منتديات عبق الياسمين - عرض مشاركة واحدة

#1 05-12-2020, 09:54 PM

عينى عليه ساعه القضا
من غير رفاقه تودعه
يطلع انينه للفضا
يزعق ولا مين يسمعه
يمكن صرخ من الالم
من لسعه النار ف الحشا
يمكن ضحك او ابتسم
او ارتعش او انتشى
يمكن لفظ اخر نفس
كلمه وادع لجل الجياع
يمكن وصيه
للى حاضنين القضيه
فى الصراع صور كتير
ملو الخيال
والف مليون احتمال
لكن اكيد اكيد ولاجدال
جيفارا مات موتة رجال
ياشغالين ومحرومين
يا مسلسلين رجلين وراس
خلاص خلاص
مالكوش خلاص
غير بالبنادق والرصاص
دا منطق العصر السعيد
عصر الزنوج والامريكان
الكلمه للنار والحديد
والعدل اخرس او جبان
صرخه جيفار يا عبيد
في اى موطن او مكان
مافيش بديل
مافيش مناص
يا تجهزوا جيش الخلاص
يا تقولوا على العالم خلاص

أحمد فؤاد نجم

المصدر : منتديات عبق الياسمين

حلقات الاسبوع

• أخطاء المصلين - إعداد reda laby
• افضل موقع تحميل القرآن باعلى جودة وانقى صوت
• كتاب الرحيق المختوم ( السيرة الذاتية لحياة الرسول الكريم )