منتديات عبق الياسمين - عرض مشاركة واحدة

#1 01-07-2017, 02:49 PM

قالوا غريب وقلت وين الغرابة
هذا انا قدامكم حي مامت

قالوا جريح وقلت جرح الزهابة
عون الليال السود وان كان ماتبت

قالوا كئيب وقلت ليه الكآبة
اضحك واسلي خاطري مامعي كبت

قالوا ذليل وقلت ذل القرابة
اموت واحيا هامتي فوق ماطحت

قالوا سكت وقلت صمتي مهابة
سلوى الجروح ان كان في حكمتي صمت

قالوا عليل وقلت وين الطبابه ؟
كل الاماكن جيتها مابعد طبت

قالوا خليلك قلت وقتي غدا به
مابه صحاري مابها زرع او نبت

قالوا تحبه قلت واعشق ترابه
عشق الغريب لديرته لاجفا الوقت

قالوا على جرحك يعزف الربابة
مايعرفون اني بعزفه تولعت

قالوا زمانك قلت بلحق سرابه
اضحك على نفسي مدامي تغربلت

قالو الفراق وقلت مرن شرابه
شفني على سوره وقفت وتحطمت

رسْم الدهر فالعمر وسّم شبابه
من شافني شايب وانا مابعد شبت

دام العمر قفى ولاحدن درى به
اقنع بمقسومي ليا بالله آمنت
راقت لي

المصدر : منتديات عبق الياسمين