هنا موجود شي وشي فالساحه مهو موجود

ابيات من شخابيطي اضعها امام انظاركم علها تنال اعجابكم




انا البارح تخيلت الفراق ويومه الموعود
تخيلته يلوح بخاطري واحترت فاسبابه






واعرف ان الزمن دوار واصناف الليالي سود
واشوفه فاتحن للي سواتي دائما بابه






واعرف ان القصيد اللي وصل للذايقه محدود
كثير الناس ماشافه وبعض الناس غنابه






لوان الجزل يبقى جزل مايطلب عليه اشهود
شهوده ذايقة من يفهمون وفكر كتابه






هنا موجود شي وشي فالساحه مهو موجود
وانا عديت مثل اللي سبقني راس مرقابه






هواجيسي بوقت النقد سيف افكار المجرود
اوردها على عد الروى ماهيب مرتابه






يبا يشهد لي المنصف ليا هبت هبوب النود
ليا لبست بيت الشعر لا غنيت جلبابه






وانا شاعر قصيد ولا على اللي سابقيني زود
ورثت الشعر من لابة عتيبه حي هاللابه






هل الطالات والسيف المحنا والكرم والجود
ليا كلن تفاخر واسمهم للمجد نرقابه






عرين اسود واللي يدخله طول الزمان اوسود
تعرفون الاسود وفعلها فاحماية الغابه






وبعض الناس قربه لا تحليته هنا منقود
يشب النار بافكاره ويشعلها بمشهابه






يحسب انه يجيب الفود لاكن ماش عنده فود
يحاول يطفي انوار الشموع ويرضي احبابه






حماك الله ياشعر الجزاله دائما محسود
من اضعاف النفوس اللي هنا ماتحسب احسابه






مثل مالحرب تعرف من لهيب النار والبارود
حروف الشعر يعرفها اللبيب اليا قرا الجابه






وانا لاقلت جابه مثل ماقالو ركود ركود
ولاني مثل من قالو حضوره يشبه اغيابه






اعز الله ياروس النشاما دولة ابن اسعود
هل التوحيد سيف الحق لاجرد من انصابه

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور