غايب بقالك سنين وجي دلوقتي ليه
هو أنت فاكرني مين هستناك ولا إيه
صدقني انا مش ملاك بتخوني وانت هناك
, فاكرني هرجع ليك ضحكتني يا مسكين
مبقتش خلاص عاوزاك ارجع تاني هنساك
مش هيا كتر كلام الكدب باين في العين
غايب بقالك سنين
سألت عليك ياما الناس وشكيت لنجوم الليل
قاللولي حبيبك خلاص باع الهوى والميل
يا خسارة العمر راح علي واحد جابلي جراح
ما شوفتش معاه افراح ومعاه قلبي اه حزين
غايب بقالك سنين
نسيت الحب ونسيتك وزى ما بعت انا بعت
مش عارفه ازاي حبيتك وانا ياما فيك اتخدعت
انت اللي بعت رخيص ماتت فيك الأحاسيس
سبني من غيرك أعيش وابعد سنين وسنين
غايب بقالك سنين
غايب بقالك سنين وجي دلوقتي ليه
بقلمي محمد البهلوان
يحظر نقل او نسخ العمل دون الاشارة للمصدر وصابح الكلمات
بقلمي محمد البهلوان
يحظر نقل او نسخ العمل دون الاشارة للمصدر وصاحب الكلمات
آخر تعديل محمد البهلوان يوم 16-10-2020 في 05:06 PM.