منتديات عبق الياسمين - عرض مشاركة واحدة

08-11-2023, 02:26 PM

من كلماتي واشعاري
عشان شوية فلوس
عشان شوية فلوس تتكبر وعلينا اوم تتدوس ما تقدر
غير بس اللي معاه فلوس زييك وعلي الناس بيدوس
يا عم اهدا شوية اتسنتر الناس دي مش هايفه تتخدر
تقول كلام تنساه وترجع ليك نعرة معاليك بتسوس
ميت الف مليون زييك فاكرين نفسهم ايه
وهنا تحت التراب لا فقير ولا حتى بيه
يقوم عليك الحساب واهلا بالعذاب وفي الحفرة تغوص
متر في متر قماش ورمل والكل عنك يمشي
هناك مفيش ومتلقيش حد يشيل ذنبك ميتحملشي
لو حتى ابنك دمك ولحمك هسيبك تلوس
يا عم الحاج يا كبير يا بيج يا سيد الناس كلها
بلاش غرور سيبك من دول الناس زي بعضها
فلوس عماير عبي في شكاير والناس تأكل بعضها
بقلمي الحر
الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات