منتديات عبق الياسمين - عرض مشاركة واحدة - عمل الشاورمة فى البيت بطريقتى .. أطباق مشهورة

#1 27-05-2019, 03:11 AM

تــــــــــــــــم الاطــــــــــلاع

النهاردة بقى غيرت البطاطس وهقول لكم على وصفة حلوة بيتى كلنا بنحبها
وبنشتريها من برة لكن ايه رأيكم لو عملتوها بنفسكم جربوا وهتعجبكم
جدا وادعو لى

المقادير

1ك لحم مشفى فيه جزء من الدهون
عصير ليمونة

3 معالق خل ابيض

معلقة صغيرة من فلفل اسود .. ملح .. بهارات .. قرفة .. جنزبيل

الطريقة

نغسل اللحمة ونحطها فى الفريزر شوية عشان تتجمد عشان سهولة

التقطيع

نقطع اللحم شرائح رفيعة وعشان هى متجمدة هتطلع رقيقة لأن اللحم جامد

نضع مقلاه على النار ويفضل تكون تيفال ونسيبها تسخن بشرط تكون النار

متوسطة

نضع شرائح اللحم ونرش فوقها نص كمية التوابل

عندما تبدأ الدهون تذوب نقلب بمعلقة خشبية وهتلاحظو ان اللحم شرائح
رفيعة .. نضيف الخل وعصير الليمون فوق اللحم

ونرش باقى التوابل ونتركها حتى تنضج

ولأعطائها نكهة خاصة تتفوق على شاورمة المطاعم والمحلات

بعد النضج نضع وفى فى وسطها قطعة من الفحم المشتعل هتعطى طعم
شواء ورائحة جميلة

نعمل بقى العيش اللى هنلف فيه الشاورمة

المقادير
3 كوب دقيق ابيض
1 بيضة

نص معلقة صغيرة خميرة فورية

ملح وماء للعجن

الطريقة

نخلط المقادير الجافة مع بعض ثم نضيف البيضة والماء بالتدريج حتى تحصلى
على عجينة متجانسة .. تغطى وتترك نصف ساعة

بعد كدة تقسم الى كور متساوية وتفرد بالنشابة بشكل دائرى

نسخن صاج او طاسة ونمسحها بالزيت ونضع العيش ونحركها ثم نقلبها على

الوجة الأخر وهكذا حتى يخلص العيش

نضعة فى كيس بلاستك عشان ماينشفش
ونجهز الحشو

بقدونس مقطع رفيع جدا شرائح رقيقة من البصل ممكن ترشى عليه سماق
بس يكون ناعم جدا .. طحينة .. توم مهروس حسب الذوق .. ملح .. زيت
زيتون او ذرة .. زبادى

نمزج الثوم مع الملح كويس .. نضيفة الى الطحينة

ونضيف الليمون ويزج جيدا

نضيف الزبادى تدريجيا معلقة ونقلب وهكذا حتى لا يتكتل

وفى النهاية نضيف الزيت

نفرد الرغيف ونضع قليل من اللحم وقليل من الخلطة والبقدونس عليه

نلف الخبز ونقفلة كويس بالخلة وهذا هو الشكل النهائى

وبالهنا والشفا جربوها يابنات هتعجبكم قوى

وادينى غيرت حاجة غير البطاطس بعدين تفتكروا انى معرفش غير البطاطس
بس بستسهلها

بالهنا على قلوبكم

المصدر : منتديات عبق الياسمين

آخر تعديل سكون الليل يوم 31-05-2019 في 12:05 PM.

10 أعضاء قالوا شكراً لـ ابتسامة الزهر على المشاركة المفيدة:
, , , , , , , , ,