بسم الله الرحمن الرحيم

الي كل عاشق قد ادمنته الجراح ، وهجرته الافراح ، وعشقته الدموع ، وكان الفراق قدره ، وكان الوداع نصيبه ، الى من حكم عليه بالغياب عن الدنيا ، الى من قدر عليه ان يعيش بدون حبيب ، الى كل من يتمنى ، الى كل من يحلم ، الى كل من يرفع يداه لاعلى ويقول يارب
اهدي تلك الكلمات والجمل البلهوانية الخاصة بي ...................
أول الكلمات
* ما أصعب لحظة الفراق وخصوصاً مع الاحباب
ولكن ممكن نتولد من جديد
،،،،،،،،،،،،،،،،،،،،،،،،،
- مش مستحيل نتولد من جديد
مش مستحيل نتخلق من جديد
بنموت ساعات
وساعات بنحيا من جديد
،،،،،،،،،،،،،،،،،،،،،
بس في حالتي دي ما أظنش
،،،،،،،،،،،،،،،،،،،،،
- ليه ديما بمشي في طريق مسدود
وأقول بكره مسيرها تزول الحدود
ويعدي بكره وألف بكره
وأقول الامل موجود
لحد قلبي ما يختفي ولحد ما انا هموت
لا طريقي بينفتح
ولا اللي غاب بيعود .

- كل ما افتح باب
الاقي سد في وشي
كل ما اكون في طريق
يبتقل على حسي
بيقولوا حظك كده
واقول ده مكتوبي
وانا راضي بيه يا ناس
بدمعي وبحزني
،،،،،،،،،،،،،،،،
* بس انا ما صدقت قبلتها وحبيتها
،،،،،،،،،،،،،،،،،،،،،،،،،،،
- انا عشت عمري قبلك
معرفتش فيه اعيش
ازاي بقي لما اقابلك
تروحي وما ترجعيش

- حبيبتي بحس وانا معاكي
طاير وفارد جناحاتي
والدنيا حلوه وجميلة
مادامت عنيه شايفكي
،،،،،،،،،،،،،،،،،،،،،،
* مش عارف بحبها اوووي
اووووي وهي باعت اوووي

- قلبي اعملك ايه
بتحبه قوللي ليه
وتنسي كل الكلام
لو جت عنيك فعنيه
وتقوللي عشقت هواه
مقدرش يوم وانساه
في ايديه كل الاحلام
وانت هتضيع بايديه

- ياقلبي مالك كده
بتحب القمر ليه
وتقوللي ماله القمر
ما يحبناش طب ليه
والقمر عالي يا قلبي
القمر مين اديه
القمر عالي يا قلبي
وازاي هنوصل ليه
،،،،،،،،،،،،،،،،،،،
* هيا ليه سبتني كده بسهوله غلطت فيها
تسيب بسهولة كده .
،،،،،،،،،،،،،،،،،،،،،،،،،،،
- لوكنت بتحبني
مكنش همك حاجة
تحارب بكل السيوف
تقتل عشاني الظروف
وميهزكش خوف
ولا ضعف هيهزني
،،،،،،،،،،،،،،،،،،،،،،
* المشكلة انها بتزعل لما بقول
انها باعت مش عارف يعني اسمي اللي حصل ايه ؟
،،،،،،،،،،،،،،،،،،،،،،،،،،،
-انا لسه في حبك ببتدي
لسه بخطي في الحدود
وتقولي كفايه عليك كده
ابعد وانسي كل الوعود
دنا من غيرك مقدرش اعيش
بس اصبري هيطلعي ريش
هطير واجبلك النجوم
بس تحسي وتعشقيني
لوكنت جرحتك يبقي ليه
من نفس الجرح تألمي
قلبك ده عشقك وافهمي
بتحبي ليه تعذبيني
- هو احنا ابتدينا عشان ننتهي
هو احنا لسه قولنا كلام
بقي هي دي اخرتها معاكي
ولا دي حكمة الايام
ما يعيشليش غرام
ويموت فلحظة اوام
،،،،،،،،،،،،،،،،،،،،
* كنت بكذب كل حاجة في حياتي وبقول دي وهم الا حبها هو الحقيقة الوحيدة في حياتي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،
- ،،،،،،،،،،،،،،،،،،،،
* ممكن اكون زعلتها ممكن اكون زعلت والدتها بس يا ترا الفراق هو الحل مع الاحباب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،
لو كنت اعرف وحياة عنيكي
لو كنت اعرف فين اراضيكي
كنت سبت الدنيا بحالها
وجريت اوام عشان ارضيكي
ما انا بعدك يا احلى عيون
منش عاقل ولا مجنون
دنا بمشي في كل الكون
بسأل كل نجمة عليكي
انتي فين
،،،،،،،،،،،،،،،،،،،،،،،،،،،،،،،،،
* المشكلة دلوقتي مش عارف اعيش حياتي ، وقلبي تعبان جدا .
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،
- لسه بسيب قلبي يحب على كيفه
واعيش انا بجرحي والفرح فيه طيفه
ملقتش انا في حبي غير دمعه وجروحه
،،،،،،،،،،،،،،،،،،،،،،،،،،،،،،
*الاب والام ماتوا
والاخوات والاصحاب الكل مشغول بحاله
محدش حاسس بيا
،،،،،،،،،،،،،،،،،،،،،،،،،،،،،،،،،،،،،،،
- مهما عليت صوت وناديت
ماحدش بيسمعني
مهما بكيت يادنيا وقسيت
من اللي بيوجعني
ماحدش بيسمعني
مهما انجرحت وقولت اه
نفسي يا ناس اعيش حياة
ولا انكتب على قلبي قساه
واحب قلب ويبعني
،،،،،،،،،،،،،،،،،،،،،،،،،
* طوال سنة من عمري
وعمري ما كنت متخيل ان الغرام فلحظة واحدة هيموت كده فجاءة لان حبها فقلبي كان اساس حياتي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،
- اول ما شفتك قولت
هنكون احباب
عشقت عيني بنظرة
والقلب اهو داب
حسيت بروحك من روحي
بنظرة شفتيلي جروحي
حلمت بيكي واتاريني
بحلم بسراب
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،
* ورغم كل ده لسه بحبها وعندي امل نرجع لبعض ،لان عندي احساس حتي لو بسيط ان حبيتي تعرضت لضغط شديد وان رحيلها عني واختيارها للرحيل
عن حبها غضب عنها ولظروف خارجه عن ارادتها والله اعلم.
- بحبك
بحبك وهحبك
في قربك
في بعدك
هحبك
السنين هتمر
والدنيا هتتغير
بس هحبك
هنسي حياتي
هنسي الدنيا
فاكر حبك
لو توهت
لو مت
برده هحبك
،،،،،،،،،،،،،،،،،،،،،،،،،،،،،،،،،،،،
ختاما
السلام عليكم ورحمة الله وبركاته
محمد معوض
في امبابة 16/5/2010