الأدارة ..♥ |
عبْق أولُ المَطر ✿ مَا تَسكُبُه أناملُكُمْ المُخمليّة لِـ أوّلْ مرّة حَصْرياً ﹂ ✿ |
#1
|
||||||||||||||||||||||||||||||||||||||||||||||||||||||||
خلاص يا دنيا ارتحتي بقلمي الشاعر محمد البهلوان
خلاص يا دنيا ارتحتي هبقي بتاع مصلحتي همشي شمال زي ما قال اندل واحد صاحبي هعيش زي التانيين هاكدب اغش يا بني ادميين كل الناس بجنية بتلين شقيانه عليه وبتجري مش هبقي من كوكب تاني انا مش اصلي ولا تايواني وهعشها الدنيا حلواني انا مش احسن من الباقيين خلاص يا دنيا ارتحتي هبقي بتاع مصلحتي ................. كالعادة احنا في زمن عجايب مع الاسف الكل اهو غايب الف سلامة شكرا يا شقايق في ظهري تتطعنوا سكاكين لا اخلاص ولا وفا لا حبايب شعري من الهموم بقي شايب شوفت كتير وبقيت متضايق مش من واحد لا ملاييين انا عن نفسي كده من الاخر نفسي وبس الباقي يتاخر مش هدلع حد اناني يخدع قلبي بكلمتين شوفت منكم ايه يا عيوني قسوة وجرح صحاب يخونوني يفرحوا وقلبي يعاني شطبنا صحاب خاييين خلاص يا دنيا ارتحتي كفاية لو سمحتي مفيش في الحياة انسان يستاهل كلمة صاحبي هعيش زي التانيين هاكدب اغش يا بني ادميين كل الناس بجنية بتلين شقيانه عليه وبتجري مش هبقي من كوكب تاني انا مش اصلي ولا تايواني وهعشها الدنيا حلواني انا مش احسن من الباقيين خلاص يا دنيا ارتحتي هبقي بتاع مصلحتي بقلمي الشاعر محمد البهلوان يحظر نقل او نسخ العمل دون الاشارة للمصدر وصاحب الكلمات
آخر تعديل محمد البهلوان يوم 03-02-2023 في 10:13 AM.
الساعة الآن 05:43 AM
|