محد ٍ معوضني غيابــك فديــتــك
إلا أني أكابـــــر بنفـــــسي وانا ابيـــك

لا تحسـبنّـي فــي غيابك نسيتك
لا والــــــذي سوّاك مـــــــاني بناســيك

أغلـيك لكــن ليــتك تحــس ليتك
خــــــذها كــذا ياصاحـــــبي والله أغليك

هذا وانا للحيــن ما أدل بيــتــك
وشلون أجــــل لو كان فـــــيها شبابيـك !!


لا يا بعــد ناسـك ويّك وميـتك
ماجيــــت أنا يا صاحبي لأجـل أسلـّيـك

شلت الهموم وشلت جرحي وجيتك
وماكنت الهقــــوه كذا يوم أنا أجيك


( أنزف غلا ) في غيتك ما هقيتك
بعت البـــشر كلّه علـشان أنا أشريك


ياما على ( رجم الخفوق ) أحتريتك
يا ما ســـهرت اللــــــيل وانا أحـاتيــك


يا ما عن الصــدّات واللــه نهيتــك
وألحـــــــين غبــــت !! وكنْ ماني بنهايـــــــك


لكن عزيز و شوفني ما رجيـتــك
شامــــــخ وقلــــــــبي يالـــــغلا ميت ٍ فيك


تدري وش اللي غرّني يوم جيـتك
حــــــلو الكلام وقــــــول مـــاني مخــــلـّـيك


تدري وش اللي ناوِيـَــه لا لقيتــك
بقولـــــها لــــــك كــــــاش وإسمــــع محاكيـــــــك

هاتي يديك وأسمعني فديتـــــــك
ماني بناقص ( مهــــزلة حب ) وشفيــك !!