محنشة بالسمك مقرمشة بالصور

محنشة بالسمك مقرمشة بالصور المقادير: محنشة بالحوت -500g سمك أبيض أي نوع تفضلون -250g كلامار -250g كروفيت -120g شعرية صينية - حبة بصلة مقطعة -حبة طماطم مقطعة -نصف حبة فلفلة حمراء مقطعة -علبة صغيرة فقيع فطر مأكول مقطع -ضرس ثوم مقطع -شوية قزبر مقطع -6 حبات سوريمي مقطع دوائر -القليل من الزيتون الأخضر مقطع دوائر -زيت وتوابل نحتاج أيضا للف المحنشة -8 ورقات الخاصة بالبقلاوة pate de filo -100g زبدة مدوبة -أصفر بيضة الطريقة: -نضع قدر فيه ماء وورقة سيدنا موسى شوية زعتر يابس القليل من الملح ضرس ثوم نخليه يغلى ونعمل فيه السمك الأبيض ونخليه مدة 10 دقائق من بعد نزولوه ونقيه إلى كان فيه الشوك ونقطعو طريفات ونخليه جنب -نعمل الشعرية الصنيية في ماء مع شوية ملح ونخليها 7 دقائق نغسلها بالماء البارد ونقطعها ونخليها تتقطر مزيان -نمر للحشوة نضع الكل في مقلة البصل الطماطم الفلفلة والفطر المأكول ضرس الثوم القزبر شوية زيت نعمل التوابل ( ملح ابزار كمون سكنجبير تحميرة )ممكن عمل القليل من الحار paprika تجي لذيذة بالنسبة إلي يبغيو الحار نغطي على المقلة ونخليها طيب مين تنزل البصلة والطماطم نعمل الكلامار مقطع والكروفيت ونرجع نغطي على المقلة حتى تتشرب مزيان نعمل الحشوة في إناء عميق نضيف عليه السمك الأبيض والشعرية والسوريميa والزيتون ونعمل ملعك كبيرة عصير الحامض ونخلط مزيان ونعملها في شبكة باش ينزل منها الزائد ديل الماء نمر لمرحلة اللف نأخد 2 ورقات وحدة لاصقة مع وحدة ونزيد فوق كل ورقة ورقة أخرى يعني 4 ندهن الوجه بالزبدة مزيان نضع نصف الحشوة ونلف الورقة على الحشوة ونلوي حتى نوصل للأخر ونعمل أصفر البيض ونلوي باش تشد مزيان غادي نحصل على حربوش نلويوه على نفسو باش نحصلو على شكل محنشة نعملها في صنية مدهونة ناخد 44 ورقات مثل الأول ونفس الطريقة مين نلوي ونحصل على حربوش نلصقه مع المحنشة إلي وضعنا في الصني ونلف عليها الحربوش وتعطينا الشكل المطلوب ندهن المحنشة بالزبدة وندخلها الفرن 180° أنا عملتو من الفوق والتحت ونخليها حتى تتحمر مزيان ونقدمها سخونة وبالصحة والراحة محنشة بالسمك مقرمشة بالصور بالهناء والشفاء

المصدر : منتديات عبق الياسمين