عجبك ياريس - عشت ياريس
- عجبك كده ياريس
خطيبتي اللي كانت مني
ما انت عارف الحكاية
فاكرها منستهاش
= ايوه يابني
انسى ايه
ده انت حبي
مستغناش
- يدوب اقل من شهر
باعتني
اتخطبت لواحد تاني
وانا متأثر هههههه في الانعاش
= مانا عارف يا تاعبني
هو انت لسه في جروحك
مطيبتهاش
خليت صفوت الشريف يكلمهم
اتاريهم
ولا بلاش
- انت عارف ايه ياريس
قول ارجوك
متستناش
انا مش مصدق
اقل من شهر تتخطب
انا كنت اعرفها
ولا معرفهاش
= انت يابني كنت تريسوا
درجة تالته
متسواش
- يعني ايه ياريس
قلبي ميستهلش يحب
= لا
ميستهلش يحب الغشاش
انت بالنسبة ليها ترانزيت
يعني محطة تستريح فيها
وهي عارفه نصيبها مجاش
مستنيه قطرها الاسباني يجي
ما انت مجرد قطر قشاش
انت مجرد وقت ضايع ميت من حياتها
ودلوقتي الوقت اللي هيتعاش
-اه ياريس علي الخيانة
وعلى الجراح وعلى الاهانة
كانت بتخدع كتير في قلبي
وتقولي انت وغيرك بلاش
يعني ايه ابقي ترانزيت في حياتها
يعني كانت تعرفه
وبتحبه قبلي وتعشقه
طب امتي ازاي عرفته
ده يدوبك شهر معداش
= ما انت قولت في عنيك ملاك
وبتحبها وهي عايزاك
ايه اللي جرا يا صاحبي ايه
يمكن صحيح ما فهمتهاش
= لا ماتقولشي دي ملاك
- امال سابت ايه للشيطان والهلاك
الله يجازيها سبتني فحريقي
ومهماش
ترانزيت وقت ضايع
ايو فعلا كنت كده فحياتها
وانا مغفل مفهمتهاش
وزي مادخلت في حياتها بسهولة
خرجتني منها الامورة
اللي كانت وياما قالت
دبلتك في ايدي كنز
يقطعوا صوابعي ودبلتك ماقلعهاش
صحيح هيا بطلة في الخداع
وماليش في ادوار البطولة
وعنيه في الخداع مالهاش
لكن عنيها الله عليها
البريئة بس خاينة
والحقيقة واضحه باينة
ازاي فساعتها معرفتهاش
دبروها وعملوها
والكلام يضحك
الجو متكهرب
واتاريه
الجو بيتظبط
للعريس الجديد
وانا ميت وهو عاش
ويعش حياة جديدة في الوقت الحقيقي
الوقت الحقيقي
شكرا ياريس على الكلام والمعلومات
اللي قولتها
واللي انت ما قولتهاش
وبحييك على الحقيقة والتحقيقات
ايوه كده انت فعلا ريس
مهتم بالرعية
واللي ليا واللي عليا
لازم اقوله
ريسنا ياناس كويس
ريسنا ياناس
عاش عاش عاش
عاش عاش
بقلمي الشاعر محمد البهلوان
يحظر نقل او نسخ العمل دون الاشارة للمصدر وصاحب الكلمات
|