‏قصة غـرام بيـن خـل وخليلـه

بحكيلكم قصة قبـل ماتنامـون
‏قصة غـرام بيـن خـل وخليلـه

‏كانوا يعيشون الهوى حلم مجنون
‏تورق عصافيـره تغنـي نخيلـه

‏وكانوا اذا طال البعد يـوم يبكـون
‏هذا اذا طـال البعـد بـس ليلـه

‏واذا تلاقوا تهمس يديـن وعيـون
‏وصمت الشفايف كان افضل وسيله

‏كانوا بوجه الوقت دوم يتباهـون
‏ولافكروا بالوقت لـو شـد حيلـه

‏سنه وهم يبنـون يبنـون يبنـون
‏عش الغرام اللي غصونه ظليلـه

‏تدرون بعد العام وش صار تدرون
‏صارت اماني وصلهـم مستحيلـه

‏تفرقوا واحلامهم صارت اطعـون
‏وذاقوا مرار الحب عن سلسبيلـه

‏كله سبايب شك يتبع لـه اظنـون
‏بقلوبهم خيـم ولا اعلـن رحيلـه

‏اثنينهـم تابـوا بعدهـا يحبـون
‏عاشوا على هالذكريات الجميلـه

‏هذي الحكايه وان قدرتوا تنامـون
‏فالحلم بتشوفـون خـل وخليلـه

المصدر : منتديات عبق الياسمين

 

لااحلل نقل مدونتي وكتاباتي ..
كونوا اسمى من ذلك آحبتي ]





نحن وإن جار الزمان لبرهة.. نبقى الكبار وغيرنا أقزام
ما ذنبنا إن كان يشعر أننا أرقى.. وأن مكانه الأقدام