منتديات عبق الياسمين - عرض مشاركة واحدة

22-12-2020, 01:43 PM

وإيه يعني ... لو أموت

وإيه يعني لو أموت ما أنا عايش عملت إيه
وإيه يعني لو اعيش أنا عايش ولا إيه

مجرد مهزوم انسان ملهوش في الدنيا مكان

عايش حياته في هموم
ولا ليه أي صوت
ايه يعني لو اموت ماانا عايش عملت ايه

أنا بعترف ان الحياة
مش عايشه فيا
والدنيا دي مبقتش دنيا
دي جراح قوية
انا بعترف اني ماليش غير في البُكاء وغيره مفيش
انا بنتهي واحزاني تعيش
وجراح مهما تروح بتعود
وإيه يعني لو أموت
ماانا عايش عملت ايه

امتي يا دنيا

امتي يا دنيا تحني وترقي علي الغلبان
مش طالب قصر عالي ولا لؤلي ومرجان
مش طالب دهب بيلالي ولا اغصاب البان
انا طالب اعيش في الدنيا خالي الهم وناسي الدنيا
واللحظة اعيشها والثانية راضي النفس ومش تعبان
امتي يا دنيا تحني وترقي علي الغلبان
مش طالب كنز حلالي ولا مليون فدان
انا طالب بيت صغير انام فيه ومش متحير
ولقمة حلال وواد صغير وام تراعاه بكل حنان
امتي يا دنيا تحني وترقي علي الغلبان

دوري يا أيام

دوري يا أيام مُري يا سنين
القلب الحزين هيفضل حزين
اللي ماشفش الفرح في عمره اللي مادقش الحب في قلبه
ممكن لحظة يحقق حلمه ويفرح يومين
دوري يا أيام مُري يا سنين
القلب الحزين هيفضل حزين
اليوم بيعدي زي اليوم اللي فات
نفس الجراح والدموع والأهات
لا دمعة نقصت من ع الخد
ولا اهاتي سمعها حد
الحزن عاش في عمري وهد
والفرح مات
دوري يا أيام مُري يا سنين
القلب الحزين هيفضل حزين

مهما عليت في صوتي وناديت محدش بيسمعني محدش بيسمعني
مهما بكيت يادنيا وقسيت من اللي بيوجعني محدش بيسمعني
مهما انجرحت وقولت أه نفسي ياناس أعيش حياه
ولا انكتب علي قلبي قساه أحب قلبي ويخدعني

ايه يعني
ــــــــــــــــــــــــــــــــ
ايه يعني لو اموت مانا عايش عملت ايه
وايه يعني لو اعيش هو انا عايش ولا ايه
انسان مهزوم ملهوش لزوم حياته هموم في هموم ولا ليه اي صوت
انا بعترف ان الحياة كل الحياة مش عايشه فيا
وان الجراح عايشه فيا والدموع ماليه عينيه
انا بعترف اني مفيش غير في الدموع ماليش
وعندي احزان مبتنتهيش بتروح وترجع تاني في سكوت

وايه يعني لو أموت

أه
ـــــــــــــــ
أه وألف أه علي قلب عاش مجروح
علي دنيا عشت فيها وسنين تعدي تروح
وانا زي ما انا عايش مر وضنا
لا شوفت يوم هنا ولا حزني يوم بيروح

حرام
ـــــــــــــــــــ
حرام
تعبت من حياتي تعبت من الايام
جيت الدنيا عشان ادوق مر الالام
لا شوفت فرحة في يوم وان يوم جاني الغرام
بتزيد ليه الهموم واغرق في بحر اوهام
حرام

حرام احب الحب والحب اصله خداع
حرام اعيش مع ناس بغدرهم القلب ضاع
حرام اشتري صاحب وانا بسهولة اتباع
حرام يا دنيا اعيش من حزني خلص الكلام
حرام
بقلمي الحر