24-01-2021, 10:31 PM
|
#30
|
|
عضويتي
»
580
|
اشراقتي
»
Feb 2018
|
كنت هنا
»
يوم أمس (09:49 PM)
|
آبدآعاتي
»
2,718,507[
+
] |
سَنابِل الإبْداع
»
[
+
] |
هواياتي
»
الإطلاع المتنوع الثقافات
|
اقامتي
»
مصــ( اسكنـ محرم بك ـدرية )ــر
|
موطني
»
|
جنسي
»
|
مُتنفسي هنا
»
|
مزاجي:
|
MMS ~
|
SMS ~
|
الاوسمة
»
|
|
|
|
|
رد: امسية ادبية عنوانها الفراق
ليه الفراق دلوقتى يحصل
جى تقول دلوقتى فراق
دا احنا قلنا مهما يحصل
والله ما يكون بينا فراق
القمر زعلان و ليله غضبان
و انا هيمان بافكر فيك
للصبح ما بنام و لا شوفش الاحلام
اللى بتصبرنى عليك
ليه بتسافر عنى كتير
وبتنسانى وانت قريب ؟
محتاجة اليوم تفسير
وانسى عتابك والألاعيب
أنا نسيان لوم وجروح
أنا عصيان فؤاد بيبوح
أنا غفران أنا انسان
مش معصوم من شهقة روح
وإنت بعيد بأتمنى اكون
جواك حواليك قلب سعيد
طيب وحنون
حضنى يدفيك
لو ده أكيد
زيك فى الكون
إحساس يكفيك
يبقى البعد
عن الجدران
حرمان مجافيك
ليه تتمنى البعد ما بينا
ليه تتجنى وتبعد عنا
ليه تستنى وهجر فاكرنا
بعد حنين واشواق دايبين
رح يبان فى الليل قمر
مرة لحظة الانتظار
لو كيان الشوق أمر
آجى قبلك وانتظر
واما اقابلك اعتذر
الجبين يومها النهار
والعيون ليل السهر
طلت أهات الصبر فوق عشنا
على يوم وداعنا
نزلت دموع تحرق بشوق حبنا
ويضحك خداعنا
والتقيكى ورقة صبر
من شجر لوم لحظة غدر
والقى فيكى دمعة حب
طلة من عين ليلة قدر
إعتذر مش يبقى صوتك
فى السكوت آهة وألم
وأنتظر منك حروف
تحيى لى موت ورقة وقلم
كتبت انك نار فى جنة
صدق حالف ينكوى
لما صادف ذكرى حنّت
م الفراق راح ترتوى
يبقى بعد النظرة ديه
انتظر تسأل عليّا
يبقى وهمى نهاره ليّل
والبعاد شئ انحكم
ع العيش وملحه
رضيت بجرحه
قدرت أنسى
و عرفت أسامحه
حلفت عليا
دمعة عينيا
مديت إيديا
تلمس ملامحه
ولقيت جراحه
سابحة ف براحه
تقتل ماترحم
وعيونه راحوا
مش شايفة غير
عصفور بيطير
هربان بيحلم
يعود سراحه
ونعمل ايه وقطرنا عدى الليالى ف نصها
مالتقاش على الرصيف رسايل قالت نصها
فى لحظة إنّ من بعد ما نجم الحزانا نصها
عن ضهر قلب الهجر والبعد البعيد وياكوا
كتير م الناس بتتلاقى
ودمع عيونها يتكلم
بشوق شفايف مشتاقة
ينطق بحرقة ويتألم
تنزل رموش العينين
تتمد بينا الإيدين
الهمس عطشان حنين
والشوق محتاج نهار
ماتحاوليش تختلقى ظروف
وتخلى المجهول معروف
وتحاربى الممكن والساكن
و تشردى قلبى اللى ما ساكن
وتهدهدى جنته بحروف
يمكن . حاول . جايز . لكن
ما انا راسم رسمك تكوينى
زقزق عصفور شقشق له النور
لأ لأ له بدور وغنا المواويل
طبب لى جراح وبقى لى براح
فى هنَا وأفراح كان وصف جميل
فجأة إتصديت بعد ماهديت
قدام عش الزغاليل وبكيت
مقدور عليّا أسهر الليل من أوله
لكن مش ممكن ابداً هوايا احوّله
إذاى بتجيب مشاعر تعيشها تحسها
ويادوب الشمس تطلع وامبارح تهمله
أسيبك وش الفجر بشوق ودمعة تودعك
وقلب ليالى الخوف دقاته تسمّعك
ومش هروب ثوانى معناه ضياع أمانى
إن كنت عاشق حقيقى نسيان ما يمنعك
أي كلام منك ح تقوله .. حبر على الورق
لاهو ده ظلم ولا تعدي .. دا هوانا شَرَق
بنجيب سيرته يوماتى .. عذاب و عتاب
لأ ظلم مش كده .. ليلينا شتاه بَرَق
لو قلتى يوم
معنى الغروب
ينطق بهجر هوانا
لو كنتى لوم
جوّة القلوب
حطم هموم جوانا
لاحلف بألف يمين
و أنده على السامعين
ويدل دمع العين
هَنا قلبى المظلوم
حتى الشموع
طفتها دموع
كانت فى الحقيقة نهار
دبلت زهور
قطفتها رجوع
كلمة من السراب تنهار
ليه الحروف تتحكم فينا
ليه الظروف ترسم خطاوينا
ليه الكفوف ع البعد تجينا
عرفت إيه معنى إنهيار
هو إنكسار . شرخ ف جدار
أو خلخلة ف أُس العمار
أو صدق حالف ينكدب
لما إنكتب راح النهار
يبقى الفراق معناه إنهيار
reda laby
|
|
|
|