التقمص .. الوجداني !!

التقمص .. الوجداني !!
- هو مصطلح في علم النفس معناه : أن أضع نفسي مكان الآخر المختلف ، وأن أتقمص مشاعره ومواقفه ورؤا ه ؛ حتى أتمكن من التفاعل معه بشكل إيجابي ..
- شلون يعني ؟
- مثلا : إذا انت عندك موهبة معينة ماموجودة عند صاحبك ، فإذا صاحبك شفته مايتفاعل وي موهبتك هاي ، ودائما يستهزئ بيك ، ويقلل من قيمة الموهبة اللي عندك وووو الخ هنا صاحبك اكيد يشعر ببعض الغيرة او الحسد تجاهك بسبب وجود هاي الموهبة اللي عندك واللي هوه يفتقدهه ..
- خوش ..
- فهنا انت اذا جنت عندك قدرة على التقمص الوجداني ، فراح تتفهم مشاعر الغيرة والحسد عند صاحبك وماراح تضوج منه ..
- مو واضح ؟!
- يعني انت بدل ماتنفعل من صاحبك وتحتقره بسبب غيرته و السلبية منك وحسده ، بدل كل هذا راح تخلي نفسك بنفس موقف صاحبك ؛ يعني راح تتخيل نفسك انو صاحبك هوه اللي يمتلك هاي الموهبة وانت ماتمتلكهه ، وتتخيل الشعور اللي راح يصيبك بهاي الحالة ، وهو شعور الغيرة والحسد مثلا ..
- وشنو فائدة هذا التخيل ؟
- الفائدة من هذا التخيل والتقمص للحالة اللي يمر بيهه صاحبك هي انو انت راح تشعر بنفس الالم اللي عايشه صاحبك وهو الم الغيرة أو الحسد ، بحيث تكول بينك وبين نفسك : عمي والله حقه صاحبي خطية ، لو اني بمكانه جان همينه شعرت بنفس شعوره ، وبالتالى ماراح تحقد عليه أو تكرهه ؛ بالعكس راح تكون متفهم لطبيعة مشاعره ، الأمر اللي راح يساعد على استمرار صداقتكم فترة أطول ،

والحمد لله ..

حور معجب بهذا

المصدر : منتديات عبق الياسمين