هو الصبر ليه عنوان
دلونى عليه
لا أحب التواجد وأنا متوشحاً بالحزن
رغم أننى ألتحف البؤس دائما ........
( وعجبت بقينا فى زمن الغلطان هو الزعلان )
نفسى أسأل
سبيل الصبر فين هو وليه عنوان دلونى عليه
رغم أنه ذكر فى القرآن
فين مكانه حد يقولى عطشت يا ناس
طريقى دايماً متعكر رغم الصفا بزرعه فيه
سبيل الصبر فين هو ؟
قالولى الدوا فيه وتعبت أدور على رشفه
تداوى القلب واللى فيه
لا عيشة أهل ولا خلان
أنا الغريب فى كل مكان
قلت اصبر بكره الحق يبان
وعلى أيه ما كل شى أنتهى وبان
ده حتى سؤال على العيان ده نبينا وصى بيه
ملقتهوش
لقيت الحب قفل قفل بابه تقول سجان
وبشوفه بيدندن وبيغنى ولا دريان
وأنا هنا مغلوب بأدندن بكام آيه للرحمن
وبقول توبت ياربى
بقيت تايه فى أحزانى
وصاحبى يقول دى أوهام
لو كان ده حب كان داوى فيك كل جراح
بقيت تايه فى أحزانى
وأقول حراااام
ده هى اللى أرتاح ليها البال
وأرجع أسرح وأنا محتار
بصوت خافت بقول الآه
ومن جوايا صريخ وعويل وزعيق فى عز الليل بألاقى صداه
بيصحينى ويجافى فيا النوم
وأفضل أقول
ليه الحب شمت فيا كل جروح
بأشرب من سبيل صبرى
وبتذكر سنين عمرى
فى ( وادى الألم ) كلى جراح
(خربشات )
18/10/2013
|
