منتديات عبق الياسمين - عرض مشاركة واحدة

#1 02-03-2024, 02:18 AM

قصه المائة جنيه ...

على باب كافتيريا النادي وقفت عربات التصوير ودخلت الممثلة الحسناء بملابس تحتاج لملابس وبدأ التجهيز للمشهد ارتفع صوت المخرج - شوفولى حد من الجرسونات ..

- شوف انت هتقدم المشروب لست الكل هتقول لك ياااي مسكر خالص هاتوه ساده علشان الرجيم هترد تقول حاضر يا هانم وتمشى على طول ....انتاج اصرفوا له مئة جنيه

رفع عم على الجرسون عينه ونظر لست الكل ثم الى المخرج وقال
- لا اسف يا بيه شوف غيرى ...وانصرف وسط تعجب زملائه الذين تدافعوا للقيام بالدور

بعد انتهاء موعد عمله خرج عم على وعلى بعد خطوتين خارج النادى لمح عم على ورقه مطويه على الارض التقطها فاذا هى مئة جنيه
تبسم عم على وهو يقلب الورقه بين يده ثم عاد ادراجه الى امن النادى وسلم المئة جنيه وانصرف قرب الناصيه توقفت احد العربات الفارعة ونادى السائق على عم على و اركبه معه السيارة

- عم على انا صاحب المئة جنيه اللى انت لقتها وسمعت كمان عن موضوع رفضك للتصوير عم على انا عندى مزرعة وبيت على الطريق الصحراوى وما برحوش كتير وعايز حد امين يشرف على اللى بيشتغلوا هناك حاسس ان بعضهم بيسرقونى متفتكرش المكان بعيد دول خمسين كيلو بس من القاهرة والجو هناك جميل ونظيف وهادى هوفرلك سكن لك ولاسرتك وهاديلك ثلاث اضعاف ما بتاخد فى النادى ودى الف جنيه مقدم قلت ايه ؟

تساقطت الدموع من عيني عم على وهو يقول زوجتى مريضه بحساسية على صدرها وكانت محتاجه لبخاخة ربو بمئة جنيه ولم اجد من يسلفنى المبلغ لاننا فى آخر الشهر والدكتور بيقول انها محتاج تعيش فى مكان نقى وخالى من التلوث علشان تتحسن وحضرتك جاى تعرض على فلوس واقامة فى مكان خالى من التلوث

ياما انت كريم يااارب

قال رسول الله صل الله عليه وسلم : إنك لن تدع شيئا لله عز وجل إلا بدلك الله به ما هو خير لك منه ........... صححة الالبانى فى السلسلة الصحيحة

المصدر : منتديات عبق الياسمين

لااحلل نقل مدونتي وكتاباتي ..
كونوا اسمى من ذلك آحبتي ]

نحن وإن جار الزمان لبرهة.. نبقى الكبار وغيرنا أقزام
ما ذنبنا إن كان يشعر أننا أرقى.. وأن مكانه الأقدام