منتديات عبق الياسمين - عرض مشاركة واحدة - فطيرة الراعي

#1 03-10-2023, 12:38 AM

صباحكم سعآدة وفرح ,,
من زماااااااان عن مطبخ عبق
بتعرفوا بصور كتييييير اكلاتي بس بكسل انزل موضوع
الموووهيم سما شجعتني ويارب تستفيدوا من الوصفات ..

الوصفة الأولى ..

فطيرة الراعي ,

سهلة سريعة خفيفة صحية نوعا ما :)

نبلش بالمقادير والطريقة ..
نحتاج بطاطا مسلوقة مهروسة ، لحم مفرومة , زيت نباتي
بصلة مفروم ناعم مع شوية ثوم مهروس , معلقتين صلصلة
خضار الي تحبوووه
هنا استخدمت جزر وبازيلا والي هي شي اساسي بالاكلة ,,
كوسا وذرة .. وممكن تحطوا فطر
زبدة /حليب/شوية كريمة طبخ /بقسماط
جبنة اي نوع متوفر يفضل بارميزان او موتزاريلا
كاسة مرق او ماء , ملح وفلفل اسود و الريحان ..

اول خطوة بنسخن الزيت وبنضيف البصل والثوم بعدها اللحمة نشوحها
بعدين الصلصلة و الخضار ونقلب وبعدين معلقة دقيق ونقلبهم ونحط مرقة اللحم او مي
كاسة وبعدها نضبط البهارات والملح . ونتركه شوي ع النار يتسبك ..

بنكون جهزنا البطاطا نهرسها مع الحليب وشوية زبدة و الملح وفلفل اسود
وريحان اذا متوفر, و جبنة اي نوع عندكم ,

بالبايركس او طبق يدخل الفرن بنحط طبقة اللحمة وبعدها البطاطا بشكل
عشوائي وع الوجه رشة بقسماط واورجانو ..

وندخلها الفرن شي ثلث ساعة ونحمر الوجه وصحتين وهنا ..

الوصفة الثانية ..

سلطة الكول سلو
طبقوا الوصفة ومتاكدة راح تعجبكم
واطيب كمان من سلطة KFC

نشوف الطريقة والمكونات ,,

ملفوف ابيص استخدمت تقريبا كيلو ونص
قطعته مكعبات ناعمة وفيكم تبشروووه وحطيت 3 جزرات كمان برشتهم
هون السر الي هو السكر بنضيف نص كاسة سكر وندمج المقادير مع بعض
ونتركه بالثلاجة ساعتين او قبل بيوم ويفضل قبل بليلة
بعدين نجهز الصوص ونحطه على السلطة وهيك جاهزة للاكل صحتين ..
/
الصوص
واحد لبن زبادي و 2 م كبيرة مايونيز ونصة كاسة قشطة معلقتين ك خل ابيض
و ملح واذا ما فيه قشطة زيدوا كمية المايونيز .

وصحتين وهنا

المصدر : منتديات عبق الياسمين

يا غزة انا بروحي معاكي
و لو بلاكي الدنيا جنة
ما نوجع بحرك يا روح الروح
نوجعنا احنا
نسقط ان سقطت
و لن تسقط لا ولن نسقط
ما دمنا
باقون صباً كنهر الغيظ

• ﮼روح لا يمسها عابر🕊🎼﮼ !

19 أعضاء قالوا شكراً لـ عذبة المعاني على المشاركة المفيدة:
, , , , , , , , , , , , , , , , , ,