بحاول وتملي مش قادرة
علي النسيان
صورته معايا وفي قلبي
و في كل مكان
وحتي بنام بلاقي صوته بيندهني
يا حبيبتي تعالي جنبي
وبلاش احزان
واهرب لفين من حبه وابعد بعيد عنه
وذكرياتنا وحكايتنا
مش قادرة انساها
مش قادرة انساها
مش قادرة انساها
ما انا برضة انسان
ساعات بحس بيه جييلي من بعيد
بيضحك مبسوط ووشه سعيد
يمد ايده يلمس ايديا امد ايد
والناس جنب مني تقول مالها
ايه اللي غير احوالها
حبيها راح ومن يوم ما راح
جت الاحزان
وفي برد الشتا بلاقي حضن دافيء
عيون بتحضني وتقوللي ما تخافي
انا جنبك منك لو في عالم تاني
متخافيش ومتقلقيش حبك في وجداني
يا جنتي في دنيتي
طول الزمان
بحاول وتملي مش قادرة
علي النسيان
صورته معايا وفي قلبي
و في كل مكان
بقلمي
محمد البهلوان
يحظر نقل او نسخ العمل دون الاشارة للمصدر وصاحب الكلمات
آخر تعديل محمد البهلوان يوم 29-08-2022 في 05:37 PM.