دوري يا دنيا دوري
دوري وهاتي دوري
ملقتش فيكي دوري
ملقتش غير احزان
الدور هيجيني ولا
ماليش غير في المذلة
طلعوا اندالة وقلة
كتير من الصحاب
اللي اشتريه بالغالي
يبيع رخيص الواطي
قلب دهب بيلالي
في عالم كله رخاص
ملقتش فيكي صاحب
في الشدة يقول مراحب
في ضيقتي الكل غايب
عرفت ناس انصاص
وعشان مبقاش معايا
الكل قال بكفاية
سلام يا صاحبي نهاية
شلة صحيح انجاس
كان كل يوم في وشي
اصبح عليه ويمسي
دلوقتي عامل فيه ميسي
وكريستيانو كمان
يا خسارة عليك يا صاحبي
ليه اشتريك بعمري
وبتعني حمري جمري
معدتش فيه سلكان
يا دنيا اسمعيني
من فضلك كلميني
بلاش تمشي تسيبني
قلب تعب وخلاص
هو مفيش غيري
الحزن معايا ميري
ليه فجرحي تطوحيني
اشرب مرار الكاس
خلصت دموع عينيا
كتبت في جراحي ديا
يجي الف ومية اغنية
خلصت ميت كراس
دوري يا دنيا ولفي
خليكي مرة في صفي
من احزاني بقى كفي
هاتيلي اغلى الناس
رقة وذوق حبيبي
من دنيتي ده نصيبي
عشقي وغرامي حقيقي
حبه ده تاج على الراس
انا وهو وحدينا
يا دينا احلوي لينا
ياريت ما تجي علينا
كفاية من الاحزان
بقلمي محمد البهلوان
يحظر نقل او نسخ العمل دون الاشارة للمصدر وصاحب الكلمات
|
