منتديات عبق الياسمين - عرض مشاركة واحدة

#1 22-05-2019, 11:47 PM

أحبتي في الله
السلام عليكم ورحمة الله وبركاته
الله يمسيكم بالخير والسرور وسمح الأمور
واسأل الله جل شانه أن يحفظ الجميع
وأن يحسن لنا القول والعمل ويتقبل منا
ومنكم صالح العمل ويبارك لنا في شهر
الرحمه الذي ذهب منه الثلث ونصف الثلث
الثاني ولله الحمد والفضل أما بعد ؟

اليوم سمعت البعض يهمس لبعض ويقولون وكأنهم يعتقدون أن ميمون لايسمعهم بل سمعته وحفظت كل مادار بينهم من حوار وحتى من كان يكلم نفسه حفظت قوله عن ظهر قلب والله مشكله هذا الميمون يعني ماعنده شغله الا يتابع ويسمع ويسرد مايسمعه المهم هذا وضع الشايب وعلومه هيا هيا اسمعوا مافي جعبة ميمون ؟

قبل أيام كنا مع بعض النجوم في كشته ودار بيننا مادار في جزء سبق نشره ورأيت تفاعل الكرام مع مانشره ميمون ورأيت أن الأغلبيه ينتظر ليرى تكمله لتلك القصه اليوم والله يجعله يوم جميل في حياتنا سمعت ؟؟؟

جرعة جنون : تكلم نفسها وتقول ياويلي وعدت ميمون وخالد واسكنتها بتيس من غنمي يتكلم ثلاث لغات من أجل يذبحونه وينال الصبايا نصيب من اللحم والمرق ولكن طلع التيس أقوى مني وانطلق وماعاد عندي الا رخال ما تصلح للذبح وش اسوي مالها الا اطلب صاحبتي مانسيتك وأخذ رايها ومشورتها صاحبة العضلات تهمني

مانسيتك : نعم ياجروعه وش عندك تكلمين نفسك هل هذا كل ما يشغلك يابنت أنتي مسكينه كيف ينطلق التيس منك ويهرب وش تسوين مع الجماعه اقول لك امرك بسيط أنا اعرف مكان قريب من الوادي فيه زربة غنم وتيوس مثل الموز واضنه لميمون هذا القحم الغلبان خلينا نهجم عليه ونلقط تيس ولامن شاف ولا من دري هههههه ضحكت جروعه

شجون الأمل : معها مسدس عيار 38% سمعت الحوار والتخطيط لسرقة جدها ميمون فنطت وسحبت الطبنجه وعمرتها بخمس رصاصات وتوجهت مسرعه للزربه وكمنت في مكان ترى ولا يراها الغير وصل المجرمات وضحكاتهن لها جلجله نزلت صاحبة العضلات للحضيره وقامت تتنقى من التيوس لأنها تريد تيس جذع وأذانيه صغار وفمه يجنن هذا زين ياجروعه ولا ماهو كذا خرجت حفيدة ميمون والمسدس في يدها يا حرامية التيوس الا تعلمين هذا ملك لجدي ميمون اتركي التيس ولا أدفعي 700 ريال وخذيه ولا روحي واستاذني جدي وهذا ماعندي الفرار فيه السلامه وأنتي بكيفك شوفي صاحبة التيس الهارب تضحك عليك من تحت العشه هههههه السلامه غنيمه ماهو ضروري تاكلين لحم ولا تعرمشين عظم

أسكنتها أقداري : الحمد لله ارى القوم في هوشه ويمكن يحصل جريمة قتل وأنحرم من بيع الفواكه التي جمعتها من الصباح وربما المحنذه اليوم تشتغل والله الرازق ولا وش رايك ياخالد أنت صاحب الفكره من أول واضن التيس كان جاي على شانك أنت ولا ماهو صح

خالد العصواني : والله ياكرام اليوم كثرت في الشربه والقطايف وصحن كنافه من النابلسي ومالي نفس في شي الا أني احب مرافقتكم وأن كان صار فيه شي زين يمكن انقنق معكم علشان ماتزعلون مني وسحور الهنا والعافيه لكن مدري اشوف الأمور فيها بعض التعقيد وفيها سلاح وخطف تيس والنهايه مدري خلونا نشوف إلين اشوفها جايه عباتها مثل جناح الغراب أسود ويرفرف

إلين : وصلت وهي تلهث وشفيكم تتهاوشون وانا بنت أبوي اخرج الحزام الأسود واتفاهم معكم علموني وش السالفه خرجت لها صاحبة العضلات والجريئه التي كادت تسرق تيس من غنم ميمون ياحبيبتي يا إلين هدي نفسك وخلينا نتفاهم بدل الضرب والشوت واللسع كنا نقصد اختيار التيس ودفع قيمته لحفيدة ميمون شجون وشوفي جرووعه مندسه وهي تتنافض يوم شافت المسدس والأن ابشري بقيمة التيس ولايهمك قالت إلين الحمد لله انا فكرت فيه اعتداء مادام الأمر كما تقولين فشوفي أسيرة الموج لها حوش خلف تلك التله وعندها تيوس أسمن وأجمل ولا عاد اشوفك انتي وغيرك هنا الله أشوف والدي وصل وهو راكب على بغلته الدهماء يالله تحيه وتحفظه

ميمون : يالله اليوم على بابك ياكريم وش اللي جمع الصبايا عند زربتي وغنمي السلام عليكن يافاتنات العبق وش اللي جابكن هنا تريدون العشاء أبشروا وحياكم الله وش فيه ياشجون قالت ياجدي هذي المفتريه تتباهى بعضلاتها كانت تريد خطف التيس الأملح ولكني وقفت لها بالمرصاد وهذي عمتي إلين شاهده وتلك التي كانت ترعى الغنمات هرب منها التيس الذي كان هديتها لك ولنا وهاهي تكفكف دموعها وهذي كل السالفه تقدمت مانسيتك وقالت ياعمي أنت كريم ونحن نستاهل أعطنا التيس بحقه ولا هديه وأنت راعيها قلت يابنات ابشرن بالعشاء اسبقوني عند العين واحلبن ناقة جرووعه التي سترد على العين وعبين القدح وانا بذبح التيس وامر على صاحب الحبحب يجهز اللحم ويفصله كما يحب لأنه صاحب خبره أضنه زعلان مني علشان قلت له التيوس اللي عندك هزيله وأن كان زعلان من هذا يبشر اشتري كل الحبحب والشمام الذي في بسطته ذبحنا التيس وفصله المتخصص والصبايا وصلن العين وجهزن مناصب القدر وجمعن الحطب وحلبن الناقه ياسلام كشته ولا في الأحلام خلونا نشوف وش عند قايد الرحله خالد اشوفه راكب على صخره في سفح الجبل

خالد العصواني : يا اسكنتها تعال بسرعه ابغاك اما ميمون لانريده ان يتعب شايب وصعب عليه الطلوع والنزل انطلق اسكنتها مثل الفهد الصياد بسرعه هائله وصل عند خالد وقال له انظر ماتلك الجموع في وادي الحبق واشوفهم مسلحين وش الطاري عليهم تكفى جيب لي خبرهم قبل ما نجلس ونطبخ عشانا وكما تعلم معنا بنات ومانبغي يحدث لنا ولهن مكروه قال أبشر ذلحين اجيب لك العلم والوكاد

أسكنتها اقداري : انحدر كجلمود صخر حطه السيل من علي ليستطلع أخبار القوم يقول رأيت رجال كالصقور عيونهم تقدح شرر وسيوفهم بتاره فسألت واحد منهم كان يقضي حاجه بعيداً عن القوم فقلت له ياوجه الخير من أنتم وأين وجهتكم فال لي نحن من بني صخبره وهدفنا زيارة الشيخ جلمود ابن حاضر وهم عواني واسميا تفضل معنا قلت له موفقين والله يحفظك وها أنا عدت وهذي أخباري المهم شوف الكهف اللي تحتنا فرشته وضبطت النور وشبيت النار للقهوه والشاهي وابشر بأحلا لحم واحلا مرق خلنا نشوف ميمون وش راح يسوي

ميمون : يابنات انتن في كشته شمرن وهات البصل والطماطم وانتي ياجروعه لاتنسين الثوم علشان الشواء وأنتي ياشجون غسلي القدر والصحون وإيلين طباخه ماهره الله يعينها على السيلق المكاوي وانا لكم علي أسقيكم مرق أو عصير تيوس ولحمه تؤكل ولاتمل هذا المساء جميل وكل النجوم اللي معي اباهي بهم وافاخر الله يوفقكم وانتضروني في حدث أخر قريباً أن شاء الله ودمتم سالمين محبكم ميمون

وليدة اللحظه وحصريه لعبق

المصدر : منتديات عبق الياسمين

آخر تعديل ميمون يوم 23-05-2019 في 10:04 PM.

10 أعضاء قالوا شكراً لـ ميمون على المشاركة المفيدة:
, , , , , , , , ,