منتديات عبق الياسمين - عرض مشاركة واحدة

#1 13-05-2018, 10:37 AM

ياللى هلالك جيّ ف آخر ليل شعبان
يعلن أول شهر الصوم شهر القرآن
أمة الإسلام فرحانة ، و بيك بتهنى
تلاتين يوم عِيشة سكينة ، فرح أمان
***
خالق الكون قدم للكون شهر الرمضان
هدية لعبده ليصلح أمره للحسبان
دى مثابة فرصة يا احباب قدموا عرفان
والحسنات لما ح تزداد ح تكون فرحان
وح تتمنى يكون العام أيام رمضان
***
أنا عن نفسى بأصلى وماشى بالإحسان
و أيام رمضان بأملاها تعبد بالإيمان
أقرا القرآن فى كل اوان وف كل مكان
ولا خليش اللحظة تفوتنى وانا ندمان
لأنى تحت رعاية ربى وحبه كمان
***
خلى صيامك صوم للجوف وللسان
غض البصر لمس الغريب وللودان
إنعم فى ايام رب العزة دى الحيوان *
بعض ساعات ولكل واحد منا أدان
بس إقضيها ف طاعة وخير و إطمئنان
***

( الحيوان : فى اللغة تعنى الحياة )

المصدر : منتديات عبق الياسمين

حلقات الاسبوع

• أخطاء المصلين - إعداد reda laby
• افضل موقع تحميل القرآن باعلى جودة وانقى صوت
• كتاب الرحيق المختوم ( السيرة الذاتية لحياة الرسول الكريم )

8 أعضاء قالوا شكراً لـ reda laby على المشاركة المفيدة:
, , , , , , ,