منتديات عبق الياسمين - عرض مشاركة واحدة

#1 12-09-2019, 07:33 PM

الكبوس اللي على العالم مطله
مادرت بالشمس يوم ابدت شعقها

علموها تدرق وسط الاظله
ولا تثير. الناس وتثور حمقها

النجوم اللي على العالم تعله
الجدي ياطالت المده. فهقها

والبدر. يابان تختفي. الاهله
جل الشان اللي بتدبيره فرقها

والاصايل ماتميز. بالاجله
كان غوج الكدش بالساحه سبقها

والدلي من. الزغردي. لوتمله
عانقه راع الزنيدي ثم دفقها

والعلوم. اللي تساق بدون ادله
اطبخه بالمي ثم اشرب مرقها

والهجين اللي تحمل بالمذله
سوقها مع. وادي الطولات سقها

خل عنك العوج والهزلات خله
لاتعرض للخطوط ومفتر قها

ترثياب الكبر ملبوسه مذله
والعذى ياخالط الجمه طرقها

من يسجل شهرته وسط المجلّه
ماتفيده. شهرتن هو مختلقها

لاتزعم موقفن منته لقلّه
البحور الهوج لاتامن غرقها

لايشلك جارحن في مخلبلّه
كم خر يشن في مخاليبه شلقها

اتخذ ثوب التواضع لك جبلّه
واحذر اخطار الدروب ومنزلقها

ومن دعاك لكبر ياء النفس قلّه
شمس صدق العقل بينلي شفقها

المصدر : منتديات عبق الياسمين