السلام عليكم واهلا بيكم منورين
انهرده جايبلكم وصفة غنية بالبروتنيات والدهنيات والسكريات
تاكلها تقول هات منها هات
وبعدماتكالها تلاقى روحك فى السما طايرة
وقلبك سافر بلاد سكانها تايهة وحايرة
وجسمك مدود والعرق مغطيك ومنك الانهار جارية
وطبعا مش هقولك ريحتك العطرة ازاى فايحة
وبتغنى مواويل والحانك ترقص منها العصافير والبلابل تدور دايرة
وبتشخر شخاخير تفوّق السكارة والناس النايمة
واللى يشوفك يتمنى يكون مكانك ويقول يارب نفسى
مرة فى حياتى اشبع وانبسط وانام نومة هانية
وبعد مرور ساعة من تناولها تلاقى روحك زدت خمسين كيلو
لحمة وزيهم شحم ودهنة
وتنام نومة سعيدة وتحلم انك معاك ملياردولار وكم مليون فكة
وتصرف وتبعتر وايدك سايبة
وتتلم عليك الناس تطلب منك هدايا وطعام يشبع اطفالهم والقطط الهاربة
هذه الوصفة تكفيك لمدة عام من بعدها ماتكلش ولاوجبة
فيها كل انواع الغذا .. وكمان فيها محصنات ومضاد حيوية لسنة سارية
لاهتحتاج دوا ولا علاج ولا تمرض ولاتقول آه ولاتشتكى من ألم
ولاتحتاج تزور مشفى ولاتاخد حبوب ولاحقنة
ومن تناول منها ثلاث وجبات متتالية
يعيش سعيد ومبسوط ويطلق مراته ويرمى عياله علشان بالنسباله ملوش لازمة
ولو كان خاطب وظروفة المادية تعبانة تشوفه حماته وحماه
وخطيبته تصرخ وتمسك فى قفاه لازم تاخدى مش هسيبك ولاثانية
ولو كان بيحب مفعوصة حلوة تجيله فى المنام كل مايغمض عينه
وتهديه قبلة ساخنة وفايرة
ومن كان يشكو الفقر والعوزة يلاقى روحه أغنى من مسى ولورادنو
واللى مش معاه ملابس ولا بلطو
يتناول منها وجبة ووراها يشرب كوب منجو
يدفى وحرارته تزيد وعلى نار حرارته يسوى براد شاى وكمان فنجان قهوة
وهؤلاء مدمنى الخمرة يتناولوا تلك الوصفة يسكروا ويقولو على الوسكى بامية
وإلى هنا أتوقف عن فوائد الوصفة
وسوف أكملها فى الحلقة الجاية
ثم الحلقة التالية أكتب لكم مكونات ومقادير الوصفة
وبعد التالية سوف أكتب لكم طريقة تحضير الوصفة
متمنيا لكم التهامها بالهناء والعافية
كان معكم الشيف رفعت
إلى اللقاء
فى تاريخه ليلة راس السنة الميلادية
2023م
|
