إمـــــ نجـــ 5 ــــــوم ـــــــرأه !

إمـــــ نجـــ 5 ــــــوم ـــــــرأه قبل فتره كنت ساكن لوحدي بين عوائل وكان لدى جميع الأصدقاء خبر بعدم المجئ مفاجأه ولابد من الاتصال وكان جار لي يزورني دائم وذات يوم اتاني فجأه وفي حالة معصب واخبرني عن سبب غضبه وسوف ارمز لإسمه با ابوعبود واليكم الاحداث ! جاني ابو عـبــود معصب والعيون حمرا ،،، بعد السلام قال هات مااي انا عطشاني !! تم بعد ردي للسلام مرحبا واهلا ،،، وقلت تعوذ من ابليس وش صار يا فلاني !! قال كنت في نومه بها احلام قشرا ،،، واذا بام العيال جالسه متربعه قدامي !! قالت امبارح تركتك وانت بالنت تتسلى ،،، انت متى نمت او طول ليلك سهراني !! متى تسرح وتروح تجيب للبيت مقضى ،،، الاولاد يبون اندومي وعبود تراه وجعاني !! خذه للدكتور لعله يكتب له دوا ويبرى ،،، والانبوبه خلصت والثانيه تسلفوها الجيراني !! والثلاجه ما تبرد والتلفزيون يشتغل ويطفى ،،، وفاتورة الكهربا جابوها من العداد الورعاني !! والشغاله جت تكوي الملابس وخربت المكوى ،،، جابتلي الصمرقع ومنها بغيت اخرج من فستاني !! واليوم بيجوا أخواتي وابيك تجيب حلوى ،،، وعصيرات يووه يله قووووم لا تنام ثاني !! وقامت وراحت وهي تبربر حتى وهي برا ،،، وانا مادري انا صاحي او مازلت في أحلامي !! وتعوذت من ابليس ،، وابليس عننا أدرى ،،، لعنبوا دار ،،، ياخوي يسيطر عليها الشيطاني !! ونويت النهوض واذا يالحبيب صياحها يعلى ،،، بينها وبين الشغاله قامت حرب ميداني !! وجوا الثنتين يمي يبون مني النظر والفتوى ،،، منهوا اللي على حق ومنو فيهم الغلطاني !! ناظرت للشغاله الا وحالتها مثل نجوى ،،، متزينه مثل عروس يبغالها زفه واغاني !! ومثل ما قيل في المثل يوم كنا نقرا ،،، جبتك يا عبدالمعين تعين لقيتك تنعاني !! اما المدام فهي اساس اللخبطه والبلوى ،،، فالام مدرسة لإعداد شعب متفاني !! والقضيه المدام تبغى والشغاله ما تبغى ،،، وضعنا بين عناد وكيد قوم النسواني !! جيتك يالضيف ابيك تساعدني بهالبلوى ،،، بأحد الحلول ترى المرض النفسي تولاني !! قلت له ابطرح في عبق الياسمين الشكوى ،،، ونستنير بالحل من أخواتي العزيزات واخواني !! ورأيي لازم انتفاضه قبل تجي فوضى ،،، عبارة إرحل إرحل للشغاله لا تعود ثاني !! الضيف ،،،🌺 ابوعبدالرحمن ،،، 🌹 وبعد شهر هربت الشغاله

المصدر : منتديات عبق الياسمين

 

رحال في الدنيا والرزق مقسوم،،
ولا أبي من مخاليق الرب عازه!!
مع امنياتي للكل السعاده تدوم،،
ويشملنا الرب برضاه بعد الجنازه!!
ابوعبدالرحمن ،،،🌸

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور