منتديات عبق الياسمين - عرض مشاركة واحدة - رحلة جماعية لآل عبق الياسمين مع المرشدة السياحية ..ابتسامة الزهر0 (حصرى ومن تجميعى )

#1 01-04-2020, 04:06 AM

السلام عليكم ورحمة الله وبركاته

قلت اخدكم ونروح رحلة ترفهية بعد عناء وتعب فرسان
التحدى والمجهود اللى بذلتوه وكمان عشان الجميلة
عيون الريم تغير جو بعد الوعكة الصحية
طبعا الكل عايز يعرف هنروح فين .. قبل ما اقول لكم
رايحين فين فيه حاجة مهمة ومش عارفه هتعجبكم ولا لأ
المفاجأة بقى أن الشيف رفيق الألم قرر ان هو اللى هيتولى عملية

الأكل لأنه معتقد ان البنات المرة اللى فاتت هما اللى ساعدوة فى الأكل طبعا هيأكلنا من
مطبخ عبق الياسمين أكل بيتى يعنى نتذوق اكله ونشوف

ورأيكم بصراحة فى أكله عشان نعرف يتولى هو المطبخ ولا
هنقوله شكرا
طبعا معنا
عبد الرحمن الجنوبى
والقيصر خالد العصوانى
وباقى أل عبق الياسمين

الطائرة فى مطار عبق الياسمين فى انتظاركم جميعا

أيه ده اللى أنا شايفاه بسم لله ماشاء الله شهقة موج اول
واحدة سبحان الله المرة اللى فاتت كانت خايفة جدا لأ وايه ماشية
بخطوات واثقة من نفسها وشايفه الخبثاء .. امير بكلمتى ..والشاهين.. وكيان
بيبصوا لبعض وفية ابتسامة على تتراقص كانوا
واقفين منتظرين للمساعدة فيهم الخير
المرة دى بقى عشان عازف الليل مايزعلش كان فيه مضيفتان على الطائرة يلا ياعم ابسط
بس خلى بالك خالد مش هيسيبك فى حالك

كل واحد ياخد مكانه ويربط الأحزمة وكالعادة رضا لابى يجلس بجوار الشباك ويقرأ فى المصحف

خالد المرة دى بقى كسر القاعدة وجلس فى اول كرسى ليرى المضيفات
عيون الريم حبت تقطع علية هذا وجلست بجوارة وعمالة تشغله بالكلام

سليدا وشهقة موج قاعدين ماسكين ورقة وقلم ومش
عارفة بيكتبوا ايه بس واضح انه موضوع مهم

مخملية وعبير الليل حاطين سماعات على ودانهم وبيسمعوا اغانى بس واضح
ان الجميع شكلهم مرهق جدا وبيحاولو يتغلبوا على الأرهاق

اهلا وسهلا بكم أل عبق الياسمين نرحب بكم فى أم الدنيا
رحلتنا النهارد لمدينة أسوان بجمهورية مصر العربية
هنقعد كام يوم نتفرج ونتفسح وطبعا عشان انتم
مرهقين اول مكان بعو الوصول ان شاء الله هنروح جزيرة
النباتات ده اليوم الأول ..
قلت اعمل لكم مفاجأة

تعلوا نتعرف على جزيرة النباتات الأول هنروح نحط
الشنط فى الفندق واخترت لكم فندق امام النيل
للأستمتاع اثناء الراحة

طبعا عشان نوصل للحديقة لازم نركب مراكب حد
بيخاف من ركوب المركب
عشان نعدى للبر التانى لأنها جزيرة .. طيب كويس يلا
بينا

مافيش فايدة الشاهين وفريال وعازف الليل عمالين يمدوا ايديهم فى النيل وياخدوالمية
ويضحكوا عذبة المعانى بتراقبهم ولسان حالها بيقول عايزة اعمل زيهم
أخاف اقع فى المية شايفة دمعة حرمان وغرام الروح بيشجعوها بس هى اقنعتهم مش عارفة قالت لهم ايه
الغريب فى الموضوع امير بكلمتى ساكت وهادى مش بقول
لكم مرهقين وتعبانين

اتفرجوا على المناظر الجميلة والنيل حتى تشعروا
بالراحة والهدوء وجمال الطبيعة

الحمد لله وصلنا

تعالو بقى واحنا بنفرج نعرف معلومات عن جزيرة النباتا ت
الحديقة النباتية هى واحدة من أندر الحدائق النباتية على مستوى العالم،
نظراً لما تتميز به من خصائص عديدة تتفرد بها على
مستوى الحدائق الموجودة
فى العالم.فى اسوان

تقع الحديقة النباتية فى جزيرة وسط النيل بمدينة
أسوان، لذا يطلق عليها "جزيرة النباتات" ويعد موقعها
متفرد على مستوى العالم وتتجمع فيه 3 عناصر للجمال
لا توجد فى أى مكان آخر على مستوى العالم، وهى طلتها
على الجبل الغربى الغنى بالكنوز الفرعونية والذى يبدأ
بمقابر النبلاء شمال وينتهى بمقبرة اغاخان جنوبا
بارتفاع قدره 50 متراً فوق سطح المياه وبطول 1,5 كم
على نهر النيل مباشرة، كما أن الحديقة تقع على جزيرة
رائعة تحيط بها المياه من كل مكان، هذا بخلاف عبقرية
التاريخ لهذا المكان والذى يعود تاريخه إلى نهاية القرن الـ19.

تبلغ مساحة حديقة النباتات 18 فداناً وتنقسم، إلى
مشايات طولية وعرضية ليتحرك عليها الزائرين
والاستمتاع برؤية الأشجار، ويبلغ أقصى طول للحديقة
700 متراً وأقصى عرض 115 متراً، وهى على شكل
بيضاوى داخل نهر النيل وتحيط بها المياه من كل الجهات.

يعود تاريخ إنشاء الحديقة النباتية فى أسوان إلى عام
1898 أثناء الاحتلال الانجليزى لمصر، وقتها أخمد اللورد
كيتشنر قائد قوات الحملة الانجليزية، الثورة المهدية فى
الجنوب، بتخصيص مكان هذه الحديقة ليصبح مقراً
لقيادة هذه الحملة، نظراً لموقعها الاستيراتيجى الهام من الناحية العسكرية.

الحديقة تضم نحو 695 نوعاً نباتياً مختلفاً من أنحاء
العالم، وتم إنتاج شتلات من 230 نوعاً نباتياً من إجمالي
نحو 330 نوعاً نادراً بالحديقة.

تعالوا نرتاح شوية ونستمتع بالجمال قبل العودة

والذهاب الى الفندق الحمد لله النهاردة محدش تعبنى
زى المرة اللى فاتت ولا فيه معاكسات ولا مشاغبات

اتمنى أن تكون الجولة عجبتكم وتكون الاعصاب هدأت والنفس
احست بالراحة بعد المجهود
وانتظرو الجولة القادمة ستكون للأثار ان شاء الله

مع تحيات المرشدة السياحية

ابتسامة الزهر

المصدر : منتديات عبق الياسمين

7 أعضاء قالوا شكراً لـ ابتسامة الزهر على المشاركة المفيدة:
, , , , ,