عمرها
و رياض غالى بقى .. اللى ربنا أراد يعيش ..
فقد بصره وبقى شبه عاجز
بسبب الرصاصة اللى جت ف دماغه
وقعد ف الحالة دى لحد ما مات سنة

ورغم انه اتحكم عليه بمدة بسيطة
الا انه اتعذب اكتر بالمرض والعجز ..
وكأنه كان عايش ميت بالظبط

ونازلى ماتت بعده موت فتحية بسنتين ...
واندفنت جنب بنتها ف نفس المقبرة

وادى تانى بنت من بنات الملك فؤاد يبهدلها الزمن
وممكن بنت عادية ماشية ف الشارع
وتتفرج على صورهم ف مجلة متعلقة عند بتاع الجرايد ..
فيحسدوهم !

ومن فوزية لفتحية ...
يا قلبى لا تحزن ..
وفاروق روخر مفلحشى ف حياته
والعيلة دى ليه مكنش بيعيشلها جوزات ... ؟

[أنثى متمرده]

حكـــايـات مصـــرية .....


http://1.bp.blogspot.com/-U4vZ7dQI5Zc/VPD2TR304lI/AAAAAAAAvFU/dg9isG5BlBg/s1600/tumblr_md5eiyk1Fp1r33sk8o1_1280.jpg (http://1.bp.blogspot.com/-U4vZ7dQI5Zc/VPD2TR304lI/AAAAAAAAvFU/dg9isG5BlBg/s1600/tumblr_md5eiyk1Fp1r33sk8o1_1280.jpg)

مساء الخير
شوية حكايات مصرية قصيرة
القصة رقم (1)


http://3.bp.blogspot.com/-y9rBrz1Nrm8/VPDmtc5SdWI/AAAAAAAAvAc/A2uhwKKhbqk/s1600/muhammad_ali_pasha_ottoman_turkey_or_egypt_19th_ce ntury_d5780423g.jpg (http://3.bp.blogspot.com/-y9rBrz1Nrm8/VPDmtc5SdWI/AAAAAAAAvAc/A2uhwKKhbqk/s1600/muhammad_ali_pasha_ottoman_turkey_or_egypt_19th_ce ntury_d5780423g.jpg)

ودى حصلت ف خريف عهد محمد على كدا وحدثت ف بولاق

تحديدا سنة 1842
لما قنصل مملكة سردينيا
راح لجمرك بولاق عشان يطلع شحنة من هناك
جاية لأحد رعايا دولته
حلو


http://3.bp.blogspot.com/-GB56J6XaEIY/VPDm-Xf5CWI/AAAAAAAAvAs/x-q1vQOsOcg/s1600/30884%D8%AA%D8%AA.jpg (http://3.bp.blogspot.com/-GB56J6XaEIY/VPDm-Xf5CWI/AAAAAAAAvAs/x-q1vQOsOcg/s1600/30884%D8%AA%D8%AA.jpg)


ودخل قنصل الوز على أمين الجمرك
كان اسمه "ارسلان أغا" وعرفه بنفسه
ارسلان عمل الواجب وشربه سخن وساقع
وعنينا يا باشا

- لأ مفيش عندكو شحنة وعاوز اطلعها
- طيب الرسوم كذا
- لأ نزلوها شوية
- لأ مينفعشى
- ليه
- لازم امر كتابى من سيد البلاد .. محمد على باشا


http://2.bp.blogspot.com/-8KuYEhOtlr8/VPDnEgltXOI/AAAAAAAAvA0/RqfK4NBneng/s1600/5807e38bb788cdf6e214ac138485cdd0.jpg (http://2.bp.blogspot.com/-8KuYEhOtlr8/VPDnEgltXOI/AAAAAAAAvA0/RqfK4NBneng/s1600/5807e38bb788cdf6e214ac138485cdd0.jpg)

القنصل لسه هيهز طوله ويروح يمضى ورقة من القلعة

لأ طبعا راح
واخد ارسلان بالمسايسة وفهمه
انه هيشوفه ف كوباية الشاى بتاعته
وكام علبة سجاير بعد ما غليت


http://3.bp.blogspot.com/-cS0aEQct7Vg/VPDnxLF8AAI/AAAAAAAAvBc/3iLYKcpVWDU/s1600/srdinia.gif (http://3.bp.blogspot.com/-cS0aEQct7Vg/VPDnxLF8AAI/AAAAAAAAvBc/3iLYKcpVWDU/s1600/srdinia.gif)


أرسلان أصر إلحاحا وقاله
لازم أمر من الوالى ومعلش حضرتك ومقدرشى
القنصل وشه اتنفخ واتنرفز
والجو كان حر ورطوبة وخنقة وخلقه ضاق اكتر
نسينا نقول ان سردينيا دى بقت دلوقتى حتة من ايطاليا
فشوف بقى الطليان لما يتحمقوا
القصد القنصل اتعصب
وقام عشان يضرب ارسلان على بوزه !!!


وقعد يبرطم بقى انتا متعرفش انا مين
ومحمد على يبقى مين اسم الله
وهجيبلكم اروبا هتربيكم ..الخ
قوم ف هذه اللحظة المقندلة ظهر اللى اسمه الياسجقى
الياسجقى مين يا شهروزة ؟؟
دا حرتك الموظف المعين ف القنصلية الاجنبية
من قبل الحكومة المصرية لتخليص اوراقها وشئونها
مشهلاتى رسمى يعنى


قوم انتا يا ياسجقى يا حبيبى
بدل ما تحوش بين القنصل وبين ارسلان اللى واقف مبلول
روحت باعد القنصل
وكملت انتا ضرب ف امين الجمرك #ياحلولى

وبس العالم اتلمت
وخلصوا ارسلان من تحت ايد الياسجقى والقنصل
اللى اخدوا بعضشيهم وراحوا ماشيين
والدوام خلص
وعلى العشا كانت القاهرة كلها عرفت !


http://2.bp.blogspot.com/-42_K5XgtBAo/VPDnXFZ_8SI/AAAAAAAAvBE/9NuODcWajw8/s1600/B8wthM-CIAAuJEJ.jpg (http://2.bp.blogspot.com/-42_K5XgtBAo/VPDnXFZ_8SI/AAAAAAAAvBE/9NuODcWajw8/s1600/B8wthM-CIAAuJEJ.jpg)

وعمل المصريين قعر مجلس على كل قهوة
وف كل بيت
ناس تقول ارسلان غلطان
عشان مردش على الأعتداء بأعتداء
وناس تقول أرسلان معذور ميقدرش يعمل حاجة
واصله موظف رسمى وله حدود ومش وظيفته يرد .. الخ
قصره
القاهرة ف ليلتها باتت وهيا بتسأل
يا ترى يا هل ترى الوالى محمد على هيعمل ايه .. ؟!!


http://4.bp.blogspot.com/-Pw8DYCM6Ons/VPDne13W4KI/AAAAAAAAvBM/KMmpAoAI_68/s1600/30884.jpg (http://4.bp.blogspot.com/-Pw8DYCM6Ons/VPDne13W4KI/AAAAAAAAvBM/KMmpAoAI_68/s1600/30884.jpg)

خبر الواقعة وصل لمحمد على
اللى أصلا اصلا كان محروق دمه من الجاليات الاروبية
اكمن حكوماتها أتلمت عليه
وطرمتله انيابه
وقعدت تحاربه وتقلص ف نفوذه لحد ما رجعته
لحدود مصر والسودان وقالتله لحد عندك وإركن يا حاج
قوم ايه منظرك بقى ويحش قوى
لازم يتصرف

http://2.bp.blogspot.com/-QaYFD6RwGDc/VPDnoatsiWI/AAAAAAAAvBU/GXA-YSJ7KWg/s1600/cairo-the-citadel-2.jpg (http://2.bp.blogspot.com/-QaYFD6RwGDc/VPDnoatsiWI/AAAAAAAAvBU/GXA-YSJ7KWg/s1600/cairo-the-citadel-2.jpg)

عمل ايه ؟
اللى حدث الآتى سنكفولة شد مكتوب لشارل البرت
ملك سردينيا يقوله فيها
اعزل قنصلك من مصر
وأى ورقة رسمية عليها امضاءه هنطنشها
وأى مصالح ليكم ف بلدنا هتقف وانتوا هتكونوا السبب
اما أرسلان أغا أمين الجمرك
فمحمد على عزله من منصبه عشان شافه
مردش كويس ع القنصل !
الزغلولة الكبيرة الياسجقى
اللى الكل استنكر تصرفه باعتباره المفروض
يدور على مصلحة البلد مش البلد التابع لها القنصليه
بيقولوا ان محمد على بعت وجابه القلعة
وامر بضربه 500 نبوت يا ثااااامح
عقابا له على ما بدر منه تجاه مواطنى بلاده
وبس كدا
الياسجقى اتروق ترويقة تمام
وأرسلان أغا اتعزل من منصبه
وقنصل سردينيا استدعى لبلاده ومرجعشى تانى
حرصا على عمق العلاقات بين البلدين وكدهون !

http://2.bp.blogspot.com/-OvTBta8m47I/VPDm8kvQzLI/AAAAAAAAvAo/6jvOwdgvfY0/s1600/boulakCaire.jpg (http://2.bp.blogspot.com/-OvTBta8m47I/VPDm8kvQzLI/AAAAAAAAvAo/6jvOwdgvfY0/s1600/boulakCaire.jpg)




والناس هديت وانبسطت
ومحمد على ستفلهم الاونطة جوا الشنطة وشكرا
والقصة خلصت
بس السؤال بقى ... أرسلان اترفد ليه ؟؟؟
يعنى هل الراجل من مهام وظيفته
انه يلطش للناس قلالة الادب
وخصوصا الروس الكبيرة ف البلد
واللى محمد على شخصيا وطى قصادهم .. ؟!!
ازاى يعنى


ثانيا .. لما انتا يا حاج سنكفولة دمك حامى كدا
اومال مين يا حبيبى اللى ساب العالم دى بقناصلها
تتغول ف البلاد وتتفرعن كدا
امى اللى جابتهم وطمعتهم وسابتهم لازم
ثالثا .. بالنوسبة للعقوبات
اللى ينضرب 500 نبوت دا
شكله بيبقى عامل ازاى بعد كدا
يعنى هل بتفضل ف جسمه أى عضمة سليمة
ولا بيتحول الى صباع كفتة .. ؟


http://4.bp.blogspot.com/-__siV2WS8FA/VPDoFSdUhrI/AAAAAAAAvBk/HgNfCtOpHpc/s1600/Prosper_Marilhat_-_Ezbekiyah_Street_in_Cairo_-_WGA14078.jpg (http://4.bp.blogspot.com/-__siV2WS8FA/VPDoFSdUhrI/AAAAAAAAvBk/HgNfCtOpHpc/s1600/Prosper_Marilhat_-_Ezbekiyah_Street_in_Cairo_-_WGA14078.jpg)




رابعا
قالك القاهرة رضيت بما حدث
يعنى دلوقت سنكفولة حلو
مع انه فاشخكم قرب الـ 40 سنة
وزعلانين بس من قنصل سردينيا !
احنا شعب لقطة والله

[أنثى متمرده]

القصة رقم (3)


http://4.bp.blogspot.com/-kpMA2q012jQ/VPDzBzm4cMI/AAAAAAAAvFE/fPlIuj-sLlI/s1600/019L12100_6CZK5.jpg (http://4.bp.blogspot.com/-kpMA2q012jQ/VPDzBzm4cMI/AAAAAAAAvFE/fPlIuj-sLlI/s1600/019L12100_6CZK5.jpg)


من سجلات احد الرحالة اللى جم مصر
اسمه كارستن نيبور
وعمل كتاب سماه
رحلة الى مصر (1761-1762)

http://4.bp.blogspot.com/-_pFKgnnkSaw/VPDw4BIp7AI/AAAAAAAAvEA/TufJIvzkV5s/s1600/189234.JPG (http://4.bp.blogspot.com/-_pFKgnnkSaw/VPDw4BIp7AI/AAAAAAAAvEA/TufJIvzkV5s/s1600/189234.JPG)http://4.bp.blogspot.com/-UESa_-WAx4E/VPDwpCbeXVI/AAAAAAAAvD4/AwIqhBCxQgw/s1600/uCT1e-1.jpg (http://4.bp.blogspot.com/-UESa_-WAx4E/VPDwpCbeXVI/AAAAAAAAvD4/AwIqhBCxQgw/s1600/uCT1e-1.jpg)http://1.bp.blogspot.com/-KDCSsSCt4gQ/VPDw4jeU4cI/AAAAAAAAvEE/Q5hb7U0wSFw/s1600/%D9%83%D8%A7%D8%B1%D8%B3%D8%AA%D9%86%2B%D9%86%D9%8 A%D8%A8%D9%88%D8%B1.jpg (http://1.bp.blogspot.com/-KDCSsSCt4gQ/VPDw4jeU4cI/AAAAAAAAvEE/Q5hb7U0wSFw/s1600/%D9%83%D8%A7%D8%B1%D8%B3%D8%AA%D9%86%2B%D9%86%D9%8 A%D8%A8%D9%88%D8%B1.jpg)

والاخ كارستن ف رحلته لأسكندرية بيحكيلنا ازاى
ان الخروج برا سورها كان مشكلة
والأجنبى مينفعش يمشى من غير انكشارى معاه جندى
تركى بودى جارد وكدا
وحكى كارستن ان العربان كانوا معسكرين
بخيامهم برا المدينة وبيعكننوا على اى حد يخرج
وف يوم من الايام خرج اتنين طلاينة
من سفينة راسية ع الشط
وغلطوا لما فكروا يروحوا يتفرجوا على عامود السوارى
لأنه دقايق ولقوا كام بدوى فوق نافوخهم
وبيقولوهم طلعوا اللى معاكو !
#بيثبتوهم_وكدهون


http://4.bp.blogspot.com/-8igHOgdLZX8/VPDxFdSFWNI/AAAAAAAAvEQ/IzUbs-r-XBQ/s1600/Pompey%27s%2BPillar%2BPainting%2BAlexandria%2Bin%2 Bc.1850.jpg (http://4.bp.blogspot.com/-8igHOgdLZX8/VPDxFdSFWNI/AAAAAAAAvEQ/IzUbs-r-XBQ/s1600/Pompey%27s%2BPillar%2BPainting%2BAlexandria%2Bin%2 Bc.1850.jpg)

وطبعا سرقوهم واخدوا فلوسهم وقلعوهم كمان هدومهم
والمضحك ان كان معاهم جندى انكشارى
مأجرينه يحميهم مقدرش طبعا يعمل حاجة
وهددهم بس بالسلطة
وانهم لو ليهم حاجة ياخدوها من الأتراك
وملهمش دعوة بالأغراب
راحوا سايبين الطلاينة وماسكينه عاجنينه
وادوله علقة موت
وانتشر الخبر ف البلد



http://3.bp.blogspot.com/-f8dIn_2yMkE/VPDxL6uw_AI/AAAAAAAAvEY/N3DTJ1g5GMI/s1600/Street%2BScene%2Bnear%2BPompey%27s%2BPillar%2C%2BA lexandria.jpg (http://3.bp.blogspot.com/-f8dIn_2yMkE/VPDxL6uw_AI/AAAAAAAAvEY/N3DTJ1g5GMI/s1600/Street%2BScene%2Bnear%2BPompey%27s%2BPillar%2C%2BA lexandria.jpg)


تانى يوم .. كارستن كان نازل ف بيت على السوق
علطول وحضر الواقعة بنفسه
واتفرج من الشباك
لما ابتدت خناقة بين اعرابى وابن بلد فجأة كدا
http://4.bp.blogspot.com/-FajGkqXIAg0/VPDxSU8yl0I/AAAAAAAAvEg/LoaN_R7XfTI/s1600/imagesghhhhhhh.jpeg (http://4.bp.blogspot.com/-FajGkqXIAg0/VPDxSU8yl0I/AAAAAAAAvEg/LoaN_R7XfTI/s1600/imagesghhhhhhh.jpeg)


العربان كانوا بيدخلوا المدينة فرداى
عشان محدش يهرشهم ويقرفهم
قوم ف اليوم دا شاب سكندرى شاف واحد منهم
والظاهر كان مروقه ف مرة سابقة وسارقه
ومبهدله وكدا

شافه خارج من دكان بعد ما اشترى حاجة
فراح مقرب منه وشاتمه
وقاله انه أعرابى نذل
كارستن اللى بيقول
قوم اييييه ؟
الأعرابى رد ع الشتيمة بشتيمة تانية
واهانة اكبر حاجة زى وايش يجول هذا الجرد
المهم الواد الأسكندرانى كان مستنياه
وهوووب مسكوا ف بعض !


http://4.bp.blogspot.com/-egNQ-StzhRI/VPDxZzmjsHI/AAAAAAAAvEo/CD2Ck81Y-N4/s1600/156751694-2979b.jpg (http://4.bp.blogspot.com/-egNQ-StzhRI/VPDxZzmjsHI/AAAAAAAAvEo/CD2Ck81Y-N4/s1600/156751694-2979b.jpg)


والعركة ابتدت
وولا يا حمووو هات العيال من ع القهوة يالااااااا
الأعرابى روخر زمايله شافوا المنظر
راحوا ملموين حواليه بعد ما كانوا ماشيين متفرقين
وكارستن كان حاضر المعجنة بقى
فقالك الساحة تحولت الى ميدان حرب
بين البدو والسكندريين
وانه البدو ابلوا بلاء حسن
وكان النفر فيهم بيصد جمع من الناس
وبيقول كمان ان البدو كانوا شطار
وحريصين ميقتلوش حد بينما السكندريين كانوا غشم وقتلوا واحد ف وسط العركة
غير اللى قبضوا عليهم بعد كدا
بس الغلبة ميدانيا كانت للعربان
اللى شهروا الاسلحة والسيوف
بينما الأسكندرانية اخرهم كان الايدين ورمى الحجارة
والكر والفر


http://3.bp.blogspot.com/-KNnW9yXKz1E/VPDxuC77LqI/AAAAAAAAvEw/5vsmP2Kf37Y/s1600/desert-L-HeDznz.jpeg (http://3.bp.blogspot.com/-KNnW9yXKz1E/VPDxuC77LqI/AAAAAAAAvEw/5vsmP2Kf37Y/s1600/desert-L-HeDznz.jpeg)


كارستن بيقول ان المعركة انتهت بين العربان
والعوام اللى وصفهم بانهم
"من اسوأ العوام فى الدولة التركية كلها "
بالآتى
15 بين قتيل وجريح وأسير
والأسكندرانية من غيظهم قتلوا 2 من الأسرى
اللى مسكوهم
وسط العركة قوم العربان هتسكت ..!
لأ طبعا
لموا نفسهم وحاصروا اسكندرية ف الليلة دى
وسرقوا كل البهايم اللى كانت برا سور المدينة

وبترعى ف اماااااان الله
وكانت ليلة ليلااااااء
ف اسكندرية وبراها
لحد ما فات يومين واتعمل مجلس صلح
وكل طرف رد اللى اخده ودفع دية لأهل المقتول
وشكرااااااا
والحكاية خلصت


والتعليق بقى ...

الاخ كارستن بيقول السكندرى قال للبدوى

انه اعرابى نذل ...

متأكد يا كاستن ؟

شور يعنى ؟

قال نذل بس ؟

يعنى مشكرلوش وقال كلمة اسكندرانى متينة

اقوى من كدا ؟؟

طب اسأل المترجم بتاعك تانى كدا

#عشان_متهيألى

انه لازم يكون قال حاجة غير ندل ولعت الدنيا كدا


كارستن كمان يوصف بسطاء المصريين بانهم

"من اسوأ العوام فى الدولة التركية كلها"

صلاة النبى احسن

دا على أساس ان تركيا وقتها كانت مهنينا

ومخلية الدنيا أمان وزالفل

طب دا العسكرى المرتزقة بتاعهم

انضرب ولا حمار ف مطلع ومعرفش يخلى الامن يستتب

هتيجى ع المواطن الغلبان اللى شارب من كيعانه
ثم انه يعنى

واضح ان السياحة ف مصر مضروبة من زمان

صحيح مكنش عندهم كتيبات بتعملها السفارة

تقول للناس متخرجوش لوحديكم وخلوا بالكم الخ

لكن واضح ان الموضوع طلع متجذر من بدرى !

[أنثى متمرده]

الاميرة فوزية والجمال الحزين


http://1.bp.blogspot.com/-2RrEAEUvxdw/USU_EGXwM_I/AAAAAAAAZw0/N1Y4IKPWykg/s1600/3004271536_1b9aefde08.jpg (http://1.bp.blogspot.com/-2RrEAEUvxdw/USU_EGXwM_I/AAAAAAAAZw0/N1Y4IKPWykg/s1600/3004271536_1b9aefde08.jpg)


ازيكو يا ولاد ...
مين عاوز يسمع حدوتة عن بلاد فارس ومصر
واميرة عندنا ... صبحت ف يوم وليلة ... امبراطورة عندهم ... ؟!
والمقصودة هى تبقى الأميرة فوزيــة بنت الملك فؤاد
وأخت الملك فاروق الأميرة مصرية
وامبراطورة ايران لفترة ..
وجميـلة الجميلات بحق

http://1.bp.blogspot.com/-X0JR64Oklxk/USVAipj3zoI/AAAAAAAAZxA/DQ1TUmhSK_Y/s200/3398832071_83c6d36851_z.jpg (http://1.bp.blogspot.com/-X0JR64Oklxk/USVAipj3zoI/AAAAAAAAZxA/DQ1TUmhSK_Y/s1600/3398832071_83c6d36851_z.jpg)


دايما كنت أشوف الصورة دى
ويلفت نظرى جدااااا نظرتها الحزينة
واقول يا ترى ..
واحدة بالجمال دا ..
وكانت اميرة ..
والدنيا كلها رهن اشارتها
اللى ممكن يخليها تزعل كدا ؟!!!

http://3.bp.blogspot.com/-J1a0LK5_YJ8/USVAvKrfpkI/AAAAAAAAZxI/Lj3MoLhLMl0/s400/queen-nazli-family-2.jpg (http://3.bp.blogspot.com/-J1a0LK5_YJ8/USVAvKrfpkI/AAAAAAAAZxI/Lj3MoLhLMl0/s1600/queen-nazli-family-2.jpg)


فوزية كانت من أجمل اخواتها البنات ..
وكان أخوها فاروق بيحبها جداااا
وبيدلعها
وميطقش حد يزعلها ابدا ..
بعد ما بقى ملك
بفترة بسيطة ..
على أقصى الخريطة هناااااااااااك ..
ف إيران
كان الأخ رضا بهلوى بيحكم قبضته على البلاد بيد من حديد


http://2.bp.blogspot.com/-16h-upP1FiU/USVA_q1sA7I/AAAAAAAAZxQ/QxpQlAmwGBY/s320/crwon-princes-mohammad-reza-pahlavi-and-mohamed-ali-tawfik.jpg (http://2.bp.blogspot.com/-16h-upP1FiU/USVA_q1sA7I/AAAAAAAAZxQ/QxpQlAmwGBY/s1600/crwon-princes-mohammad-reza-pahlavi-and-mohamed-ali-tawfik.jpg)
وقالك لما نلم مصر على ايران ..
والملكية هنا وهناك
يتسندوا على بعض
ويبقالى عزوة ف مصر تنفعنى ..
وتنفع العيال من بعدى .. قوم عمل اييييه ؟؟

راح ناده للسفير الايرانى بتاعهم ف مصر ..
وقاله ورينى صور اخوات فاروق ...
وراح منّشن على فوزية ..
ومنشّن دى كلمة فارسية نيشان يعنى علامة :)
رضا بهلوى كان عنده ولد اسمه محمد ..
وكان بيعده للحكم من بعده والجلوس على عرش إيران

محمد بقى كان شاب وسيم
والآطة الدنيا فيه ..
وكان عينه زايغة ..
قصره ابوه قال يلمه ..
ويجوزه ست البنات فوزية ومفيش أجمل من كدا ..
وكمان يعضد حكمه ويعمل زى ملوك اوربا
لما كانوا بيتجوزوا من بعض ..


http://3.bp.blogspot.com/-H9s7OppGJt8/USVBZGu3y9I/AAAAAAAAZyU/_qpPAV06TCs/s400/cov22.jpg (http://3.bp.blogspot.com/-H9s7OppGJt8/USVBZGu3y9I/AAAAAAAAZyU/_qpPAV06TCs/s1600/cov22.jpg)



المهم ..
الأب بعت الواد رضا بهلوى الأبن على مصر
عشان يشوف العروسة ..
ويعاين الجثة ع الطبيعة
ويجيب بهلوى كيلو الشكولاتة
ويدخل يقعد ف صالون القصر الملكى ..
ياكل الجاتوه ويشرب الشاى ف طقم الصينى
بتاع جواز الحاجة نازلى شخصيااااا ..

[أنثى متمرده]

http://2.bp.blogspot.com/-8nhpQ73jedE/USVCZMs8ENI/AAAAAAAAZyk/YYExCzfDfas/s1600/2437892678_ab23412907.jpg (http://2.bp.blogspot.com/-8nhpQ73jedE/USVCZMs8ENI/AAAAAAAAZyk/YYExCzfDfas/s1600/2437892678_ab23412907.jpg)

وتدخل فوزية
والعريس عينه تطلع عليها ..
ويطلبها رسمى ..
وفاروق يقوله موافقين ...
رضا يقول طلباتكم ايه ..
فاروق يقول يا بنى احنا بنشترى راجل
ويقوله الاصول لازم تنعمل
وروح هات امك وابوك وتعالوا اقروا الفاتحة ..
على ما ننده عمامها م البلد لحسن ياكلوا وشنا
:)

http://4.bp.blogspot.com/-kAqqJUozLFM/USVCfzghJYI/AAAAAAAAZys/l_RzNQjvALs/s1600/5981.jpg (http://4.bp.blogspot.com/-kAqqJUozLFM/USVCfzghJYI/AAAAAAAAZys/l_RzNQjvALs/s1600/5981.jpg)

ويسافر رضا ويجيب معاه ست الحاجة نينة والوالد
ويشبكوا فوزية رسمى فهمى نظمى
بعد ما يتفقوا مين عليه النجف والسجاد وطقم الحلل
ويحصل خناقات على مين هيدفع اجرة الرقاصة بتاعت الزفة ..
بس ولاد الحلال يتدخلوا
و يقنعوا الست الرقاصة تزفهم ببلاش
ونخلص :))

http://1.bp.blogspot.com/-W6-h0TRTbYw/USVCr1EIeXI/AAAAAAAAZy0/LQcHPYt5KFU/s1600/fawzia+wedding.jpg (http://1.bp.blogspot.com/-W6-h0TRTbYw/USVCr1EIeXI/AAAAAAAAZy0/LQcHPYt5KFU/s1600/fawzia+wedding.jpg)

ويتفقوا على معاد الفرح
وحسب التقاليد يبقى ف بيت العروسة ..
قصر العروسة بمعنى أدق ..
ولما يروحوا ايران يتعمل فرح تانى

http://3.bp.blogspot.com/-cQuV22O1LIA/USVC1hOL9hI/AAAAAAAAZy8/ZYUZ-Yrnuhc/s400/3991188340_da8957433e_z.jpg (http://3.bp.blogspot.com/-cQuV22O1LIA/USVC1hOL9hI/AAAAAAAAZy8/ZYUZ-Yrnuhc/s1600/3991188340_da8957433e_z.jpg)

وف اليوم الأسوح المهبب ...
تتجوز فوزية البائسة ..
وسمعونى المزيكا ف الخلفية ..
يختى عليها ويختى عليها ..
وبخور وكدا


http://3.bp.blogspot.com/-l_Oaelxy1FY/USVC9AvXDII/AAAAAAAAZzE/CMNyDVIWGGs/s1600/1326372210521.jpg (http://3.bp.blogspot.com/-l_Oaelxy1FY/USVC9AvXDII/AAAAAAAAZzE/CMNyDVIWGGs/s1600/1326372210521.jpg)

يكتبوا كتابك يا نقاوة عينى ..
وعاوزاكم تبصوا ع الصورة دى كويس
وتدققوا عشان ملامح فوزية هتتغير بعدها للأبـــد

http://4.bp.blogspot.com/-pLjp3Bf2tpk/USVDFhWYfDI/AAAAAAAAZzM/IrxF_pdVjhI/s1600/images+%283%29.jpg (http://4.bp.blogspot.com/-pLjp3Bf2tpk/USVDFhWYfDI/AAAAAAAAZzM/IrxF_pdVjhI/s1600/images+%283%29.jpg)

الطفلة البريئة على رأى الست جنات ..
هتختفى وييجى بدالها واحدة تانية ..
جميلة لسه
بس حزينة حزن السنين


http://4.bp.blogspot.com/-D2C6bMR1CJQ/USVDXf67JRI/AAAAAAAAZzc/3aSFlhyd7TM/s1600/Princess+Fawzia+in+1947.jpg (http://4.bp.blogspot.com/-D2C6bMR1CJQ/USVDXf67JRI/AAAAAAAAZzc/3aSFlhyd7TM/s1600/Princess+Fawzia+in+1947.jpg)
ويبدأ فصل جديد خالص ف حياتها ..
لما تروح مع جوزها بلاده
وتودع كل حاجة عرفتها ف مصر ...
احنا وقفنا فين ..
آه لما سافرت فوزية مع الواد رضا ابو جلابية مهربدة ..
على بلده ..
وكان وقتها ولى العهد وابوه اللى بيحكم ..
ويأمر وينهى


http://3.bp.blogspot.com/-451hqAd_h4k/USVDLsyyIcI/AAAAAAAAZzU/UHDWI62HnYI/s1600/15ceuqa.jpg (http://3.bp.blogspot.com/-451hqAd_h4k/USVDLsyyIcI/AAAAAAAAZzU/UHDWI62HnYI/s1600/15ceuqa.jpg)

الولا ف الآول كان مكبر دماغه من مشاغل الحكم .. وعايش حياته ..
وفوزية كانت بتعانى ف صمت
كان عندها تلات مشاكل منغصين عليها حياتها ..
اولهم ..
الحياة الناشفة ف ايران وقصورها
واللى كانت عكس مصر خالص .. ف قسوة طبيعة البلاد واهلها
تانى مشكلة
كانت رضا اللى مكبّر دماغه وبيسيبها لوحدها
وكان فاروق اخوها معودها ع الخروج والسفر والفسح
والإشتراك بالعمل الاجتماعى هيا واخواتها
بس المشكلتين دول كان مقدور عليهم مقارنةً بالمشكلة التالتة
وهى أكبر حاجة وملهاش حل خاااالص ..
وهيا حماتها الست ام رضا


http://4.bp.blogspot.com/-2EMwwGo5FIE/USVDnH7SXOI/AAAAAAAAZzk/fVXo9FPZqWE/s320/post-1009-1190485980.jpg (http://4.bp.blogspot.com/-2EMwwGo5FIE/USVDnH7SXOI/AAAAAAAAZzk/fVXo9FPZqWE/s1600/post-1009-1190485980.jpg)

وست الحاجة نينة بقى كانت م الستات المفترية
وهتلاقوا ليها أثر بعدين ف حياة الواد
انما مسح الزور كان مع فوزية الغلبانة

لوزة بعد جوازها بسنتين
حماها اتكل على الله
ومقدرش بتحمل مراته اكتر من كدا ..
ورضا بهلوى بقى شاه ايران رسمى
وأصبحت لوزة فوزية الجميلة .. امبراطورة إيران ..

[أنثى متمرده]

http://2.bp.blogspot.com/-vGp8Lks1yNE/USVD3LhABaI/AAAAAAAAZzs/V148I68Yoy0/s400/tumblr_m79g3rXu5n1qg0umko1_500.jpg (http://2.bp.blogspot.com/-vGp8Lks1yNE/USVD3LhABaI/AAAAAAAAZzs/V148I68Yoy0/s1600/tumblr_m79g3rXu5n1qg0umko1_500.jpg)

وكانت حامل والافراح عمت البلاد ..
ويوم الولادة بيسألوا الدكتور .. ولد ..
قال لأ بنت
فوزية جابت بنوتة ..
وسموها شاهيناز ..
تسكت ام رضا بقى ..
لا متسكتشى طبعا
ولازم تعكنن عليهم عيشتهم !!
بقى البت المفعوصة دى تبقى الأمبراطورة ..
ومتجبش للواد حتة وريث ..
هاررررررررها أسود

وتقعد تشحن ف إبنها ضد فوزية ..
وفوزية اللى كانت واخواتها البنات فرحة اخوهم
ودلع الدنيا فجأة تكتشف
انها غلطت عشان خلفت بنت .. !!!!
وتنقهر اكتر وتسكت ...
وتحاول تتكيف
وتقول لجوزها المرة الجاية نجيب الولد ..
ويعدى الوقت واكتئاب ما بعد الولادة يزيد على فوزية
ونكد الحماة يستفحل
وتطنيش رضا وتكبير دماغه يزيد ..
وتروح نازلى الملكة ايران عشان تزور بنتها

http://2.bp.blogspot.com/-IAHGcrngpJw/USVEEejlfvI/AAAAAAAAZz0/iO99HVFcIKc/s320/2017712136_c25a10d12f.jpg (http://2.bp.blogspot.com/-IAHGcrngpJw/USVEEejlfvI/AAAAAAAAZz0/iO99HVFcIKc/s1600/2017712136_c25a10d12f.jpg)

وتلاقى البنت خاسة .. ومكئتبة ..
ومحدش معاها بيسليها
والقصر الملكى اللى قاعده فيه بائس
والحياة غير مصر خالص .. #وعمار_يا_مصر
فترجع لفاروق
تقوله اختك تعبانة ف حياتها ...
فيبعت لفوزية .. يسألها ...
فترد انها بخير ..
ومتقولشى مالها

http://1.bp.blogspot.com/-_SyKcheMqp4/USVESOyNTaI/AAAAAAAAZz8/GV4TMmYR7ms/s320/tumblr_m5j15ozPHQ1qg0umko1_500.jpg (http://1.bp.blogspot.com/-_SyKcheMqp4/USVESOyNTaI/AAAAAAAAZz8/GV4TMmYR7ms/s1600/tumblr_m5j15ozPHQ1qg0umko1_500.jpg)

وتحاول فوزية تحمل من تانى ...
بس حالتها الصحية متسمحش ...
ويزيد الإكتئاب اكتر بضغوط حماتها
وجوزها اللى كان عاوز ولى عهد ضمانا لثبات عرشه

http://1.bp.blogspot.com/-Tkg0sASqfVs/Uy2dnRNox3I/AAAAAAAAjzQ/Ekuk7LDBGs8/s1600/1620936_580638608686791_167496343_n.JPG (http://1.bp.blogspot.com/-Tkg0sASqfVs/Uy2dnRNox3I/AAAAAAAAjzQ/Ekuk7LDBGs8/s1600/1620936_580638608686791_167496343_n.JPG)
وتوصل الحياة لطريق مسدود بين الطرفين ..
وام رضا تشجعه على طلاق فوزية ..
وفوزية تقول ارجع بلدى
ويبعتلها فاروق ناس من البلاط الملكى
يحاولوا يتمموا الطلاق ف هدوء قدر الممكن ..
ويتصاعد الخلاف لدرجة حدوث أزمة بين البلدين بسبب عناد بهلوى
واصراره ان البنت شاهيناز تفضل ف إيران
وفوزية تمشى من غيرها

http://3.bp.blogspot.com/-NMVSccz3nPM/USVEf5k3uCI/AAAAAAAAZ0E/nCZBIk4x978/s320/princessfawzia3.jpg (http://3.bp.blogspot.com/-NMVSccz3nPM/USVEf5k3uCI/AAAAAAAAZ0E/nCZBIk4x978/s1600/princessfawzia3.jpg)
وتتم المفاوضات
وتتطلق فوزية فعلا
وترجع مصر ..
من غير البنت
ولنا هنا وقفة ...
عشان الأوغاد
بعد الثورة كتبوا كتب ومقالات
يبهدلوا بيها منظر الملك فاروق قدر الامكان
ويطلعوه شيطان رجيم
فقالوا ...
من ضمن ما قالوا ان فاروق كان عاوز يطلق فريدة
والشعب كان بيحبها
ومكنش عاوز يبقى اول ملك ف عيلته يتطلق ..
فراح متلكك لبهلوى وانتهزها فرصة !!

http://3.bp.blogspot.com/-RVJCF3pdcz4/USVEpx_symI/AAAAAAAAZ0M/BvbC9tep_QE/s320/549427_331335740300346_58428143_n.jpg (http://3.bp.blogspot.com/-RVJCF3pdcz4/USVEpx_symI/AAAAAAAAZ0M/BvbC9tep_QE/s1600/549427_331335740300346_58428143_n.jpg)
وقعدوا بقى يسهبوا
ف ان فاروق فرق ما بين الحبيبن
وفوزية كانت بتحب جوزها وجوزها قلبه انكسر يا نضرى ..
وطبعا كل دا هجص
وهتعرفوا لما اكمل .
والحقيقة ان فوزية كانت حبيبة فاروق جداااا
ومتحملش يعرف انها تعيسة ومكئتبة
وحاول ينتشلها
من اللى هيا فيه بأى تمن ممكن

http://4.bp.blogspot.com/-uYQY6Cxouo4/USVEyb50bSI/AAAAAAAAZ0U/75SyYJD5RNU/s320/8042040571_bff0e5a790_z.jpg (http://4.bp.blogspot.com/-uYQY6Cxouo4/USVEyb50bSI/AAAAAAAAZ0U/75SyYJD5RNU/s1600/8042040571_bff0e5a790_z.jpg)
وترجع فوزية بخيبة الامل راكبة جمل وقلبها مكسور
و بتفتقد الحاجة الوحيدة الحلوة
اللى فاضلة م الجوازة دى ..
وهيا بنتها

http://2.bp.blogspot.com/-6nqlyYpn6bA/USVE74jL_uI/AAAAAAAAZ0c/j09OH8-7sso/s320/7770927338_0874f33d65_z.jpg (http://2.bp.blogspot.com/-6nqlyYpn6bA/USVE74jL_uI/AAAAAAAAZ0c/j09OH8-7sso/s1600/7770927338_0874f33d65_z.jpg)
ويحاول فاروق
واخواتها البنات يشغلوها ويخرجوها
وتشارك معاهم ف الحياة الاجتماعية ..
وجت صدفة حرب فلسطين عشان فوزية تشارك ف جانبها الخيرى ..
وفى وسط كل القرف دا ..
يظهر الواد الحيليوة الوسيم القمرررررررر دا ...
اسماعيل شيرين

http://2.bp.blogspot.com/-nQJ9oWQsaEg/USVFC5pXu4I/AAAAAAAAZ0k/_nk46BAphrw/s1600/7861075318_e1bebf53b2_m.jpg (http://2.bp.blogspot.com/-nQJ9oWQsaEg/USVFC5pXu4I/AAAAAAAAZ0k/_nk46BAphrw/s1600/7861075318_e1bebf53b2_m.jpg)

وشيرين بالمناسبة كلمة فارسية معناها "الجميل" ..
آه والنيعمة
اسماعين بقى كان ابن عمهم ..
ومن العيلة المالكة يعنى مش غريب ..
وكان آخر وزير حربية فى عهد الملكية ...
واتقدم لفوزية يطلب ايدها وفاروق وافق

http://4.bp.blogspot.com/-b9h9AaXGzD8/USVFR3VS3mI/AAAAAAAAZ00/jotmXQPudbM/s320/fawzia-ismail.JPG (http://4.bp.blogspot.com/-b9h9AaXGzD8/USVFR3VS3mI/AAAAAAAAZ00/jotmXQPudbM/s1600/fawzia-ismail.JPG)
وشوفوا لما يشاء السميع العليم
تخلف منه فوزية .. بنت
... وتخلف كمان
"ولد"

http://1.bp.blogspot.com/-WX3oFfvsDT4/USVFInyOLKI/AAAAAAAAZ0s/Ybc0qTr91K4/s1600/2066794510_b3753510c1.jpg (http://1.bp.blogspot.com/-WX3oFfvsDT4/USVFInyOLKI/AAAAAAAAZ0s/Ybc0qTr91K4/s1600/2066794510_b3753510c1.jpg)
الولد يسموه حسين ..

http://4.bp.blogspot.com/-vw0DfRRGrgo/USVFZtYrevI/AAAAAAAAZ08/Wj4y-juDxJA/s320/p_fawzia8.jpg (http://4.bp.blogspot.com/-vw0DfRRGrgo/USVFZtYrevI/AAAAAAAAZ08/Wj4y-juDxJA/s1600/p_fawzia8.jpg)

اما البنت نادية ..
فتتجوز بعدين يوسف شعبان لفترة م الزمن وينفصلوا
http://4.bp.blogspot.com/-JaIMCunHjS0/USVFiro29yI/AAAAAAAAZ1E/KluIY1hPaJ8/s320/753161129_cc0d6d2ecb_z.jpg (http://4.bp.blogspot.com/-JaIMCunHjS0/USVFiro29yI/AAAAAAAAZ1E/KluIY1hPaJ8/s1600/753161129_cc0d6d2ecb_z.jpg)

[أنثى متمرده]

وشاهيناز أول خلفتها ..
تفضل فى ايران مع الأب تتربى معاه
وتشوف امها لما تكبر


http://4.bp.blogspot.com/-RuFpSSxbnsA/USVFng-DsAI/AAAAAAAAZ1M/8wlXzlN4_w4/s1600/754022886_0a0d9fe794.jpg (http://4.bp.blogspot.com/-RuFpSSxbnsA/USVFng-DsAI/AAAAAAAAZ1M/8wlXzlN4_w4/s1600/754022886_0a0d9fe794.jpg)



ودور يا زمن .. وخدنا ف دايرتك
والثورة تطرد ابناء العيلة المالكة وترميهم ف كل ناحية ...
وتفضل فوزية مع اسماعيل شيرين
لحد ما ربنا يفتكره سنة 1990
والطرف التانى م الحدوتة
لسه مخلصشى ...
نكمل ؟؟؟


http://1.bp.blogspot.com/-rDysNusRcpI/USVF0rWAb0I/AAAAAAAAZ1U/_SdAr3Zh1UY/s320/shah_small.gif (http://1.bp.blogspot.com/-rDysNusRcpI/USVF0rWAb0I/AAAAAAAAZ1U/_SdAr3Zh1UY/s1600/shah_small.gif)
النص التانى المقصود بيه سى رضا أفندى ...
اللى ينكد على عمره
والجدع دا حكايته لازم تتدرس والله
من كتر العبر اللى فيها ..
والطمع لما يركب بنى آدم ويخلى قلبه حتة حجر
طبعنننننننن
انتوا فاكرين ست الحاجة نينة ام رضا
لما زنت عليه
وخربت بيته عشان فوزية مجبتش الولد ..
فراح مطلقها ..
وعاث فسادا بقى بنات وخمرة وكدهون
الست قالتلها كدا مينفعشى ..
ولمّ نفسك ..
عاوز تعك عُك براحتك ..
بس اتجوز برضك وهاتلنا الوريث
ومشينا فوزية اتجوز غيرها




http://1.bp.blogspot.com/-IMXb0FgG1B8/USVGBMfRXTI/AAAAAAAAZ1c/xSXyqsOKA98/s320/b13a34a7ce.jpg (http://1.bp.blogspot.com/-IMXb0FgG1B8/USVGBMfRXTI/AAAAAAAAZ1c/xSXyqsOKA98/s1600/b13a34a7ce.jpg)


بعد ما طلق فوزية سنة 1945 ..
قعد يصّرمح لحد ما شاف بنوتة قمر فى حفل احدى السفارات ..
ووقع ف غرامها واتجوزها سنة 1951 ...
كان اسمها ثريا
وثريا كانت من عامة الشعب ومهياش أميرة ...
بس وقع بهلوى ف حبها وكان عندها 19 سنة تقريبا
نفس سن فوزية لما اتجوزها


http://1.bp.blogspot.com/-3DuZVr9tUUY/USVGGY1TmPI/AAAAAAAAZ1k/-1-l395saZI/s320/SorayaAndShah2.jpg (http://1.bp.blogspot.com/-3DuZVr9tUUY/USVGGY1TmPI/AAAAAAAAZ1k/-1-l395saZI/s1600/SorayaAndShah2.jpg)


ثريا اللى يشوفها يوم جوزاها كان يلاقيها متاخدة
وكأنها مضروبة علقة ..
كانت مرعوبة م الحياة الجديدة عليها دى
بس شوية بشوية خدت ع الجو
وكان بهلوى بيحبها
ومغرقها حب وورد وخروجات وكدهون ..


http://1.bp.blogspot.com/-c7myezxSzsc/USVGND2dp3I/AAAAAAAAZ1s/YBbBwXtjcrM/s1600/images+%281%29.jpg (http://1.bp.blogspot.com/-c7myezxSzsc/USVGND2dp3I/AAAAAAAAZ1s/YBbBwXtjcrM/s1600/images+%281%29.jpg)
حد يعمل مداخلة دلوقتى
ويقول بمصمصة شفايف ..
عينى عليكى يا فوزية
يلى ما اتنصفتيش ولا شفتى يوم حلو ..
واشمعنى بقى !!
أقوله ميغركشى
واستنى لحد ما تعرف آخر الحدوتة يا بنى ...
لأن ام الحب دا كله والدلع ..
مصمدش اكتر من كام سنة ..
وانهار ف أيام



http://4.bp.blogspot.com/-PPXDt722gEU/USVGUutiDzI/AAAAAAAAZ10/7Eg7XSJHXXA/s320/shamoa-8d1362b189.jpg (http://4.bp.blogspot.com/-PPXDt722gEU/USVGUutiDzI/AAAAAAAAZ10/7Eg7XSJHXXA/s1600/shamoa-8d1362b189.jpg)
ثريا كانت عقيم ...
وشوفوا حكمة ربنا
اللى حّب يعاقبه ويكسر نِفسه ..
بس هل تفتكروا بهلوى ... إتعظ ؟!!!!
على كل الحب اللى كان مغرقها فيه دا
وتعلقه بيها ...
مطقشى يقعد من غير ولد ...
راح مطلقها ف ساعة غدر بدون سابق إنذار



http://1.bp.blogspot.com/-tup17RvI1MY/USVGemCXHXI/AAAAAAAAZ18/VYA_akiZzlI/s320/n4hr_12871666271.jpg (http://1.bp.blogspot.com/-tup17RvI1MY/USVGemCXHXI/AAAAAAAAZ18/VYA_akiZzlI/s1600/n4hr_12871666271.jpg)


والست بقت مستعجبة ..
اللى كان بيبعتلها كل يوم بوكيه ورد
بعدد 60 وردة ..
فجأة بيطلقها ..
ويقولها روحى ف 60 داهية
وكلاكيت تانى مرة ...
بكل القسوة والجبروت ..
يكسر بهلوى قلب بنت ..
ويطردها من حياته مهزومة ضعيفة ملهاش طموح
وعايشة وحيدة مع الجروح ...
اثناء جوازه من ثريا ...
حصلت ف إيران ثورة مصّدق ..
خرج الناس على بهلوى يطالبوا بسقوطه ..
فخرج هوه م البلد اتقاء للأذى ويرجع تانى سنة 1953
و يستعيد بهلوى عرشه
بعد ما يضبط اموره مع القوى الكبرى ...
ويلم التعابين ويقول حاضر
ويحاول يعمل شوية اصلاحات من ع الوش كدا ف البلد ..
دا لما كان بيلاقى وقت فراغ ..
بين الجوزات والجرى ورا البنات وكدهون ...
وعندينا ف مصر مثل عبقرى بيقولك اييييه ..


http://2.bp.blogspot.com/-HyiZ1pOEau4/USVGn457xMI/AAAAAAAAZ2E/pt2ZAAdfooE/s320/5b2d433d30.jpg (http://2.bp.blogspot.com/-HyiZ1pOEau4/USVGn457xMI/AAAAAAAAZ2E/pt2ZAAdfooE/s1600/5b2d433d30.jpg)
التالتة تابتة .. يا معلم
والجوازة التالتة هيا آخر جوازة يا حاج بهلوى
والعروسة الننوسة تبقى فرح ديبا
وفرح بقى ربنا نفخ ف صورتها ..
وجابتله أربع عيال ... ولدين وبنتين
ومكنش مهم البنات ...
الولد كان أهم حاجة ...
لأنه اخيرااااااا بقى عنده ولى عهد
والبنى آدم مبيتعلمش ...
لما ربنا يبمعى بصيرته ..
لأن فاروق ملك مصر كان نموذج صارخ لأى ضرير ..
لما طلق فريدة واتجوز ناريمان وأصر ع الولد ..
قوم اول ما ربنا رزقه بالولد ..
احمد فؤاد التانى ...
حصلت الثورة بعدها بسنة ..
والوريث عمره ما وصل للعرش ابداااااااااااا
يعنى يا رضا يا بهلوى لم تتعلم .. طيب إستلم بقى
فى سنة 1979 تقوم الثورة ف إيران .. للمرة التانية
والمرة دى العيال تنزل ف كل ميادين التحرير ف ايران
وتقول أرحلللللللللللللللللللل
ويخرج بهلوى بالعيال
وامهم مسربع
وهينكفى على وشه خوفا من الإغتيال ..
لأن الشعب كان ضج بممارسات حبيب العادلى بتاعهم
ثم دول بتوع الخومينى
اللى معندهموش يامه ارحمينى ... !!
ويدخل الخومينى إيران مظفرا ...
وبهلوى يستنجد بالسادات اللى يستجدع
ويقوله تعالى يا حاج بهلوى



http://2.bp.blogspot.com/-yQgHyJHkDF0/USVIAdpituI/AAAAAAAAZ28/QdGGLQ3_zD4/s320/1266940564.jpg (http://2.bp.blogspot.com/-yQgHyJHkDF0/USVIAdpituI/AAAAAAAAZ28/QdGGLQ3_zD4/s1600/1266940564.jpg)


والحركة دى تحرق دم النظام الإيرانى جدا
وبجملة اعتراضاتهم ع السادات عموما وسياساته ..
لما ينقتل يسموا إسم شارع عندهم بإسم قاتل السادات


http://4.bp.blogspot.com/-D5vAwZqt3Gc/USVIICcHKEI/AAAAAAAAZ3E/tIvqdB3EYNQ/s1600/220px-Pahlavi-family.jpg (http://4.bp.blogspot.com/-D5vAwZqt3Gc/USVIICcHKEI/AAAAAAAAZ3E/tIvqdB3EYNQ/s1600/220px-Pahlavi-family.jpg)
المهم ...
يخرج بهلوى من مولد ايران بلا حمص ...
حرفيا ...
ويعيش منفى ف الغربة مع ولاده ومراته
لحد ما يموت ف مصر



http://3.bp.blogspot.com/-uMpbv374T2E/USVIOUO80yI/AAAAAAAAZ3M/jv-CDhlph9k/s320/hos_5681x.jpg.crop_display.jpg (http://3.bp.blogspot.com/-uMpbv374T2E/USVIOUO80yI/AAAAAAAAZ3M/jv-CDhlph9k/s1600/hos_5681x.jpg.crop_display.jpg)


ويندفن ف الرفاعى ...
وتيجى الست فرح كل سنة تقراله الفاتحة لحد ما ربنا يفتكرها
ملاحظات عابرة ف السريع كدا ...
انسانيا مينفعش نفصل طباع الناس عن أفعالها ..
يعنى صعب حد يبقى قاسى وعنيف ..
ويبقى ف قلبه رحمة ..
وبهلوى دا كان من ذوى الدم البارد ..
بإمتياز
وقسوته مع فوزية ..
… إتردتله بعدها مع ثريا
وغدره مع ثريا ...
إتردله بعدين بشكل اوسع لما أصر على غيه وظلمه
ولو كان بيشوف ..
كان اتعظ من قصة فاروق اللى سبقه بأكتر من عشر سنين
ويفضل يجرى جرى والوحوش ورا شهوة الحكم
ولما يبقى فيه وريث ..
يكون العرش طار !!


http://3.bp.blogspot.com/-Gi3ANCxYT-w/USVIc6RwITI/AAAAAAAAZ3U/uhy3wAviUNk/s1600/03.jpg (http://3.bp.blogspot.com/-Gi3ANCxYT-w/USVIc6RwITI/AAAAAAAAZ3U/uhy3wAviUNk/s1600/03.jpg)



http://3.bp.blogspot.com/-0mGUF6kPQzA/USVIe1LqTWI/AAAAAAAAZ3c/FsKI8nJ_-bs/s320/$%28KGrHqVHJDME-lqFKmyNBPuqwrNE-w%7E%7E60_1.JPG (http://3.bp.blogspot.com/-0mGUF6kPQzA/USVIe1LqTWI/AAAAAAAAZ3c/FsKI8nJ_-bs/s1600/$%28KGrHqVHJDME-lqFKmyNBPuqwrNE-w%7E%7E60_1.JPG)
وسبحان الله الصورتين دول بينهم فارق ف السنين ..
بس شبه بعض قوى
ومالك الملك .. يؤتى من يشاء
آخر حاجة بقى
ولازم اقولها لأنها من العبر برضو
رضا بهلوى
هرب زى الجرذان من ايران سنة 1979 واستنجد بمصر ..
ويا دوب قعد من هنا ..
وربنا افتكره سنة 1980 ..



http://1.bp.blogspot.com/-fzU6udPtL_8/USVItB96ANI/AAAAAAAAZ3k/iKVPUW7K_uU/s1600/2918210319_3678e118b7_m.jpg (http://1.bp.blogspot.com/-fzU6udPtL_8/USVItB96ANI/AAAAAAAAZ3k/iKVPUW7K_uU/s1600/2918210319_3678e118b7_m.jpg)
اما اولاده ...
اللى كان بيسعى عشان اكبرهم يقعد ع العرش أى تمن ..
وبهدل شعبه بالإنتهاكات بسبب كدا .
فالأميرة "ليلى بهلوى" جالها اكئتاب شديد
وخدت كمية من المنومات بجرعة زيادة ..
وماتت منتحرة



http://4.bp.blogspot.com/-Fhn-3xamgRE/USVI0uqLeAI/AAAAAAAAZ3s/d1-czafdykg/s320/pahlavi-RezaII.jpg (http://4.bp.blogspot.com/-Fhn-3xamgRE/USVI0uqLeAI/AAAAAAAAZ3s/d1-czafdykg/s1600/pahlavi-RezaII.jpg)


واخوها الاكبر منها ...
حزن عليها جداااا ..
وانتحر سنة 2011
والتلاتة الفاضلين عايشين
يتجرعوا المرار الطافح اللى سابهلهم أبوهم الحاج بهلوى ...
واللى بالمناسبة مات متأثرا بالسرطان ..
يعنى كان مريض بمرض خطير
يستلزم يراجع بيه نفسه ...
انما تقولوا لميييين ... مبارك فى كل زمان ومكان


http://1.bp.blogspot.com/-mntlJhkDQ-U/USVI8bcY9GI/AAAAAAAAZ30/lsy5ovO2S5A/s1600/ali-shah-300x225.jpg (http://1.bp.blogspot.com/-mntlJhkDQ-U/USVI8bcY9GI/AAAAAAAAZ30/lsy5ovO2S5A/s1600/ali-shah-300x225.jpg)
دا ولى عهد بهلوى ...
رضا بهلوى الاول اللى كان العين عليه
وابوه بهدل الدنيا عشان يجيبه ...
وهوه صحيح قمر ..
والواد يتحب يا رمضان ...
بس مش بسببه يندبح الشعب
وينكسر قلوب الناس يعنى .. !!



http://1.bp.blogspot.com/-9d1uj4SEBjI/USVJIc0Tx7I/AAAAAAAAZ38/NsV5F3q7VFo/s1600/%D9%81%D9%88%D8%B2%D9%8A%D8%A9+%D9%83%D8%A8%D9%8A% D8%B1%D8%A9.jpg (http://1.bp.blogspot.com/-9d1uj4SEBjI/USVJIc0Tx7I/AAAAAAAAZ38/NsV5F3q7VFo/s1600/%D9%81%D9%88%D8%B2%D9%8A%D8%A9+%D9%83%D8%A8%D9%8A% D8%B1%D8%A9.jpg)


وأهم ما نطلع بيه م الحدوتة ..
ان اللى ييجى ع الولايا ميكسبشى ..
وميحكمشى ى ى ى ى
والتاريخ هوه اللى بيقول ..
مش انا خالص
:)
وتوتة توتة .. خلصت الحدوتة ....

[السامر]

احكي يا شهرزاد العصر الحديث
إبداع في الطرح وروعة في الإنتقاء
وجهداً يستحق كل مفردات الشكر
ومعلومات تستحق المتابعة بالفعل
دمتم بروعة الطرح ورقي العطاء
أكاليل الزهر أنثرها في صفحاتك
مع خالص تحياتى وفائق تقديري

[SANDY]

**


أبدآعٌك رَبيعٌ فاتِنْ ..
أروتني معرفتٌك حد الإكتفاء
لقلبك بياض لا ينتهي ~

[دلآل.•]

تسسسلم الايـآدي على روعه طرحك
الله يعطيك الف عافيه يـآرب
بانتظـآر جــديدك القــآدم
آحتـرآمي لك

[عيون الريم]

متصفح جميل وجهد مدهش
تباركت أناملك
وليُمنآك الجآلبه عُمق الشكر
ولـِ روحك أجل سلاماً
/،:261:

[reda laby]

فى قاعتنا التراثية :: شخصيات فى الذاكرة
نقرا ، نتعرّف عليها :: ما نكون لجهودها ناكرة
:200 (31):
اسعدنى المرور .... و بالاطلاع مسرور
:100 (62):
http://3b8-y.com/vb/uploaded/580_11534253019.png

[عبير الليل]

تسلم الايادي على الطرح المميز
بانتظار جديدك القادم
ودي وشذى الورد

[رهينة الماضي]

جَلبَ ممُيَّز جِدَاً
وإنتقِاءَ رآِئعْ
تِسَلّمْ الأيَادِيْ
ولآحُرمِناْ مِنْ جَزيلِ عَطّائك

[حسن الوائلي]

أنَامِلُ أَبْدَعَتْ فِي نَثْرِ الْجَمَالِ عَلَى صَفْحَاتِنَا
وَلََوَنَتِ الْوَفَاءُ لَوْحَةَ فَنِيَّةً فِي أبْدَاعِهَا
وَرَوْعَةَ الْاِنْتِقَاءِ سَلَّمَتِ الأيادي
لاعدمنا هُطُولَكُمِ الْعَذْبَ
دُمْتُم بِالْوَدِّ وَالتَّحَايَا
لروحكم الْوَرْدَ
تَقْديريٌّ

[♥..αмαℓ]

::

سلمت يداك
طرح مميز ورائع
وأطروحاتك دائماً قيّمة
ثريه بالجمال والابداع
دمت برضا
تحياتي لك

:100 (109):

[عذبة المعاني]

فيضَ مَنَ الجَمــالْ الَذي سكبتهْ
تِلَكَ الَـأنــاملْ الَاَلمَــاَسيَةَ ..!
طًرّحٌ مٌخملَي ..,
كُلْ شَئَ مختلفْ هُنــا
يعطَيكـًم العآفية .. ولـآحرَمنآ منَكـًم
بإنتظَآرَ جَديِدكًـم بشغفَ .. :308773e9e2a1a279e65

[غفران المحبه]

يعطيك العافيه عالموضوع وتسلم يمينك
بانتظار جديدك

ودي ووردي :red_rose_by_jasmine

[بنت الخيال]

.



;


أنرتم سَمانا بـ جَمال العَطاء
سَلمت الأنامل وَدام وهج التَألق
كل الود والإحترام

[البدر]

سلمت الأيادي على روعة الطرح
في انتظار جديد طرحك
لاخلا ولا عدم
:ezgif-4-c8829dfcbe:

[ابتسامة الزهر]

طرح جميل
دام التألق ودام عطاء نبضك
كل الشكر لهذا الإبداع والتميز
لك مني كل التقدير
وبآنتظار روائع جديدك بكل شوق
ودي وعبق وردي..~

[علياء]

سلمت الايادي على الطرح الرائع
ماننحرم منك ومن جمال عطاءك
لك قوافل الورد شكراً ووداً
واجمل الامنيات .،.