يا حلم عايشته وعشعش في فؤادي وانتقش
في القلب متربع سكن في صفحة أحلامي وعاش
من يوم شفت الزين في وادي بناء قلبي ارتبش
وحط رحله في هوى حبش وخلاالعقل طاش
ياويح قلبي ويح من سود العيون اللي رمش
صوب سهامه نحوقلبي واخترق روحي وحاش
وعاش في وسط الحشاء والعقل والفكرانتعش
خلا حواسي كلها نحوش تفكر بانتعاش
يابنت الأجوادالضمى قدصاد روحي بالعطش
لا الماء سيرويني ولا إلابرشفه من شفاش
قالت من اين المعرفه بكرت يا هذا غبش
يابن الحلال الحب يبدأ بالتفاهم والنقاش
من وين قالت ؟ قلت انا من أرض تجمعني معش
أرضش بلادي والوطن حبش ويجذبني هواش
قلت اطلبي تفداش روحي يالجميله والبقش
لوتطلبي مني حياتي كلها باعطيش كاش
يا بنت حبش قدسكن في وسط دمي وارتبش
معش معش في حبنا نحيا سوى وإلا بلاش
أنتي طبيبي والدواء وكل شي مبذول لش
وانتي سحابة عطر يغمرني شذاها من سماش
مدت كفوف اليدقالت يالفتى ماابغى بقش
أبغى هواك اللي تعشعش في سما قلبي وعاش
أحلاحياة العمر باحياها معك لو وسط عش
أبقى معك طول العمرمن دون ماتفتح نقاش
فزيت من نومي وطار الحلم عني وانتدش
وأصبحت وإن الحلم ضايع بين نومي والفراش
كلمات الشاعر\ فيصل علوي العجي أبو رياض
أداء \ خالد العوبلي
تصميم ومونتاج \ سكون الليل
نتقبل أي انتقاد لتحسين المستوى
.gif "200 (13)")