مجردة من المشاعر بقلمي الشاعر محمد البهلوان
مجردة من المشاعر
جامدة زي الحيطان
مالهاش في المحبة
ولا ليها في الهيام
بقلب زي الحجر
ده الحجر بيلين كمان
التكشيرة مع الضجر
متعرفش الابتسام
اصعب سنين حياتي
عشت معاها الالالم
تعبان ياناس ليلاتي
من الهجر ومن الخصام
قسمتي هيا ونصيبي
هاصبر مفيش كلام
عشان خاطر ولادي
والا يالا السلام
اللي يشوفني من بره
يقول كله تمام
عصفور ليا جناح
بطير زي الحمام
واللي يشوفني من جوه
قلبي معلم علام
من جرحه من عذابه
من صبحه للمنام
يارب عليها عني
ياربي انا انسان
ليا حمل وطاقة
ضهري اتني تنيان
مش قادر اصلب طولي
ولا قادر على الكلام
تعبت من المحيلة
وانا اللي مش غلطان
بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات
|