أبني صروح الود لو كان ينساه".

هبت رياح الحب هب المواويل
إللي هوا روحي له القلب سماه
وإن جا هوا خلي ينير القناديل
أرقى بليل العشق يا طيب لقياه
وألف القلوب القايمه له تفاصيل
أشرق ونور الوجه تحلا مزاياه
فيه الموده مثل صب الفناجيل
من ذاق من ريق الموده تمناه
وانا لخلي شوق كله مراسيل
أطرب كما قيسٍ تغنى بليلاه
وإن جارت الايام تبني العراقيل
حسبي من الاحباب ما كان ذكراه
عهد الهوا باوفيه رغم التهاويل
وأبني صروح الود لو كان ينساه
وأمد من جسر التواصل مواصيل
وأرمي على بعض القوافي معاناه
وان جاد حظي للهوا دون تذليل
أملا عيوني من مشاهد سجاياه
وأضم خلي صوب قلبي وأنا أميل
دمع الفرح باشواقه اللي تلقاه
وأضم ايدينه لو يقولوا الأَقاويل
خفقات قلبي تَكشف اللي تَخفاه
وأَقْرِب المبِعد ولو جِيل من جِيل
من دارها العامر عسى الله يِرعاه
حبي انا ذاق المرار وغزا ليل
والحال من ما عذبوني ترا تاه

المصدر : منتديات عبق الياسمين