منتديات عبق الياسمين - عرض مشاركة واحدة

#1 15-03-2024, 02:09 AM

قل مااحبك وأنتهت كل الأمور

قلها وأخلص لآتراعي لي شعور
أدري إنك عن غرامي مادريت
صار لك وقت تلف بها وتدور
مآفهمت الا عسى وودك وليت
قل مااحبك وأنتهت كل الأمور
خذت كل اللي تبي مني وأقفيت
ماعليك انا على الفرقا صبور
بآني لي في صحاري الصبر بيت
قد فركت من القهر عشرين زور
وبعت في سوق الهوى هم وشريت
لاتكدر خاطرك رح تراك معذور
غلطتي واتحمل أنا اللي بديت
وإنت لو قصرت مامنك قصور
الخطا مني حتى لو أني ماخطيت
مر في سيرة هوانا ولو مرور
وأذكر إني قد شكيت وقد بكيت
وإن كتبت بدفترك عني سطور
أكتب اني عقب زولك ماهويت
وان خذآك ملحك لحد الغرور
جآني أملح منك لكن ماهويت
هي مقادير وخذتنا للدبور
ماسعيت لها انت وأنا ماسعيت
وأن بغيت الشور عندي صدق شور
جرب دروب الهوى ورد ان غديت
وانا ببقى في مكاني وضح نور
وإحتريك بها بالمكان اللي انتهيت

المصدر : منتديات عبق الياسمين