كيبورديه مع التحيه للسكب على العزيمه

كيبورديه مع التحيه للسكب على العزيمه
-----------
يا اهل الرياض الصبح باكر على خير
على الوعـد ميعادنا للعــزيمه
تولم جوكم ضيوف ومسايير
سلم العرب للضيف قدر وحشيمه
قالو نوينا با السفر والمشاوير
يم السكب راع الوفا والعزيمه
في ضفكم للضيف حشمه وتقدير
يا اهل المكارم واليدين الكريمه
عن واجب الخطار مابه معاذير
سيمة عرب على العصور القديمه
نعمين يامنصى الوجيه المسافير
ياذابحين الحيل يا اهل الوليمه
للطيبه ماتحسبون المخاسير
يوم ان بعض الناس همه حريمه
مال المدايح غير ناس مشاهير
اللي لهم ثوب المراجل وسيمه
تحياتي للمتابعه
منادي

هذي القصيده وجهها لي الشاعر منادي
كنت امزح معاه وقلت له تراك معزوم ورد عليه بهذي القصيده

ورديت عليه بالقصيده ألتاليه
المعذره في التنسيق أرسلتها من الجوال
باقي في سفريتي

ولافخر على الجميع عن بعض الابيات التي كتبتها عن نفسي
ردعلى قصيدة اخوي الشاعر منادي بعنوان (( يا اهل الرياض// السكب 12 ))

يامرحبا ترحيب أسرع من الطير
واسرع من الطير بالبخور والوليمه

شرفتني في حضرتك حضرة أمير
شرف حضورك والصداقه غنيمه

لضيف واجب نحسبه حسبة أوزير
شد الرحال على الرياض الوسيمه

الحيل فالك مير عجل على السير
في مجلس الضيفان ولمه حميمه

مجلس يرحب بالرجال المناعير
أرحب على سمن حيل ورز الوليمه

يشهد بقولي صرف قافي وتسطير
عسى وصل السعاده بيننا مستديمه

حاتم يعد مضرب مثل بالمعايير
قدم لضيفه خيل وجبه دسيمه

جود السكب مشهود عبر الاساطير
يكرم ضيوف الدار وبالراس شيمه

أشهر من المشهور بين الهوامير
عبر العصور . ماهي بتكه قديمه

المعذره أن شفت بالحفل تقصير
الجود من الله والسحب هل ديمه
بقلم السكب 12

المصدر : منتديات عبق الياسمين

 

ماحسبت احساب من لايقدر كلمتي
لابدالي من ضعاف النفوس التجهله

اعرف اني صايب الرأي واحذر غلطتي
والضعيف لامرني واجب اني اتجاهله

غيظه ابصدره وانا حاذفه من سلتي
مادريت ان مرني ولا حسبت تجاهله

اعلم اني راق فوق الغمام ابطلتي
رافع الهامه وشامخ وساقي تنقله

والدني الا وباش تركع وتبرد لهفتي
تسجد اباليس والاكفاف تعد امكبله

السكب 12

---

آخر تعديل السكب 12 يوم 14-01-2018 في 10:14 PM.