منتديات عبق الياسمين - عرض مشاركة واحدة

#1 01-02-2018, 05:51 AM

يا دار وين احبابنا اليوم يا دار
يا دار وين الحب وين المحبين
*
يا دار كيف تبدلت جنتك نار
ووتغيرت الاحوال حين بعد حين*

هنا لوقفات المها باقي اثار
هنا لعبنا با السواقي وبا الطين*

هنا تبادلنا خفايات الاسرار
تقول لي تكفى وانا اقول تكفين*

كانت تحاسبني على كل مشوار
كانت تقول انت النظر داخل العين*

كانت تحذرني وتخشى من الجار
وتقول سر الحب يعلم به أثنين*

بدا الهوى نبته وصار الهوى اشجار
اثمر وذقنا جنة الخوخ والتين*

ولا حسبنا ما تخفيه الاقدار
واللي جرى من قبلنا للملايين*

رحنا وهم راحو وصار الذي صار
والبيت عقب احبابنها صايرٍ شين*

اختل قصر الحب وانهد وانهار
وأصبح غباره طاير كنه طحين*

وين أصبحو وامسوا وفي اي الأقطار
ياما تخبرت الهبايب عن الزين*

يا دار ما عينت مثلك ولا دار
للي ربابك صاحبي كامل لزين*

لاجت هبوب الريح منهم بتذكار
اعوي عوي سرحان والناس ممسين*

وأسكب دموعي لأجلهم مثل الامطار
أبكي واسوي ما يسوي المجانين
*
والا ذكرته شب في ضامري نار
أنا اشهد ان اهل المحبة مساكين

المصدر : منتديات عبق الياسمين