منتديات عبق الياسمين - عرض مشاركة واحدة

#1 28-04-2024, 02:23 PM

يقظة .. حلم

على / خيل السهر / مرّيت حلمي والجفون / اثقال
يا ليت / الخيل / ما حثّت خطاها لين / مرّيته !

أطوَق / في يدي / نجمه / ويخذلني / سراب اللال
انظّّّم / عقد متناثر / يعيد / الريح تشتيته !

تعبت / و أنحنى / سيف الأماني من / يد الخيّال
تهيّا له / عروقي / شوك / انا بالعرق أضويته !

تعبت / آهز / رمح الوقت / واقطع بالوعود / آجال
و يرمي / كفّه بوجهي بعد / ما شاخ / و برّيته !!

تعبت / اقرا / علي / ورد العزيمة / وانفث الآمال
وحمى الياس / ما ترحم / قوي ٍ / ما غفى صيته !

أجي / والدنيا اكذوبة / مسافر / والطريق اهوال
وربي / ما عبر زول ٍ / وشفته / عاد من / جيته !!

تهبّ / من الفتن / ريح ٍ / وهمي : " لا يطيح الشال " !
قبضت الدين / كالجمر / و سألت الله / تثبيته !

أجوع / الصمت / و آصومه / قناعة و القناعة / مال
وإذا جا لي مجال / احكي / لسان الحق / ربّيته

يموت / العاذل ابناره / ولا يلقى علي / مدخال
وانا / والله / لو ينخى جنابي / قمت لبّيته !

وجيلي / يوم يتمايل / نهجي / ثابت ٍ / ما مال !
كبيره / بس ما يجدي / و حظي تاه عن / بيته !

غرق / وجه السما / في / بحر عيني / والدموع احبال
و خد الأرض / مستبشر / بسُقيا غيث / هليته

وطيف العمر / يلبسني / عن / اصدوف الهجير / اظلال
و كيف / يظلله ثوبي / ومتن الصبر / عرّيته ؟!

اداري / لا يذوب الشمع / دام ان الليال / اطوال
ترى / للغدر / في سنة ظلام الليل / توقيته !

يا حلمي / لو على / ضنك الصدور / و ضيقة ٍ بالبال !
لا كان / اسرجت / من / صبح الخيال اللي / تمنيته !

تفضل / آخر ايامك / بقى من / همتي / فنجال
تقهواه / وإذا ترحل / فداك اللي / تقهويته !

و على / خيل السهر / هزّيت / جذع : الحل ّ والترحال
لعل / الحلم / يتساقط / و تورق / بي / منابيته !

لـ أغراب

المصدر : منتديات عبق الياسمين