دجاج المندي ع طريقة أسيل فعالية( أطباق مشهورة بشهر رمضان المبارك)

تــــــــــــــــم الاطــــــــــلاع

أقدم لكم اليوم طريقة الدجاج المندي ع طريقتي الخاصة المكوّنات كوبين رز منقوع ربع ساعة بهارات صحيحة للأرز: فلفل اسود هيل قرفة ورق غار كركم بصلة دجاجة كاملة مقسمة لنصفين بهارات تتبيلة الدجاج: بهارات مشكلة كركم بودرة ثوم صفار الزعفران بودرة كزبرة الخطوات بعد ان ننقع الرز اصفيه عن مويته واحطه في القدر (اهمشي القدر عادي يدخل الفرن) ولكل كوب رز كوبين ماء واحط البهارات الصحيحة وملح حسب الرغبة بعدها اسكر القدر بطبقة من القصدير واعمل ثقوب في القصدير اشغل الفرن على حرارة 200 من تحت نغسل الدجاج كويس ونعمل فيها شقين بالسكين حتى البهارات توصل للداخل ونحط البهارات كلها وصفار الزعفران والملح ونفرك فيه الدجاجة كاملة من الجهتين ونحطها فوق القصدير الى عملنه فيه ثقوب ونغطيه بقصدير مرة ثانية وندخله الفرن مدة ساعة ونص بعدين اطلع القدر افتح اول القصدير عن الدجاج وامسحها بصفار الزعفران وارجعها الفرن تتحمر فقط من فوق بعدين اطلعها واشيل الدجاج وافتح القصدير عن الرز واحط الدجاج فوق الرز بعدها اعمل فحمة واحط في القدر فنجان وشوية زيت واحط فوقه الفحمة واسكر القدر على طول واخليها تبخر ٤ دقائق وبعدها اشيله خلاص وبالعافية، ترا سهلة جداً وما اخذت من وقتي شي بس انا كاتبة هدرة كثيرة بس هي سهلة ولذيذة �� بالهناء والشفاء ع قلوبكم أحبيتي أختكم في الله ♥أسيل♥

المصدر : منتديات عبق الياسمين

 

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا  فقم بتسجيل دخول بعضويتك للمتابعة وإذا لم تكن  فيمكنك تسجيل عضوية جديدة مجانا ً ( من هنا )

اسم العضوية		حفظ معلومات الدخول
كلمة المرور