منتديات عبق الياسمين - عرض مشاركة واحدة - قلت أبكتب لك قصيده و طاشت أبيآت الشعر..!!

#1 02-01-2018, 01:57 PM

نور عيني علميني كيف أبكتب لك شعر
و أنتي نظره من عيونك ضيّعت كل المعآني
أنتي كلمآتك عذوبه و إبتسآمآتك مطر
وصوت ضحكك يحتويني و ينثر الدنيا أغآني
أشهد إن العمر من بعدك ترى مآهو عمر
و أشهد إني مآ أطيق الغيبه من بعدك ثوآني
من عرفتك لا حزن غطى عيوني و لا كدر
يآ بعد من شآفته عيني و عن شوفك خذآني
من قبل و النآس تطري كلمة ( الموت الحمر )
و شفت أنا ( الموت الحمر )من يوم أقبلتي وجاني
جآرت الدنيآ علينآ و حآلت ظروف الدهر
لكن أنتي يآ أصيله دآيم أكسب بك رهآني
و أذكر إنك يوم رحتي صحت أنآ صيحة قهر
و يعلم الله مآ تركتك لين مآ ربي هدآني
كل ليله تذكريني يضوي ف ( ليلي ) قمر
و إن جفيتيني في ليله أظلمت حولي المبآني
عند بآبك يآ غنآتي أنحر أشوآقي نحر
من عرفتك يآ طموحي و أنتي لي كل الأمآني
" يسألوني ليه أحبك حب مآحبه بشر "
هذي الغنوه "لرآشد" لك تعبّر عن حنآني
أنتي يآ عطر القصيد و طيش فكري و السهر
و الله مآ غيرك أحد يستآهل أبيآتي و جنآني
يآ بعد كل الخلايق و اللي في بآلي خطر !
من رجعتي يآ حيآتي مآ بقى لغيرك مكآني
أقبلي يآ نور عيني و تأمرين أنتي أمر
يآ اللي ذكرك يهدي عمري و القصآيد جو ثاني
مآلي إلا أعترف بعيون حسآدك و أقر
إنك أحلى مآ رأت عيني و قآبلت بزمآني
قلت أبكتب لك قصيده و طاشت أبيآت الشعر
و يوم يطري طآري أسمك ينعقد حتى لسآني

رآئعه من روآئع مآ قرآءت لِ المبدع
(عبدالله الظفيري)

المصدر : منتديات عبق الياسمين

لااحلل نقل مدونتي وكتاباتي ..
كونوا اسمى من ذلك آحبتي ]

نحن وإن جار الزمان لبرهة.. نبقى الكبار وغيرنا أقزام
ما ذنبنا إن كان يشعر أننا أرقى.. وأن مكانه الأقدام

2 أعضاء قالوا شكراً لـ عبير الليل على المشاركة المفيدة:
,