تاني يا قلبي تاني بقلمي الشاعر محمد البهلوان

تاني يا قلبي تاني هنحب ليه من تاني ده احنا ياما صدقنا نسينا الاولاني عايز من الحب ايه ما كفاية اللي راح ما شوفناش منيه غير الالم وجراح سيبك يا قلبي سيبك وانسي اللي عامل حبيبك ولا انت يعني مشتاق ترجع للجرح تاني تاني يا قلبي تاني هنحب ليه من تاني ده احنا ياما صدقنا نسينا الاولاني الحب التاني كفاية ما تعديش تاني السور خليك يا قلبي وانسي خليك ديما في النور ويلك يا قلبي ويلك في نهارك اه وليلك لو ضحك عليك الهوى بحبيبك التاني تاني يا قلبي تاني هنحب ليه من تاني ده احنا ياما صدقنا نسينا الاولاني الاثنين 10-3-1998 تعديل في 5-10-2023 الاصل تاني يا قلبي تاني هنحب ليه من تاني دا احنا ما صدقنا نسينا جراحنا يا هل ترا الحب التاني هيكون احلى من الاولاني ولا هيزود جراحنا من تاني عايز من الحب يا قلبي ايه ما كفاية الحب اللي راح جربت زمان طعم الهوى وكان احلاه مر وجراح سيبك سيبك انسى حبيبك ولا انت خلاص مشتاق للجرح من تاني ياريت يكون الحب التاني جميل كده زي النور ويعوض حرمان زمان ويبدللي ظلامي بنور ليلك ليلك يا فرحة عيونك لو يرضى عليك الزمان بحبيبك التاني الاحاسيس التي دفعتني للكتابة لقد تأكد حبها في قلبي فخوفت لانجرح مثل الحب الذي مر بي والذي كان لي بمثابة الطعنة في القلب فخوفت لاعيد الكرة ، ولكن كان عندي الاحساس ان يكون هذا الحب مثل النور بقلمي الشاعر محمد البهلوان يحظر نقل او نسخ العمل دون الاشارة للمصدر وصاحب الكلمات

عبير الليل ,مي محمد ,طهر القلوب ,علياء و 3 آخرون معجبون بهذا

تساهيل ,وهُــم . ,سما الموج

المصدر : منتديات عبق الياسمين

 

---

آخر تعديل سما الموج يوم 05-10-2023 في 07:35 PM.