عدة ابيات اضعها امام انظاركم علها تنال اعجابكم
البارحه والليل حالك سواده
مغير انا والذاكره والقصايد
ذكرت لي من جملة البيض غاده
فيها الغلا زايد والاحساس زايد
تلبس جمال الكون مثل القلاده
تفرق عن اللي يلبسون القلايد
من شافها لحظه يعيش بسعاده
كنه بيوم العيد رايح يعايد
جمالها فالبيض سكر زياده
متفرده تحمل جميع الفرايد
تسلب من اعتى العاشقين الاراده
مافاز في تصويرها غير رايد
فيها سلوب الهيمنه والقياده
اكيد احد جدانها كان قايد
فعيونها الثنتين حرب الاباده
حرب ونزيف اروح بين البدايد
ذكرت عنتر فالحروب وجواده
في عين رصاد الفعول المحايد
لو فيه سيفن غير سيف الحداده
قلت الرموش اللي تقص الحدايد
الله مميز خلقها عن عباده
فيها الحلا زايد والاحساس زايد
|