أحب أعرفكم بنفسي
أنا الحزين
انا اللي عمري عشته
في كلمتين
جرح ودمع احزان ملايين
أحب اعرفكم بنفسي انا الحزين
انا اتولدت في يوم ملوش اي ملامح
الشمس غايبة والقمر في همه سارح
سحاب كتير في السما متلون سواد
وطيور بدال الزقزقة بتغني اهات
مطر كتير في الشوارع بقي حالها طين
احب اعرفكم بنفسي
انا الحزين

محدش يوم امنتله الا وسبلي جرح
صاحب وياما عملتله خان العيش والملح
واللي روحي قدمتله كان عيني والفؤاد
ضيعت عمري عليه الحزن قبل الفرح
اخرتها ايه الفراق سبني ملقش لفين
احب اعرفكم بنفسي
انا الحزين

انا اتولدت من يجي يعني الف عام
بس اللي عشته من سعادة يدوب هوا
لحظة تعدي عليا حلوة خلص الكلام
الاقي بعديها الجراح لميت سنة
هو مكتوبلي الجراح ولا انا
بحب اعيش دور الضحية دور الحزين
احب اعرفكم بنفسي انا الحزين

بقلمي محمد البهلوان
يحظر نقل او نسخ العمل دون الاشارة للمصدر وصاحب الكلمات