نفسي اتجوز ياريس _ الجزء الثالث
متابعة للاجزاء السابقة الاول والثاني
في احاديثي مع سيادة الريس
نتابع الان
الجزء الثالث
نفسي اتجوز ياريس
ازيك يا احلى واغلى ريس
ان شاء الله تكون كويس
- عامل ايه يا محمد يابني
عامل ايه عليك طمني
انا شايفك تايه في الدنيا
شايفك مش داري و مهيس
تعبان والله ومش قادر
ونفسي في حل وياها
- حل في ايه يا تاعبني
هو انت لسه بتهواها
طب ممكن طلب ياريس
- قول يا عم المهندس
انا نفسي اتجوز ياريس
ويبقالي من الدنيا ونيس
نفسي في عروسة ياريس
نفسي ابقي في الكوشة عريس
اتهنا بيها واهنيها
وتنور بينا الفوانيس
- يعني انت نسيت الماضي
سلمت خلاص وبقيت راضي
ابدا ده انا لسه فاكرها
وحبها فقلبي ماشي وماضي
- طب قوللي ازاي هتتجوز
وانت لسه عايش ووياها
بتحلم بيها في يومك
تتمنى رجوعها و هواها
قوللي ازاي يا محمد
تاخد انسانه و تظلمها
و تتخيلها حبيبتك
تبقي في دنيا وانت في دنيا
ما خلاص اللي سابك سيبه
اللي باعك بقي ما تبيعه
ركز شوية وابقي تعالي
وابقي ارجعلي بابي مفتوحالك
وقبل بابي قلبي
صدقني لما هتنسي حبيبتك
ابقي قوللي ساعتها
نفسي اتجوز ياريس
اوك يا شاعر
اوك يا ريس
تاريخ الكتابة بالامس 30-6-2010
الي اللقاء في الجزء الرابع ان شاء الله قريب اووي
نفس احج ياريس
|