منتديات عبق الياسمين - عرض مشاركة واحدة - طـــمـــنـــوه *** آن گآن يحسـبني نسـيته مـآنسـيته".

#1 05-06-2020, 10:45 PM

طمنوه ان كان يحسبني نسيته مانسيته
اتناسى عمري اللي مرني من غير شوفك

كان ميعاده ثمنه العمر قولوله شريته
ماعلى الدنيا بلا شوفته ياعالم حسوفه

لو على اخر يوم في عمري يجيني احتريته
محتريه الى اخر اللحظات لا يشغله خوفه

ليه ماهو يسمع اليا صحت بالصوت ودعيته
لايناظر بالعيون ولا تلوح لي كفوفه

يدري اني كل يوم امر من قدام بيته
لو انا ماني من اهل البيت ولا من ضيوفه

ويش عذره كل جرحٍ من جنابه ماهقيته
لايخليني وانا اقوى من الزمان ومن ظروفه

كل شيً ينعش احساسي معاه انا لقيته
لو تظاهر بالتغلي عارفً وش وسط جوفه

ياملاذ العمر ياضوح السراب اللي ضميته
اروني مالي عن مطاردك ياخلي نكوفه

كل حلمٍ يسري لطيفك تعنيت وسريته
علموه اني انا محتاج من قلبه مروفه

الـ متى خلاص يكفي عمري اللي قد خذيته
الـ متى وانا بعيش العمر كله مع طيوفه

لايهدم صرحنا اللي بيني وبينه بنيته
ولا يسل بوجهي اليا جيت ابا اشوفه سيوفه

يوم انا اللي ذايعً بين العرب فعله وصيته
وان عصاه الوقت قولوله يسوي اللي يشوفه

المصدر : منتديات عبق الياسمين