الموضوع: توت حاوي توت
عرض مشاركة واحدة
#1  
قديم 01-12-2020, 03:45 PM
reda laby متواجد حالياً
 
 عضويتي » 580
 اشراقتي » Feb 2018
 كنت هنا » يوم أمس (10:35 PM)
آبدآعاتي » 3,905,773[ + ]
سَنابِل الإبْداع » [ + ]
هواياتي » الإطلاع المتنوع الثقافات
موطني » دولتي الحبيبه Egypt
جنسي  »
مُتنفسي هنا » صوري مُتنفسي هنا
عناق المفاجآت » سجل الهدايا رحيق المفاجات
 
مزاجي:
 
توت حاوي توت




توت حاوي حاوي توت
خش اتفرج هرج فوت
زاحم لاحم عارك اضرب
ناضل فاضل
خطوة وتقرب
وإلحق نفسك
قبل ما يلعب
وامسك نفسك جوه الملعب
دانت حتضحك لما تموت
توت حاوي
حاوي توت
***
توت حاوي سبع مرات
لعبة جديدة
يا حضرات
دق الفول ويا الكرات
هات الشطه والبهرات
شخبط لخبط حضر طاسه وكب الزيت
ولع طلع ريحه مريحه ف جو البيت
ح تلقى عجينه عجيبة متينة
لا تقول تينه ولا برتينه
كل يا صنايعي
كل يا فقير
كل ماهو لسه الفول قناطير
آه يا سلام لو عود جرجير
تفضل تاكل لما تموت
توت حاوي
حاوي توت
***
توت حاوي حاوي توت
خش اتفرج هرج فوت
قعده فكيهه
حتسمع فيها
حكاية البيضة والكتكوت
يحكى أن
ولازم يحكى
وكان ياما كان
قبل الجنه
كان فيه بيضه وفرخه كمان
دبحوا الفرخه طبت سارخه
قامت البيضه طقت شارخه
طقشت فقست فرخ فصيح
يدن ويهلل ويصيح
حتى إن كان على وش دبيح
يفضل يدن لما يموت
توت حاوي حاوي توت
***
سحر مفيش دا كلام تهويش
نفض مخك يا ابو درويش
كل ما فيها الدنيا دي فيها
ناس بتبكش
لجل تعيش
حابس حابس
عفريت كابس
ينزل قالع يطلع لابس
واللي بيرقص
ع المسامير
واللي بإبره بيفحت بير
واللي بينفخ في المزامير
يفضل ينفخ لما يموت
توت حاوي
حاوي توت


احمد فؤاد نجم




توقيع : reda laby






من 8 أغسطس إلى 14 أغسطس 2025 م
مع مسابقات

قــريــبـــــــــــــــــــــــــــاً

مواضيع : reda laby


رد مع اقتباس