ابعد عني لاخربشك
خاف مني لاورعك
انا طول عمري واقف سندال
مش محتاج بقى افكرك
ابعد يالا يا عم بعيد
بلاش شغل التمحيك
احنا وبس نمبر وان
اسمنا منقوش علي الحيط
احنا اشيك ناس في مصر
لبسنا موضة حلاوة العصر
وانتوا بتلبسوا لبس الباله
عالم بالة بقلة اصل
اللي عرفنا عرف قيمتنا
ابطال رضيين بعشيتنا
في كل مكان لينا علامة
مين يقدر يجى علي هيبتنا
الاسد مش كتر كلام
الاسد ده بالأفعال
كله يبعد عني اوام
خاف من الاسد لو نام
انا مش قطة يا عم البروطة
لو خربشت تكون بالبلطة
اي سلاح معاه بنتعامل
اهل امبابة مش كلمة اونطة
امبابة بلد الجدعان
فتوة مروة وروقان
طارق حسانين حبيب الكل
وتاج الراس في البرلمان
لو تحب افتح كتاب
كتاب التاريخ فيه احلي شباب
اول صفحة تلاقي امبابة
بلد الرجولة بلد الشجعان
احنا اللي احنا ما اتحتتنا
ولا حد قدر على شبحنا
ابعد لو ناوي علي عراكنا
هترجع بلدك كده في شوال
متربين علي سنجة عشرة
والسنجة نقطع بيها بصلة
بلاش علي موتك تتحسر
فك بنفسك كده في الحال
بلد مهولة بلد بطولة
في كل مجال لينا سبق الأولى
تسمع عن اسماعيل ابن يوسف
ابن امبابة احرف لاعيب كورة
امبابة في العين والقلب
احفظها واحرسها يارب
كل بناتها حلوة وطعمه
معلمين حلوين في الحب
البنت دي حلوة وعجباني
البنت دي حلاوة رباني
من جمالها ياناس اه ياني
المعلم راح في ثواني
البنت دي انا هخطبها
مش قادر انا ابعد عنها
خلاص تعبت من الجري وراها
لو اقدر اربطها اربطها
سلمت يا حلوة يا اناناس
سلمت قلبي باحساس
بحبك وانتي تاج الراس
تعالي نبدا يالا حياتنا
انتي وبس هتكوني ليا
هتعيشي في حياتي اغنية
وهغني مهرجانات عالمية
عشان عيونك العسلية
في احلى كوشة احلي عريس
واحلي عروسة لا هنهيص
كل الكلام هنقولة الليلة
وعلي طول هنسافر باريس
هنقضي شهر في السنة
كله هنا في هنا في هنا
وبلاش بعد كده عكننة
خلي حياتنا كلها سعادة
هاتي ايديك في حضن ايدي
بسمع نبضك ماشي في وريدي
حبك واضح صريح وحقيقي
عشقي ليكي اصبح عادة
بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات
و
آخر تعديل محمد البهلوان يوم 09-01-2021 في 05:44 PM.