كل ليلة قبل مدخل المنتدى ...
بقلع همومى على بابه ...
وبدخل فاضى لازعلان من فلان ...
ولا على فلان قاضى ...
داخل أستمتع اقرا أفهم أتعلم ...
أنسى أحلم أتكلم أعيش ...
مع نفسى وحديها ...
بتطلب منى بديها ...
غذا روحها ونور عينيها ...
... الكلمة ...
وأه من الكلمة وسحرها ...
وأه من ضحكة سنها ...
ومن دمعة حزنها ...
بسيب كل حاجة ...
وبنام فى حجرها ...
بسكن فى سكونها ...
بحزن من ظنونها ...
وبيعذبنى صمتها ...
وبتدمع ...
عينى من حرقة قلبها ...
أيوه بحب الكلمة لدرجة ...
انها ممكن تأذينى ...
وبخاف ...
عليها من كل المحيطين بيها ...
لأنها أمانة بين أيدينا ...
وقيمتها ...
أعلى وأرفع من الإستهانة ...
بيها او العبث فيها...
وزى مهيا منفسنا الوحيد ...
ممكن تكون سبب فى تعاسة غيرنا ...
أو بوابة نور لبعضينا ...
علشان كده لازم نحافظ عليها ...
مننا قبل غيرنا ...
يعنى منرحش لحد عندها ...
نقفل الباب فى وشها ...
والأسم مسينا ...
منقولش معنى يحمل ألف معنى ...
ومعنى ...
والمقصود عدينا ...
منلبسهاش غير توبها نديها ...
بس حقها ...
نحطها فى مكانها ...
ومش معنى إنها مش عجبانا ...
أو مش على هوانا ...
نحرقها برد ...
جاف بارد بعيد عن موضوعها ...
لازم نقرا قبل منحكم لازم نفهم ...
إن لكل واحد فينا بصمة مستحيل...
حد يقدر يلغيها ...
تعالوا ننميها...
تعالوا نكبر بيها ...
تعالوا نحبها تحبنا وتدينا الأمل ...
فى كل حاجة حوالينا ...
ده الأمل روح العمل ...
وبر النجاه ...
واليأس موت بيدفن ...
حياه ...
فتحى عيسى
من أرشيفي
شكرا للقديرة عذبة المعاني
على هذة الهدية الغالية
سلمت يمينك وريشتك الذهبية