منتديات عبق الياسمين - عرض مشاركة واحدة - ذكريات زمان اول سقى الله ايامها من ذكريات.....

#1 25-12-2018, 07:03 AM

[SIZE=6]
حنين ذكريات زمان اول ادخلو والله ياهي من ذكرياات

اليوم جبت لكم خاطرة عن ذكريات زمان اول بصراحة قراتهااعجبتني تمنيت اني لحقت على ذاك الزمان وعشت مثل هذه الايام ياليت اذا قراتوها تعبرون عن شعوركم تجاهذه الذكريات
][][§¤°^°¤§][][حنين ذكريات زمان اول ][][§¤°^°¤§][][
ياخذني حنيني الى ماضي سنيني فيزداد من الشوق انيني
كم ياخذني الحنين الى ذكريات تلك السنين
يوم ان كنت الهو مع الاتراب في السواقي والحقول النديه
انا وهي وهو وتلك الصبيه
نلهو والنفس بالطهر نديه

كم جرينا خلف العصافير
وهي من احجارنا تطير

ياخذني حنيني
الى صباح تغرد به العصافير
الى عبق الرياحين
الى قطرات الندى على اوراق الشجر

الى خرير المياه تنساب في جداولهابين الصخور
الى نسيم الصباح ورمضاء الظهيره ورياح المساء
الى صدى الصوت يتناقله النخيل

ياخذني حنيني
الى بيت الجيران
يوم ان كانت ترسلني امي في اي شيء كان
او تعطيني لهم مما قسم الرحمن
ياخذني حنيني الــــــــــــــــــــــى

الفانوس والكانون
رائحة القهوه
رؤيتنا لشيخنا يحمس البن للقهوه خرمان
ياخذني حنيني الـــــــــــــــــــــــ ى

عصاة ابن يتوكا عليها مثقل تعبان
وهو يحاظ عليها كانها له كل الكيان
وقد خصص لها في البيت مكان
كم كنت اخافها ولو لم اكن مخطا او غلطان
ومن خوفي منها علمتني
كيف اصحو من نومي للصلاة
كيف لا اتحدث في حضور الشيبان
وان تحدثت تكون كلماتي بمزان
كيف اصب القهوه للضيفان

وعندما اخطئ

اهرب لصدر امي لاجد الحنان
ارتعد خوفا كانه قد مسني جان

ياخذني حنيني

الى اول يوم بالمدرسة
الىوقفت الطابور
آه من حنين الذكريات

[SIZE=6]عمر / تعبنا وحنا نتمشى وش رائيكم نختصرها ونمر البقالة والمتحف ونرجع نشوف لنا مكان نطبخ الغداء ونرجع للرياض

وليد / ايه والله من الفجر مافطرنا الا فطيرة اللوزين وعصير هالربيع طيب نريح شوي في هالمكان وبعدين نكمل لاخر الطريق و نمر البقالة وش رائيك سليمان

سليمان / في زاوية بعيده يسمع الكلام ويقول معكم معكم لاي مكان

بعد هالجولة الطويلة وماباقي على اذان الظهر الا لحظات اتجهنا للبقالة على عجل وبعد مادخلنا فيها صابنا شعور غريب الكل صمت بالبداية كاننا نسترجع الذاكرة واحد يقول تذكرون هذا والثاني يقول تذكرت جدتي كانت تعطينا من هذا وانا حسيت بغصة بقلبي ذكرتني دكان الحارة بزاوية احد البيوت وكاني ماسك الريال اقول لعيال الحارة شوفوا ريالي رايح البقالة ويوم نعطيها الشايب حق البقالة كاني معطيه شيك بمية الف اقعد ادور واختار واعبي كيس واخرها ريال

مابي اطول عليكم بكثرة كلامي ^_^

بعد مادخلنا البقالة لقينا راعي البقالة ومعه العامل

انسان جدا خلوق مشاء الله عليه جلس يوضح لنا ويشرح ويذوقنا من كل نوع انا طحت في حلاو الطحينيه واخذت منه كم علبة ^_^ وواحد منا راح عند ثلاجة العسكريم < مكتوب كذا والثالث ماسك قارورة ببسي يشرب يبرد ^_^

البقالة من الخارج وبجانبها محل تابع يبيع اواني منزلية قديمة يعني اللي بيروح يجيب معه جدته او امه اذا كانت كبيرة بالسن ^_^

بعد مادخلنا وعلى يمين البقالة لقطة من اعلى

لقطة من اسفل

ياسلام ياسلام كانوا عيال الحارة اغلبهم معه اما هالبالونات (التفافيخ) او الخفاسة ولخفسة بريال او خفستين بريال وكانت تختلف كشكل عن هذي كان اذكر فيها صور ابوروسلي المشهور بالكارتيه او صور اللاعبين القدام او ستيف اوستن الشخصية القديمة المشهورة والتفافيخ اذكر كنا نختار من لسته فيها دوائر صغيرة تجي معها نقشعها واذا طلع رقم ندور الحظ بين هالبالونات اما تطلع كبيرة او صغيرة يعني شختك بختك ونترسها من حنفية (بزبوز) الموية وترطيش على بعض بالذات في رمضان مافيه رومنسيه مثل الحين ينفخونهم بدلع واشكال ولا يختارون الا احمر ووردي ^_^ حتى الاسم تغير بعد ماكان تفيخات صار نفيخات بعدين تطور وصار بالون

تنسيق صاحب البقالة رهيب

الرفوف خشب

الجدار طبيعي بدون بويه

الارضية بعد بدون تكلف

اغلب الحلويات في علب نفس النظام القديم

عند الباب فيه ثلاجه مليانه ببسي قوارير نظام قديم

في اخر البقالة فيه ثلاجه فيها ايسكريم (عسكريم مكتوب عليها زي ماكنا نبلع الحروف اول )

فيه معاليق حبال معلق فيها بعض الاشياء

حلاوة الكور وين اللي سالوا عنه ^_^ وهو معروف انه اغلب الحريم المسنات كانوا يوزعونه على الاطفال عند الزيارات او بالمناسابات وصارت عادة حتى ان الوالده الله يشفيها ويطول عمرها الى وقت قريب كانت تطلب منا نجيب لها هالنوع بالذات

وبجنبه حلاوة العسل يالها طعم رهيب

وبجنبه حلاوة سكر يمي يمي *_*

اخذت من كل نوع علبه

علك ابو طبعه ^_^ وبجنبه بسكوت مدور كان يجي باكياس زمان

من على اليمن بسكوت ياكنت احبه اللي هو بسكوت الموز اللي باللون الاخضر
وجنبه البنتليز يامعلم ^_^ وفيه اللي متعلق بالمسار الحلاوة اللي بمغاط على شكل قلادة *_* الله يالدنيا

بداية اليمين بالرف الثاني حلاوة البقر ياسلام على طعمه واللي جنبه العلوك القديمة الحار الابيض معروف وكانوا الشياب يحبونه واللي ملون عليه طعم رهيب وجنبه حلاوة مصاصه اللي مرسوم عليها بنت ^_^ كلها اثرية هالمنتوجات واللي بجنب حلاوة المصاص حلاوة حلقوم هههههه مليانه سكر مطحون يازينها اذا كانت لينه واذكر كانوا يحرصون قبل ياخذونها اذا ماصارت لينه ماتنفع

هذا الحلقوم والحلاوة المصاصة مقربه

بعض انواع الشواهي القديمة

ولو تلاحظون معي شوي تحت في اخر الصوره موجود علبة فيها شي ابيض هذا حلاو البرميت قديم جدا على عهد اجدادنا طبعا طعمه زي حلاو الفكس قوي مره يوصل للمخ ^_^ وبجنبه علبه دققوا فيها تذكرون هالعلوك القديمة طعمها رهيب
وبجنبها العلك الاصفر الحار
يقول صاحب البقالة بعض المنتجات نجيبها من برا مثل الكويت والاردن ومصر

بسكوت الميزان وبسكوت المداح
مع بيالة شاهي وعلى العصر وقدام التلفزيون وافتح ياسمسم ابوابك نحن الاطفال ^_^

حلاو كور وجنبه حلاو ابو نظارة كنا نحلل ام القرطاسه حقته وكان يجي معها مغاط ونلبسها مثل النظارة اللي يشوفنا يقول هنود حمر واللي جنبه العلك الاصفر الحار اللي قلت لكم عليه وبجنبه من بعيد حلاوة الجلي اللي كانت تجي بعلبه صغيرة كانه جلي
اعتذر على ردائة الصورة

صورة وداعية للبقالة

يالها من ايام جميله بلفعل معليش ترى الغبار كتمكم شوي

المصدر : منتديات عبق الياسمين

2 أعضاء قالوا شكراً لـ هيباري على المشاركة المفيدة:
,