مسيري هاهجرك يوم مسيري هاظلمك يوم
يا جارحني في نن قلبي و حارمني طعم النوم
يا قاسي ويا اناني وحياة شوقي وحناني
لتسهر في الليالي حالك يصعب ع النجوم
من امتى وانت حاجة من غيري انت ولا حاجة
غرقت في حُبك ساذجة بس اتعلمت اعوم
مسيري هاهجرك يوم مسيري هاظلمك يوم
يا جارحني في نن قلبي يا حارمني طعم النوم
إعرف صدقني عمري مش هسأل يوم عليك
لو حتي هتجي تبكي ولا نظرة واحدة ليك
زي ما غيرت حالي لتدوق من الويل يا غالي
وهواك اللي فخيالي هفوق منه وهقوم
مسيري هاهجرك يوم مسيري هاظلمك يوم
يا جارحني في نن قلبي يا حارمني طعم النوم
انا عشت عمري جانبك يا خسارة عمري فيك
هو انا علشان بحبك تخاصمني ليه عينيك
من كام ليلة الليلة دي وانت سيباني وعادي
افتكر انت اللي بادي وانت اللي عليك اللوم
مسيري هاهجرك يوم مسيري هاظلمك يوم
يا جارحني في نن قلبي و حارمني طعم النوم
يا قاسي ويا اناني وحياة شوقي وحناني
لتسهر في الليالي حالك يصعب ع النجوم
بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات
|