منتديات عبق الياسمين - عرض مشاركة واحدة

#1 10-10-2019, 08:53 PM

خذيتني يا ساحر القـلب بحكـاك
سحر الغرام اللي معانيـه ذاتك

وبديت بي من قبل لآ جيك وابداك
واخط سيرة حب في ذكـــرياتك

وعشقت صوتك/ضحكتك/وجهك/رضاك
وغدت جهاتي بالمحبه جـهاااااتك !!

غصباً عليك أستاهلك! واتحداك!
لَنِّي الوحيد اللي فهم منتهاتـــك

غرامـك اغناني من الناس واغناك
عن كل شخصٌ معجبٌ في صفاتك

تعبت أدور شوفـتك قبل لَلْقـاك
وجيتك وروحي قبل لآجيــك جاتك

روحي تحبك قبل لآحِب لامـاك
ولاماك حببني أكون بحياتــك !!

فديت كـبدك ياهوا الحب مَ غلاك
ارسـم على كف الحنيـن امنياتك

وينك تبطاطيتك وقلـبي تباطـاك
شوق حيَّاك وشوق لآغـبت ماتك

ضم الضـلوع اللي اتعبها امحاكاك
وحـب العيون اللي تموت ابـغلاتك

اكبـر فخر للأرض لآدجت بخطاك
واكبـر فخر للحب اني غنـاتك

حـظ الهوا تتنفـسه في حـناياك
حـظ العطور اللي تلامـس عباتك

انا ظمآن العشق والـماي دجلاك
والنـيل نيلك والامـاني فراتك

ماصـرت اهيم بـشوق واحـب لولاك
اتحب روحـي قبل احبك وجـاتك

ماودي احبك عشان اكسب ارضاك
ودي اكون [ اجمل حدث] في حياتك

المصدر : منتديات عبق الياسمين