يا هلي بالليل ما ترقد عيوني

.

.
يا هلي بالليل ما ترقد عيوني
أتململ كن جنبي على مله
ما أهتني بالنوم وانتم تناموني
نوم عيني ما يجيها على حله
أشرفت روحي على الموت تكفوني
انقرض حالي وبانت به الخله
المنية قربت مير بيحوني
وادعوا المعبود يغفر لي الزله
يا هلي تكفون تكفون ودوني
للطبيب يشوف وش خافي العله
إن عرف ما بي من دواه داووني
وادفعوا له يا هلي مالكم كله
وان تعذر فوق الإسعاف شيلوني
واوصلوني راعي القذله الهله
اطرقوا بابه وقولوا لمضنوني
صاحبك ما عند غيرك علاج له
عالج اللي فيك مغرم ومفتوني
عادة المحبوب يعطف على خله
حالته حاله ومن دون في دوني
كيف تبخل وأنت لاماك طبٍ له
أنقذ المسكين يا صافي اللوني
لا تهين مولع فيك وتذله
للهوى عند المحبين قانوني
لا تخِل بسلم الأحباب خاف الله
-
#بتال_فلاح_الجاسر_السهلي

المصدر : منتديات عبق الياسمين