منتديات عبق الياسمين - عرض مشاركة واحدة

#1 27-01-2021, 12:08 AM

و في لحظة نطل و يهدا الكل
و نسمع فرحانين
عبد الناصر حبيبنا
قايم بينا يخاطبنا
نجاوبه و يجاوبنا قائد و مجندين
قول ما بدالك احنا رجالك
و دراعك اليمين
عبد الناصر يقول
الله أكبر و يوم الأزهر في وجداني
يا شعب قومنا لقهر الصعب من تاني
وعود معنديش مفيش
الا النضال عندي
و شقا و معارك مريره كتير يا أخواني
أطلب تلاقي تلاتين مليون فدائي
في جميع الميادين
عبد الناصر يقول
على كل باب في الميثاق مصباح يهدينا
يشوف جهادنا العظيم على فين مودينا
للأفراح يا ناصر
و للرفاهية يا ناصر
للأفراح و الرفاهية حنمد طريق ع النيل
إسمه في الأشتراكية التصنيع التقيل
بس نضاعف انتاجنا أضعاف أضعاف
و نفكر مهما احتاجنا و نحارب الإسراف
و بقرش الإدخار نتحدى الإستعمار
و نقيم جدار جبار يحمي حياة العاملين
آدي نقطه بنقطه جميع الخطه
و بالله نستعين

صلاح جاهين

المصدر : منتديات عبق الياسمين

حلقات الاسبوع

• أخطاء المصلين - إعداد reda laby
• افضل موقع تحميل القرآن باعلى جودة وانقى صوت
• كتاب الرحيق المختوم ( السيرة الذاتية لحياة الرسول الكريم )